Telangana Railway Projects News

కేంద్ర రైల్వేశాఖ మంత్రి అశ్వినీ వైష్ణవ్‌‌తో కాంగ్రెస్‌ ఎంపీలు భేటీ అయ్యారు. తెలంగాణలో రవాణా సౌకర్యాలను మెరుగుపరచడానికి వికారాబాద్-కృష్ణా కొత్త రైల్వే లైన్‌కు త్వరితగతిన అనుమతులు ఇచ్చి, పనులను వేగవంతం చేయాలని ఎంపీలు కోరారు. న్యూఢిల్లీ, ఆగస్టు 12: కేంద్ర రైల్వేశాఖ మంత్రి అశ్వినీ వైష్ణవ్‌‌తో కాంగ్రెస్‌ ఎంపీలు భేటీ అయ్యారు. తెలంగాణలో రవాణా సౌకర్యాలను మెరుగుపరిచేందుకు వికారాబాద్-కృష్ణా కొత్త రైల్వే లైన్‌కు త్వరితగతిన అనుమతులు ఇచ్చి, పనులను వేగవంతం చేయాలని కోరారు. వికారాబాద్- కృష్ణా కొత్త రైల్వే లైన్, డోర్నకల్ - గద్వాల్ (కల్వకుర్తి మీదుగా) రైల్వే లైన్, కల్వకుర్తి - మాచర్ల రైల్వే లైన్‌‌ను ఏర్పాటు చేయాలని ఎంపీలు విజ్ఞప్తి చేశారు. అలాగే, హైదరాబాద్ - అమరావతి - బందర్ పోర్ట్ సరుకు రవాణా(ఫ్రైట్) కారిడార్, హైదరాబాద్‌ను పూణే-ముంబై, బెంగళూరు, చెన్నై నగరాలతో అనుసంధానించే 3 హైస్పీడ్ రైల్ కారిడార్లు, హైదరాబాద్ రీజినల్ రింగ్ రైల్(RRR) ప్రాజెక్ట్ ఫ్రైట్ & హైస్పీడ్ కారిడార్లు ఏర్పాటు చేయాలని కోరారు. అంతేకాకుండా కాచిగూడ - జగ్గయ్యపేట, పటాన్‌చెరు - ఆదిలాబాద్, బోధన్ - లాతూర్ ప్రాజెక్టుల డీపీఆర్‌(DPR) ప్రక్రియను వేగవంతం చేసి నిధులు మంజూరు చేయాలని కేంద్ర మంత్రి అశ్వినీ వైష్ణవ్‌కు ఎంపీలు వినతి చేశారు. కేంద్ర మంత్రిని కలిసిన వారిలో మల్లు రవి, కిరణ్ కుమార్ రెడ్డి, సురేష్ షెట్కార్, వంశీ గడ్డం ఉన్నారు. ‘వందల కోట్ల విలువైన భూములు ఎలా దక్కించుకోవాలో నేర్పించండి’.. కేటీఆర్ సెటైరికల్ పోస్ట్ మేడ్చల్‌ కోల్డ్ రష్ లాజిస్టిక్స్ గోదాంలో అగ్నిప్రమాదం.. ఎగిసిపడుతున్న మంటలు

తెలంగాణ రాష్ట్రంలో రైల్వే ప్రాజెక్టుల ప్రగతిపైన రైల్వేశాఖ మంత్రి అశ్విని వైష్ణవ్ సంచలన ప్రకటనలు చేశారు. నేడు హైదరాబాద్ లో పర్యటించిన ఆయన అనేక కీలక విషయాలను వెల్లడించారు. తెలంగాణాలో దక్షిణ భారతదేశంలో రవాణా రంగాన్ని పూర్తిగా మార్చేసేలా రైల్వే విషయంలో కీలక నిర్ణయం తీసుకున్నట్టు వెల్లడించారు. తెలంగాణా రాష్ట్ర రైల్వే ప్రాజెక్ట్ లకు 5వేల కోట్ల భారీ నిధులను కేటాయించినట్టు చెప్పారు.వికసిత్ భారత్ 2047 సాంకేతికత పాత్ర సదస్సులో రైల్వే మంత్రిహైదరాబాద్ మహానగరాన్ని పరుగులు పెట్టించేలా రెండు ప్రధాన మెట్రో నగరాలైన చెన్నై మరియు బెంగళూరు లతో అనుసంధానం చేస్తూ సరికొత్త బుల్లెట్ రైలు కారిడార్లను ఏర్పాటు చేస్తున్నట్లు కేంద్రమంత్రి అశ్వని వైష్ణవ్ వెల్లడించారు. హైదరాబాద్లోని హెచ్ఐసీసీ వేదికగా నిర్వహించిన వికసిత్ భారత్ 2047 సాంకేతికత పాత్ర అనే ప్రతిష్టాత్మక సదస్సులో కేంద్ర మంత్రి కిషన్ రెడ్డితో కలిసి పాల్గొన్న రైల్వేశాఖ మంత్రి ఈ మేరకు పలు కీలక విషయాలను వెల్లడించారు.దక్షిణ భారతదేశ రాష్ట్రాలను కలుపుతూ బుల్లెట్ రైల్ కారిడార్త్వరలోనే ఆంధ్రప్రదేశ్, తెలంగాణ, తమిళనాడు, కర్ణాటక రాష్ట్రాలను కలుపుతూ బుల్లెట్ రైలు కారిడార్ ఏర్పాటు జరుగుతుందన్నారు. ఈ కొత్త బుల్లెట్ రైలు అందుబాటులోకి వస్తే గంటకు 300 కిలోమీటర్ల నుంచి 320 కిలోమీటర్ల వేగంతో ప్రయాణం చేయవచ్చని, కేవలం రెండున్నర నుండి మూడు గంటల లోపే గమ్యస్థానాలకు చేరుకోవచ్చని కేంద్ర రైల్వే శాఖ మంత్రి అశ్విని వైష్ణవ్ వెల్లడించారు.అంతర్జాతీయ ప్రమాణాలతో సికింద్రాబాద్ రైల్వే స్టేషన్ అభివృద్ధిదీనికి సంబంధించి dpr పనులు తుది దశకు చేరుకున్నాయి అన్నారు. ఇక ఇదే సమయంలో అంతర్జాతీయ ప్రమాణాలతో సికింద్రాబాద్ రైల్వే స్టేషన్ ను అభివృద్ధి చేస్తున్నామని వెల్లడించారు. మొత్తం దేశవ్యాప్తంగా 1300 స్టేషన్ల ఆధునీకరణ పనులు చేపట్టామని, వెల్లడించారు. ఇందులో తెలంగాణ రాష్ట్రంలోని 40 స్టేషన్లు ఉన్నాయని ముఖ్యంగా సికింద్రాబాద్ రైల్వేస్టేషన్ ను ప్రపంచ స్థాయి రైల్వే స్టేషన్ గా తీర్చి దిద్దుతున్నామని ఆయన అన్నారు.కాజీపేట రైల్వే

రాష్ట్ర ప్రయోజనాలే పరమావధిగా దిల్లీ వేదికగా కీలక అడుగులు పడ్డాయి. తెలంగాణ రాజధాని హైదరాబాద్ నగర ప్రజా రవాణా వ్యవస్థలో అత్యంత కీలకమైన మెట్రో రైలు ప్రాజెక్టుల పురోగతిపై కేంద్ర రైల్వే శాఖ మంత్రి అశ్వినీ వైష్ణవ్‌తో ముఖ్యమంత్రి రేవంత్ రెడ్డి, కేంద్ర బొగ్గు, గనుల శాఖ మంత్రి జి. కిషన్ రెడ్డి సంయుక్తంగా భేటీ అయ్యారు. దేశ రాజధానిలో జరిగిన ఈ ఉన్నత స్థాయి సమావేశంలో హైదరాబాద్ మెట్రో ఫేజ్-1 బదలాయింపుతో పాటు, ఫేజ్-2 విస్తరణకు సంబంధించిన కీలక అంశాలపై సుదీర్ఘంగా చర్చించారు. హైదరాబాద్ మెట్రో ఫేజ్-2 విస్తరణ పనులను వేగవంతం చేయడమే లక్ష్యంగా ఈ సమావేశం సాగింది. ఇండియన్ రైల్వే ఫైనాన్స్ కార్పొరేషన్ (IRFC) నుంచి మెట్రో ప్రాజెక్టుకు అందాల్సిన సుమారు రూ. 13,600 కోట్ల రుణాల విడుదలలో ఎదురవుతున్న సాంకేతిక ఇబ్బందులను ఈ సందర్భంగా ముఖ్యమంత్రి రేవంత్ రెడ్డి కేంద్రమంత్రి దృష్టికి తీసుకెళ్లారు. భాగ్యనగరానికి ఈ నిధులు ఎంతో అవసరమని, పెండింగ్ సమస్యలను త్వరితగతిన పరిష్కరించాలని కోరారు. ఈ కీలక భేటీలో మెట్రో విస్తరణకు సంబంధించిన సమగ్ర నివేదికలను, ఒప్పంద పత్రాలను సీఎం రేవంత్ రెడ్డి కేంద్ర రైల్వే మంత్రికి స్వయంగా అందజేశారు. శంషాబాద్ ఎయిర్‌పోర్ట్ కనెక్టివిటీతో పాటు నగరంలోని వివిధ ప్రాంతాలను అనుసంధానించే 76.4 కిలోమీటర్ల మేర ప్రతిపాదించిన ఐదు ప్రధాన కారిడార్ల ప్రాధాన్యతను వివరించారు. ఈ ప్రాజెక్టుల నిర్మాణ వ్యయంలో కేంద్రం తన వాటాను సకాలంలో విడుదల చేయాలని విజ్ఞప్తి చేశారు. కేంద్ర మంత్రి కిషన్ రెడ్డి సైతం ఈ చర్చల్లో చురుగ్గా పాల్గొని, తెలంగాణలోని రైల్వే, మెట్రో మౌలిక వసతుల కల్పనకు కేంద్ర ప్రభుత్వం ఎల్లప్పుడూ సానుకూలంగానే ఉంటుందని స్పష్టం చేశారు. సాంకేతిక, ఆర్థిక పరమైన నిబంధనలకు అనుగుణంగా రాష్ట్ర ప్రభుత్వం సహకరిస్తే, కేంద్ర నిధుల విడుదలకు ఎలాంటి అడ్డంకులు ఉండవని పేర్కొన్నారు. ప్రాజెక్టుల పురోగతిపై రాష్ట్ర, కేంద్ర ప్రభుత్వాలు సమన్వయంతో ముందుకు వెళ్లాలని అభిప్రాయపడ్డారు