షాక్ లో సినీ డైరెక్టర్లు! 66 హార్డ్ డిస్క్ లు మాయం

దొంగతనం ఉదంతం మే 21న బయటపడింది. ఆఫీస్ సిబ్బంది తమ రొటీన్ వర్క్ కోసం ఒక హార్డ్ డిస్క్‌ని వెతకగా అది దొరకలేదు. దాంతో కంపెనీ ఎగ్జిక్యూటివ్ ఆఫీస్ కప్‌బోర్డులను నిశితంగా పరిశీలించారు. అక్కడ కొన్ని బాక్సులు పాడైపోయి, లోపల డిస్క్‌లు లేకపోవడాన్ని గమనించి ఆమె వెంటనే బాంద్రా పోలీస్ స్టేషన్‌లో ఫిర్యాదు చేశారు. రంగంలోకి దిగిన పోలీసులు అంతర్గత విచారణ చేపట్టారు. గత ఏడేళ్లుగా అదే ఆఫీసులో నమ్మకంగా పనిచేస్తూ, ఆ స్టోరేజ్ క్యాబినెట్‌ను పర్యవేక్షించే ఆఫీస్ బాయ్ అజీమ్ ఖాన్ దొంగ అని తేలింది. ఆ ఇంటిదొంగ విడతల వారీగా 24 హార్డ్ డిస్క్‌లను దొంగిలించి గ్రే మార్కెట్‌లో అమ్మేసుకున్నట్లు అంగీకరించాడు. ఒక్కో హార్డ్ డిస్క్‌ను 20 వేల రూపాయల తక్కువ ధరకే అమ్మినట్లు నిందితుడు ఒప్పుకున్నాడు. పోలీసులు వెంటనే యాక్షన్ లోకి దిగి ఇద్దరు నిందితులను అరెస్ట్ చేసి, కోర్టు ద్వారా మే 29 వరకు పోలీస్ కస్టడీకి తీసుకున్నారు. ప్రస్తుతం దొంగిలించబడిన 66 డిస్క్‌లలో 24 డిస్క్‌ల వివరాలు దొరికాయి. మిగిలిన 42 హార్డ్ డిస్క్‌ల కోసం పోలీసులు గాలిస్తున్నారు. అయితే, ఈ కేసులో అన్‌రిలీజ్డ్ సినిమా కంటెంట్‌ను నిందితులు ఎక్కడైనా కాపీ చేశారా, లేదా ఆన్‌లైన్ ప్లాట్‌ఫారమ్‌లలో ఎవరికైనా విక్రయించి లీక్ చేశారా అనే కోణంలో సైబర్ క్రైమ్ నిపుణులు దర్యాప్తు చేస్తున్నారు. డిజిటల్ యుగంలో ఎంటర్‌టైన్‌మెంట్ రంగంలో డేటా సెక్యూరిటీ ఎంత ముఖ్యమైందో ఈ ఘటన మరోసారి నిరూపించింది.

Peddi: పెద్ది దుబాయ్ సెన్సార్ టాక్ మామూలు కాదు.. చరణ్ కెరీర్‌లోనే బెస్ట్ పెర్ఫార్మెన్స్ అంటారా

అంతరిక్షంలో మనిషి పుట్టుకకు తొలి అడుగు.. చైనా సంచలన ప్రయోగం వెనక అసలు కథ

పొట్ట ఉబ్బిపోయి కదల్లేకుండా.. కనిపించిన కొండచిలువ.. అడవిలో షాకింగ్ సీన్ వైరల్

అద్భుతం.. చైనాలో డాక్టర్లు.. హైదరాబాద్‌లో సర్జరీ..

హిందూ మహాసముద్రంలో భారీ ‘గ్రావిటీ హోల్’.. వీడిన మిస్టరీ!