Temple Theft News

అయోధ్య రామమందిర కానుకల చోరీ వ్యవహారంలో దర్యాప్తు ముమ్మరం కావడంతో సంచలన విషయాలు వెలుగులోకి వస్తున్నాయి. భక్తులు సమర్పించిన విరాళాల సొమ్మును మళ్లించేందుకు నిందితులు వేసిన వ్యూహాలు దర్యాప్తు అధికారులనే ఆశ్చర్యపరుస్తున్నాయి. ముఖ్యంగా ఆలయానికి వచ్చిన విరాళాల్ని అక్రమార్కులు ఎలా బయటికి తరలించారో క్రమంగా గుట్టు వీడుతోంది. కోర్టు అనుమతితో నిందితుడు అవినాష్ శుక్లాను పోలీసులు దాదాపు రెండు గంటల పాటు ముమ్మరంగా విచారించగా.. తాము చేసిన కోట్ల రూపాయల నిధుల మళ్లింపు వెనుక ఉన్న రహస్యాలను అతడు పూర్తిగా ఒప్పుకున్నాడు. ట్రస్ట్‌లో కీలక సభ్యుడిగా ఉన్న అనిల్ మిశ్రా విరాళాల లెక్కింపు ప్రక్రియలో అత్యంత ముఖ్యమైన పాత్ర పోషించారని శుక్లా వెల్లడించాడు. ఆలయ విరాళాల నిర్వహణపై తీవ్ర విమర్శలు రావడంతో అనిల్ మిశ్రాతో పాటు ట్రస్ట్ జనరల్ సెక్రటరీ చంపత్ రాయ్ ఇటీవల తమ పదవుల నుంచి తప్పుకున్నారు. వాష్ రూమ్ ల్లో నగదు దాచేసి.. (Ayodhya)ఆలయ విరాళాల లెక్కింపు గది నుంచి భారీగా నగదును అపహరించి, దానిని ఎవరికీ అనుమానం రాకుండా ఆలయ ప్రాంగణంలోని వాష్‌రూముల్లో తాత్కాలికంగా దాచిపెట్టేవారని దర్యాప్తులో తేలింది. ఆ తర్వాత అనువైన సమయం చూసుకుని ఆ సొమ్మును బయటకు తరలించినట్లు తెలుస్తోంది. ఈ వ్యవహారంలో శ్రీ రామజన్మభూమి తీర్థ క్షేత్ర ట్రస్ట్ మాజీ సభ్యుల ప్రమేయంపై అనుమానాలు బలంగా వినిపిస్తున్నాయి. ఈ పద్ధతిలో దొంగిలించిన నగదును ఆలయ కాంప్లెక్స్ వెలుపలికి నేరుగా తీసుకువెళ్తే భద్రతా తనిఖీల్లో దొరికిపోయే ప్రమాదం ఉందని గ్రహించారు. అందుకే అత్యంత పక్కాగా వ్యూహం రచించి, ఆ సొమ్మును ఆలయం లోపల ఉన్న వాష్‌రూముల్లో తాత్కాలికంగా దాచిపెట్టేవారు. ట్రస్ట్ కీలక సభ్యులతో ఉన్న సాన్నిహిత్యం కారణంగా నిందితులను ఆలయ భద్రతా సిబ్బంది పెద్దగా అనుమానించలేదు. అనుకూలమైన పరిస్థితులు చూసుకుని, ఎవరికీ అనుమానం రాకుండా ఆ సొమ్మును క్రమంగా బయటకు తరలించేవారని సమాచారం.సీసీకెమెరాలకు అడ్డంగా నిలబడి...

బోనాల పర్వదినం వేళ హైదరాబాద్‌లోని జూబ్లీహిల్స్‌ పెద్దమ్మతల్లి ఆలయంలో దొంగతనం కలకలం రేపుతోంది. ఆలయానికి వచ్చిన ఓ భక్తురాలి బ్యాగ్‌ను దుండగుడు చోరీ చేశాడు. హైదరాబాద్‌: బోనాల పర్వదినం వేళ జూబ్లీహిల్స్‌ పెద్దమ్మతల్లి ఆలయంలో దొంగతనం కలకలం రేపుతోంది. ఆలయానికి వచ్చిన ఓ భక్తురాలి బ్యాగ్‌ను దుండగుడు చోరీ చేశాడు. బాధిత మహిళ పూజలు చేస్తున్న సమయంలో ఆమె బ్యాగ్‌ను చాకచక్యంగా కత్తిరించాడు. ఆపై అందులోని పౌచ్‌ను అపహరించి అక్కడి నుంచి ఉడాయించాడు. పౌచ్‌లో ఐదు వెండి బిస్కెట్లు, రూ.5 వేలు ఉన్నట్లు బాధితురాలు వాపోయింది. బోనాల సందర్భంగా ఆలయంలో భక్తుల రద్దీ అధికంగా ఉండటాన్ని ఆసరాగా చేసుకున్న దుండగుడు చోరీకి పాల్పడినట్లు తెలుస్తోంది. కాగా, ఘటనపై జూబ్లీహిల్స్‌ పోలీసులను బాధిత భక్తురాలు ఆశ్రయించింది. కేసు నమోదు చేసిన పోలీసులు.. ఆలయంలోని సీసీ కెమెరాల దృశ్యాలను పరిశీలిస్తున్నారు. వాటి ఆధారంగా నిందితుడి కోసం గాలింపు చర్యలు చేపట్టారు. బోనాల సందర్భంగా పెద్దమ్మగుడికి భారీగా భక్తులు వస్తున్నా.. భద్రతా చర్యలు తగినంతగా లేకపోవడంపై పలువురు ఆందోళన వ్యక్తం చేస్తున్నారు. ఆలయం సహా పరిసర ప్రాంతాల్లో నిఘా పెంచాలని భక్తులు విజ్ఞప్తి చేస్తున్నారు. అనుమానాస్పద వ్యక్తుల కదలికలను నిరంతరం పర్యవేక్షించాలని కోరుతున్నారు. పెద్ది సుదర్శన్ రెడ్డి కుటుంబానికి రూ.2.25 కోట్ల చెక్కు అందజేసిన కేసీఆర్ కుమురం భీమ్ ఆశయాల సాధనకు అందరూ ఐక్యంగా కృషి చేయాలి: మంత్రి సీతక్క

ఆలయంలో దోపిడీ అంటే నగదు, బంగారం, వజ్రాలను చోరీ చేయడం మాత్రమే కాదు.. భక్తుల నమ్మకాన్ని, విశ్వాసాన్ని కూడా దోచుకోవడం. ఇటీవల అయోధ్య రామమందిర విరాళాల చోరీ ఘటన దేశవ్యాప్తంగా చర్చనీయాంశంగా మారింది. ఆలయంలో దోపిడీ అంటే నగదు, బంగారం, వజ్రాలను చోరీ చేయడం మాత్రమే కాదు.. భక్తుల నమ్మకాన్ని, విశ్వాసాన్ని కూడా దోచుకోవడం. ఇటీవల అయోధ్య రామమందిర విరాళాల చోరీ ఘటన దేశవ్యాప్తంగా చర్చనీయాంశంగా మారింది. అయోధ్య రామాలయంలో విరాళాల దుర్వినియోగం కేసు నేపథ్యంలో, గతంలో జరిగిన కాశీ విశ్వనాథుడి ఆలయ దోపిడీ ఘటన మళ్లీ చర్చనీయాంశమైంది (Kashi Vishwanath theft 1983). నాలుగు దశాబ్దాల క్రితం, కాశీ విశ్వనాథ ఆలయంలో జరిగిన ఒక దొంగతనం కారణంగా దాని నిర్వహణను ప్రభుత్వం స్వాధీనం చేసుకోవలసి వచ్చింది. 1983 జనవరిలో, కాశీ విశ్వనాథ ఆలయ గర్భగుడిలో శివలింగం చుట్టూ ఉన్న 2.6 కిలోల బంగారు ఆభరణాలు, దాదాపు 9 కిలోల వెండి చోరీకి గురయ్యాయి. ఈ చోరీకి పాల్పడిన 11 మందిని అరెస్ట్ చేశారు. అప్పుడు కూడా ఆలయంలో పని చేసే వారి సహాయంతోనే దోపిడీ జరిగినట్టు పోలీసులు వెల్లడించారు (Ayodhya Ram Temple theft). ఈ ఘటన అనంతరం కాశీ విశ్వనాథ ఆలయ భద్రత, ఆర్థిక నిర్వహణలో లోపాలపై తీవ్ర విమర్శలు వచ్చాయి. దీంతో ఉత్తరప్రదేశ్ ప్రభుత్వం ప్రత్యేక చట్టం తీసుకొచ్చింది. ఆలయ నిర్వహణను ప్రభుత్వం ఏర్పాటు చేసిన ట్రస్ట్ బోర్డు ఆధీనంలోకి తీసుకువచ్చింది. అప్పటి నుంచి భద్రతా వ్యవస్థలు, విరాళాల లెక్కింపు, పరిపాలనలో పలు సంస్కరణలు అమల్లోకి వచ్చాయి. అయోధ్య రామమందిర విషయంలో కూడా ప్రభుత్వం నూతన సంస్కరణలు చేపట్టాలని పలువురు డిమాండ్ చేస్తున్నారు (Ram Mandir donation controversy). కాగా, రామ మందిర ఆలయ ట్రస్టుకు జవాబుదారీగా ఉండే సీఈవో నియామకానికి తాము అంగీకరిస్తామని, అయితే ప్రభుత్వ స్వాధీనాన్ని మాత్రం అనుమతించబోమని వీహెచ్‌పీ తెలిపింది (Ayodhya temple news). శ్రీ

దొంగలు మరీ బరితెగించిపోతున్నారు.. పోలీసుల మాటెలా ఉన్నా.. కనీసం దేవుడికి కూడా భయపడటంలేదు. ఆలయాల్లో చోరీలకు పాల్పడుతూ ఆథ్యాత్మిక వాతావరణానికి విఘాతం కలిగిస్తున్నారు. ఇప్పటి వరకూ ఆలయాల్లో హుండీలను చోరీ చేసిన వాళ్లను చూశాం. ఇప్పుడు ఆలయ పరిసరాల్లో వేళాడే గంటలపైన పడ్డారు. రాజస్థాన్‌లోని ధోల్‌పూర్ జిల్లా సైంపౌ పోలీస్ స్టేషన్ పరిధిలో ఉన్న ప్రసిద్ధ ‘బాబు మహారాజ్ ఆలయం’లో దొంగలు బీభత్సం సృష్టించారు. గుర్తు తెలియని దుండగులు ఆలయ ప్రాంగణంలోకి చొరబడి సుమారు 70 కేజీల బరువైన రెండు ఇత్తడి గంటలను దొంగిలించుకెళ్లారు. ఈ చోరీకి సంబంధించిన దృశ్యాలన్నీ ఆలయంలోని సీసీటీవీ కెమెరాల్లో స్పష్టంగా రికార్డయ్యాయి. అర్ధరాత్రి సుమారు 1:15 గంటల సమయంలో ముఖాలకు గుడ్డలు కట్టుకుని వచ్చిన ఇద్దరు దుండగులు, కట్టర్ సహాయంతో గంటల గొలుసులను, వైర్లను కత్తిరించి బస్తాల్లో నింపుకుని పారిపోయారు. అయితే, ఈ ఆలయంలో దొంగతనం జరగడం ఇది మొదటిసారి కాదని పూజారి రూప్‌సింగ్ ఆవేదన వ్యక్తం చేశారు. గతంలో కూడా ఇక్కడ గంటలు చోరీకి గురయ్యాయని, ఆలయ ప్రాంగణం నుండి తన మోటార్ సైకిల్ కూడా ఎత్తుకెళ్లిపోయారని ఆయన పేర్కొన్నారు. పదే పదే దొంగతనాలు జరుగుతున్నా పోలీసులు నిందితులను పట్టుకోవడంలో విఫలమయ్యారని పూజారి, స్థానికులు తీవ్ర ఆగ్రహం వ్యక్తం చేస్తున్నారు. పోలీసుల ఉదాసీనత వల్లే దొంగలు మరింతగా రెచ్చిపోతున్నారని భక్తులు మండిపడుతున్నారు. ఈ ఘటనపై సమాచారం అందుకున్న పోలీసులు కేసు నమోదు చేసుకుని దర్యాప్తు ప్రారంభించారు. సీసీటీవీ ఫుటేజ్ ఆధారంగా నిందితులను త్వరలోనే అరెస్ట్ చేస్తామని హామీ ఇచ్చారు. బిర్యానీ ఫ్రీ అన్నారు.. తీరా అక్కడికి వెళ్లాక.. ద్రవ్యోల్బణం కంటే ‘ఏఐ’తోనే పెను ముప్పు ఆర్‌బీఐ సంచలన నివేదిక! నాడు ఏకే-47 పట్టిన చేతులతోనే.. నేడు నాగలిపట్టి సేద్యం Samantha: బేబీ బంప్‌తో సమంత వర్కౌట్స్.. ఫిట్‌ నెస్‌ విషయంలో నో కాంప్రమైజ్‌

రేణుక గొడుగు జీ తెలుగు డిజిటల్ మీడియాలో సబ్ ఎడిటర్‌గా 2024 నుంచి పనిచేస్తున్నారు. హెల్త్‌, లైఫ్‌స్టైల్‌, ఆస్ట్రోలజీ, బ్రేకింగ్, వైరల్‌ వ్యవహరాలకు సంబంధించిన వార్తలు రాస్తున్నారు. గతంలో ప్రముఖ మీడియా సంస్థల్లో వివిధ రంగాలకు సంబంధించిన 6 ఏళ్ల అనుభవం ఉంది. Basara Mahakali Temple Theft: తెలంగాణ సుప్రసిద్ధ పుణ్యక్షేత్రమైన బాసర సరస్వతి ఆలయంలో ఈరోజు భారీ చోరీ చోటుచేసుకుంది. ఆలయ ప్రాంగణంలోని మహాకాళి అమ్మవారి గుడిని లక్ష్యంగా చేసుకుని దుండగులు పెద్ద ఎత్తున దోపిడీకి పాల్పడ్డారు. తలుపులు పగులగొట్టి అమ్మవారి వెండి కిరీటంతో పాటు హుండీని కూడా ఎత్తుకెళ్లారు. పరమ పవిత్రమైన ఈ పుణ్యక్షేత్రంలో ఇలా భారీ దోపిడీ జరగడం స్థానికంగా కలకలం రేపుతోంది. అర్ధరాత్రి సమయంలో ఈ దోపిడీ జరిగినట్లు సమాచారం. ఉదయం పూజారులు అమ్మవారి నిత్య అభిషేక, అర్చన కార్యక్రమాల కోసం ఆలయంలోకి ప్రవేశించినప్పుడు ఈ భారీ చోరీ విషయం వెలుగులోకి వచ్చింది. ఆ సమయంలో తలుపులు, తాళాలు పగులగొట్టి ఉండటంతో వెంటనే అప్రమత్తమైన పూజారులు ఉన్నతాధికారులకు, పోలీసులకు సమాచారం అందించారు. అర్ధరాత్రి సమయంలో ఆరుగురు హోంగార్డులు విధుల్లో ఉన్నప్పటికీ ఇలా భారీ దోపిడీ జరగడం గమనార్హం. బాసర ఆలయంలో మహాకాళి అమ్మవారి ఆలయం మొదటి అంతస్తులో ఉంటుంది. నిత్యం వేలాది మంది భక్తులతో కిటకిటలాడే ఈ పవిత్ర పుణ్యక్షేత్రంపై ఇలా దోపిడీ జరగడంతో విమర్శలు వెల్లువెత్తుతున్నాయి. జ్ఞాన సరస్వతి అమ్మవారి ఆలయంలోని భద్రతా లోపాలు పూర్తిగా బయటపడ్డాయి. రాత్రి సమయంలో సెక్యూరిటీ సిబ్బంది విధుల్లో ఉన్నప్పటికీ దొంగలు ఇలాంటి సాహసానికి ఒడిగట్టారని స్థానికులు ఆగ్రహం వ్యక్తం చేస్తున్నారు