వాఘా సరిహద్దు వద్ద ఘనంగా 'బీటింగ్ రిట్రీట్' వేడుకలు

పంజాబ్‌లోని అమృతసర్‌ వద్ద ఉన్న అత్తారీ-వాఘా సరిహద్దు వద్ద 'బీటింగ్ రిట్రీట్' వేడుకలు దేశభక్తి ఉప్పొంగేలా సాగాయి. దేశం నలుమూలల నుంచి తరలివచ్చిన వేలాది మంది సందర్శకులు, సరిహద్దు భద్రతా దళ సిబ్బంది ఈ ఉత్సాహభరిత కార్యక్రమంలో పాల్గొన్నారు.

ఆంధ్రజ్యోతి, ఆగస్టు 15: దేశ 80వ స్వాతంత్ర్య దినోత్సవం సందర్భంగా పంజాబ్‌లోని అమృతసర్‌ వద్ద ఉన్న అత్తారీ-వాఘా (Attari-Wagah) సరిహద్దు వద్ద 'బీటింగ్ రిట్రీట్' (Beating Retreat) వేడుకలు అత్యంత వైభవంగా, దేశభక్తి ఉప్పొంగేలా జరిగాయి. దేశం నలుమూలల నుంచి తరలివచ్చిన వేలాది మంది సందర్శకులు, విద్యార్థులు, యువకులు, సరిహద్దు భద్రతా దళం (BSF) సిబ్బంది ఈ ఉత్సాహపూరిత కార్యక్రమంలో పాల్గొన్నారు.

దేశభక్తి గీతాల హోరు: విద్యార్థులు, యువ కళాకారులు 'జై హో', "ఇండియా వాలే', 'వందేమాతరం', 'దేశ్ మేరా రంగీలా', 'సునో గౌర్ సే దునియా వాలో' వంటి ప్రసిద్ధ దేశభక్తి గీతాలకు ప్రతిభావంతమైన ప్రదర్శనలు ఇచ్చారు.

భారతీయ సాంస్కృతిక వైవిధ్యం: పంజాబ్ సాంప్రదాయ డ్యాన్స్ ఫారమ్స్ అయిన గిద్దా (Gidda) (మహిళల ప్రదర్శన), భాంగ్రా (Bhangra) (తలపాగాలతో పురుషుల ప్రదర్శన) ప్రేక్షకులను విశేషంగా ఆకట్టుకున్నాయి. మువ్వన్నెల దుస్తులు ధరించిన చిన్నారుల ఆటపాటలు ప్రత్యేక ఆకర్షణగా నిలిచాయి.

సాహస ప్రదర్శనలు: కళాకారులు జిమ్నాస్టిక్స్, మైమరపించే కవాతులతో పాటు టైక్వాండో (Taekwondo), ఆత్మరక్షణ విద్యల (Self-defence) మార్షల్ ఆర్ట్స్ కదలికలను ప్రదర్శించి ఆహూతులను అలరించారు.

మహిళా BSF సిబ్బంది: వేడుకల్లో మహిళా BSF జవాన్లు కూడా పాల్గొని తమ శక్తిసామర్థ్యాలను చాటుకున్నారు.

బెంగళూరులో బెంగాల్ యువకుడి అరెస్ట్.. ఉగ్రసంస్థల లింకులతో దర్యాప్తు..

అరుణాచల్‌ప్రదేశ్‌లో వరద బీభత్సం.. నలుగురి మృతి, ఆర్మీ సిబ్బంది గల్లంతు..