Telangana Cabinet Meeting News

తెలంగాణ కేబినెట్ సమావేశం డేట్ ఫిక్స్ అయింది. జూలై 2 గురువారం మధ్యాహ్నం 3 గంటలకు హైదరాబాద్‌లోని డాక్టర్ బీ.ఆర్. అంబేద్కర్ తెలంగాణ సచివాలయం 6 వ అంతస్తులో ఈ భేటీ జరగనుంది. సీఎం రేవంత్ రెడ్డి అధ్యక్షతన ఈ కీలక సమావేశం జరగనుంది. ఈ మేరకు రాష్ట్ర ప్రభుత్వ ప్రధాన కార్యదర్శి కే. రామకృష్ణారావు అధికారిక ఉత్తర్వులు జారీ చేశారు. కేబినెట్ భేటీ నేపథ్యంలో ఈ మేరకు రాష్ట్ర ప్రభుత్వంలోని అన్ని శాఖలు అజెండా రూపకల్పనపై కసరత్తు ముమ్మరం చేశాయి. ఈ సమావేశానికి సంబంధించిన అజెండా అంశాలను సర్క్యులేషన్‌ ద్వారా ఆమోదించి వాటిని తెలుగు అనువాదంతో సహా సాధారణ పరిపాలన శాఖకు సమర్పించాల్సి ఉంటుంది. ఈ మేరకు నివేదికలను జూలై 1 న మధ్యాహ్నం 1:00 గంటల కల్లా ఖచ్చితంగా పంపాలని సీఎస్ ఆదేశించారు. ఒకవేళ ఎలాంటి అజెండా అంశాలు లేకపోయినా నిల్ రిపోర్టును పంపాలని స్పష్టం చేశారు.కేబినెట్ సమావేశం ముగిసే వరకు ప్రభుత్వ ప్రత్యేక ప్రధాన కార్యదర్శిలు, ప్రధాన కార్యదర్శులు ఖచ్చితంగా తమ ప్రధాన కార్యాలయాల్లో అందుబాటులో ఉండాలని ఉత్తర్వుల్లో పేర్కొన్నారు. ఇక ప్రస్తుత రాజకీయ, పరిపాలనా పరమైన అంశాలు, అలగే పలు కీలక బిల్లులు, ప్రజా సంక్షేమ పథకాలపై ఈ భేటీలో చర్చించి నిర్ణయాలు తీసుకునే అవకాశం ఉన్నట్లు సచివాలయ వర్గాలు తెలిపాయి

తెలంగాణ ముఖ్యమంత్రి ఎ. రేవంత్ రెడ్డి నేతృత్వంలో రాష్ట్ర మంత్రిమండలి అత్యవసరంగా సమావేశం కానుంది. జూలై 2వ తేదీన మధ్యాహ్నం 3:00 గంటలకు హైదరాబాద్‌లోని డాక్టర్ బి.ఆర్. అంబేద్కర్ తెలంగాణ రాష్ట్ర సచివాలయంలోని 6వ అంతస్తులో ఉన్న కేబినెట్ హాల్‌లో ఈ ప్రతిష్టాత్మక 34వ కేబినెట్ భేటీ జరగబోతోంది. రాష్ట్రంలో ప్రస్తుతం నెలకొన్న పలు కీలక సామాజిక, ఆర్థిక విద్యాపరమైన సవాళ్లపై ఈ భేటీలో సుదీర్ఘంగా చర్చించి, చారిత్రాత్మక నిర్ణయాలు తీసుకోనున్నట్లు తెలుస్తోంది. ప్రభుత్వ ప్రధాన కార్యదర్శి కె. రామకృష్ణారావు జూన్ 30న ఈ సమావేశానికి సంబంధించిన అధికారిక ఉత్తర్వులను జారీ చేశారు. దీంతో సచివాలయంలో ఒక్కసారిగా పరిపాలనా పరమైన హడావుడి ఊపందుకుంది. ఈ కీలక సమావేశానికి సంబంధించి ప్రభుత్వం అన్ని శాఖల స్పెషల్ చీఫ్ సెక్రెటరీలు, ప్రిన్సిపల్ సెక్రెటరీలు, మరియు సెక్రెటరీలకు గట్టి ఆదేశాలు జారీ చేసింది. జూలై 1వ తేదీ మధ్యాహ్నం 1:00 గంటల లోపు తమ తమ శాఖలకు సంబంధించిన అజెండా అంశాలను తెలుగు అనువాదంతో సహా సాధారణ పరిపాలన కేబినెట్ విభాగానికి ఖచ్చితంగా పంపాలని ప్రభుత్వం స్పష్టం చేసింది. ఒకవేళ ఏ శాఖలోనైనా ఎలాంటి అజెండా అంశాలు లేకపోయినా.. 'నిల్' (NIL) రిపోర్టునైనా నిర్ణీత సమయానికి సబ్మిట్ చేయాల్సి ఉంటుందని సిఎస్ ఉత్తర్వుల్లో పేర్కొన్నారు. అంతేకాకుండా, కేబినెట్ భేటీ ముగిసే వరకు ప్రభుత్వ ఉన్నతాధికారులు, కార్యదర్శులందరూ కచ్చితంగా తమ హెడ్‌క్వార్టర్స్‌ (కార్యాలయాల) లోనే అందుబాటులో ఉండాలని ఆదేశించారు. ప్రొటోకాల్ డైరెక్టర్, హార్టికల్చర్ డైరెక్టర్, ట్రాన్స్‌లేషన్స్ డైరెక్టర్, మరియు టీజీటీఎస్ (TGTS) యూనిట్ మేనేజర్లు సమావేశానికి అవసరమైన ముందస్తు ఏర్పాట్లను వేగవంతం చేశారు. ఈ కేబినెట్ సమావేశంలో చర్చకు రానున్న అంశాలు రాష్ట్ర ప్రజల్లో ఎంతో ఆసక్తిని రేకెత్తిస్తున్నాయి. ముఖ్యంగా జూన్ 6న జారీ చేసిన వివాదాస్పద జీవో నెంబర్ 9 (GO 9) పై కేబినెట్ సమీక్ష జరపనుంది. విద్యార్థుల ఫీజు రీఇంబర్స్‌మెంట్‌ను డైరెక్ట్ బెనిఫిట్ ట్రాన్స్‌ఫర్ (DBT)

తెలంగాణ కేబినెట్ భేటీ తాజాగా పూర్తయింది. సీఎం రేవంత్ రెడ్డి అధ్యక్షతన జరిగిన ఈ భేటీలో పలు కీలక నిర్ణయాలు తీసుకున్నారు. వాటిల్లో రాష్ట్రంలో వీబీ జీ రామ్ జీ పథకం అమలు, మూసీ సుందరీకరణ ప్రాజెక్ట్, ప్రభుత్వ ఉపాధ్యాయులకు అల్పాహారం తదితర అంశాలు ఉన్నాయి. కేబినెట్ సమావేశం అనంతరం ఇందుకు సంబంధించిన వివరాలను మంత్రి పొంగులేటి శ్రీనివాస రెడ్డి మీడియాకు వెల్లడించారు. తెలంగాణలో వీబీ జీ రామ్ పథకం అమలు చేయాలని మంత్రివర్గం తీర్మానించింది. ఈ మేరకు అభ్యంతరాలపై సుప్రీంకోర్టును ఆశ్రయించాలని నిర్ణయించింది. అలాగే మూసీ ప్రాజెక్ట్ సుందరీకరణ అంశంపైనా కేబినెట్ భేటీలో చర్చ జరిగింది. మూసీ ప్రాజెక్ట్ మొదటి దశకు కేబినెట్ ఆమోదం తెలిపింది. ఈ మేరకు రూ. 7,345 కోట్లతో మూసీ సుందరీకరణ పనులు జరగనున్నాయి. ఈ క్రమంలో టెండర్లు పిలిచేందుకు కేబినెట్ ఆమోదం తెలిపింది. అలాగే ప్రభుత్వ పాఠశాలలు, కాలేజీల్లో పనిచేసే ఉపాధ్యాయులు, ఇతర సిబ్బందికి గుడ్ న్యూస్ చెప్పింది రాష్ట్ర ప్రభుత్వం. ఇకపై వారికి కూడా అల్పాహారం, మధ్యాహ్నా భోజన పథకం అమలు చేయాలని నిర్ణయించింది. ఇప్పటికే విద్యార్థులకు ఈ పథకం అమల్లోకి ఉండగా తాజాగా ఉపాధ్యాయులకూ వర్తింపజేస్తూ కేబినెట్ ఆమోదముద్ర వేసింది. ఇక దీనికి సంబంధించి విధి విధానాలు, ఇతర అంశాలు అధికారికంగా ప్రభుత్వం త్వరలో విడుదల చేసే అవకాశం ఉంది. అలాగే టిమ్స్, వరంగల్ మల్టీ స్పెషాలిటీ ఆస్పత్రుల్లో దాదాపు 6 వేలకు పైగా పోస్టులు మంజూరు చేసింది. ఇక గోదాములు, విద్యాలయాలు, సంస్థల నిర్మాణం కోసం స్థలాలు కేటాయించాలని నిర్ణయం తీసుకుంది రాష్ట్ర కేబినెట్

‘సవాలు చేస్తే కట్టుబడండి. తెలంగాణ భవన్‌కు వస్తానని సవాలు విసిరి ఎందుకెళ్లలేదు? అక్కడికి వెళ్లకుండా సీఎల్పీలోనే ఎందుకున్నారు?’’ అని ముఖ్యమంత్రి రేవంత్‌రెడ్డి ఒక మంత్రిని ప్రశ్నించినట్టు సమాచారం. తెలంగాణ భవన్‌కు వెళ్తానని అంటే.. వెళ్లాల్సింది గన్‌పార్క వద్ద బీఆర్‌ఎస్‌ నేతలు వచ్చేదాకా వేచి ఉండాల్సింది బీఆర్‌ఎస్‌ను ఇరకాటంలో పెట్టే అవకాశం వదులుకున్నారు మూసీ తొలిదశ పూర్తి చేశాకే ఎన్నికలకు: మంత్రులతో సీఎం హైదరాబాద్‌, జూలై 2 (ఆంధ్రజ్యోతి): ‘సవాలు చేస్తే కట్టుబడండి. తెలంగాణ భవన్‌కు వస్తానని సవాలు విసిరి ఎందుకెళ్లలేదు? అక్కడికి వెళ్లకుండా సీఎల్పీలోనే ఎందుకున్నారు?’’ అని ముఖ్యమంత్రి రేవంత్‌రెడ్డి ఒక మంత్రిని ప్రశ్నించినట్టు సమాచారం. ‘‘మనం బహిరంగ చర్చలేవైనా ప్రెస్‌ క్లబ్‌ వేదికగా చేయాలని నిర్ణయం తీసుకున్నాం. కానీ కొందరు మంత్రులు గన్‌పార్క్‌కు వెళ్లారు. అక్కడ రెండు గంటల పాటు ఉన్నా.. ఆ తర్వాత వెళ్లిపోయారు. బీఆర్‌ఎస్‌ నేతలు వచ్చేదాకా వేచి ఉండాల్సింది. బహిరంగంగా చర్చించి, వాస్తవాలు చెప్పి... ప్రతిపక్షాన్ని ఆత్మరక్షణలోకి నెట్టేసే అవకాశాన్ని వదులుకున్నారు. అసలు ప్రతిపక్ష పార్టీల వద్ద లేవనెత్తేందుకు, చర్చించేందుకు సరైన అంశాలే లేవు. వాళ్లకు మీరే పని కల్పించొద్దు’’ అని చురకలంటించినట్టు తెలిసింది. గురువారం జరిగిన మంత్రివర్గ సమావేశంలోనూ, దానికన్నా ముందు జరిగిన తేనేటి విందు సందర్భంగా ఈ చర్చ జరిగినట్లు విశ్వసనీయవర్గాల ద్వారా తెలుస్తోంది. గురుకులాల టెండర్ల వ్యవహారంలో అవినీతి జరగనప్పటికీ.. జరిగినట్లుగా బీఆర్‌ఎస్‌ చేస్తున్న విమర్శలను తిప్పి కొట్టే అవకాశాన్ని సరిగ్గా వినియోగించుకోలేకపోయారని సీఎం వ్యాఖ్యానించినట్టు ఆ వర్గాలు తెలిపాయి. ‘‘రాష్ట్రంలో అధికారంలోకి రాగానే 60 వేలకు పైగా ఉద్యోగాలు ఇచ్చాం. విద్య, వైద్యరంగాల్లో పలు సంస్కరణలు తెచ్చాం. పేద వర్గాలందరూ తినేలా సన్న బియ్యం ఇస్తున్నాం. రికార్డుస్థాయిలో ధాన్యం కొనుగోళ్లు చేశాం. రుణమాఫీ చేశాం. గృహజ్యోతి, ఉచిత బస్సు వంటి ఎన్నో పథకాలు అమలు చేస్తున్నాం, ప్రజలకు మేలు చేసే కార్యక్రమాలు అమలు చేస్తున్నాం. ఆర్థికంగా ప్రతికూలతలు ఉన్నప్పటికీ సంక్షేమ పథకాలు అమలు

సీఎం రేవంత్ రెడ్డి అధ్యక్షతన జరిగిన తెలంగాణ రాష్ట్ర మంత్రివర్గ సమావేశంలో పలు కీలక నిర్ణయాలు తీసుకున్నారు. విద్య, వైద్యం, ఉపాధి, మౌలిక వసతుల అభివృద్ధి తదితర అంశాలపై క్యాబినెట్ కీలక నిర్ణయాలకు ఆమోదం తెలిపింది. కేంద్ర ప్రభుత్వం తీసుకొచ్చిన వీబీజీఆర్‌జీ చట్టాన్ని రాష్ట్రంలో అమలు చేసే అంశంపై మంత్రివర్గం విస్తృతంగా చర్చించింది. రాష్ట్రాలను సంప్రదించకుండా కేంద్రం తీసుకొచ్చిన ఈ చట్టంలోని నిబంధనలపై క్యాబినెట్ తీవ్ర అభ్యంతరం వ్యక్తం చేసింది. మహాత్మా గాంధీ జాతీయ గ్రామీణ ఉపాధి హామీ పథకంలో మార్పులు చేయొద్దని ఈ ఏడాది జనవరిలోనే రాష్ట్ర అసెంబ్లీ తీర్మానం చేసి కేంద్రానికి పంపిన విషయాన్ని సమావేశంలో గుర్తుచేసుకుంది. మరోసారి తమ నిరసనను అధికారికంగా కేంద్రానికి తెలియజేయాలని నిర్ణయించింది. రాష్ట్ర ప్రభుత్వంపై ఆర్థిక భారం మోపే విధంగా కేంద్రం ఏకపక్షంగా నిర్ణయం తీసుకోవడం ఫెడరల్ స్ఫూర్తికి, రాజ్యాంగ భావనలకు విరుద్ధమని మంత్రి ఉత్తమ్ కుమార్ రెడ్డి ఆధ్వర్యంలోని క్యాబినెట్ సబ్‌కమిటీ చేసిన సిఫారసులను మంత్రివర్గం పరిశీలించింది. ఇతర రాష్ట్రాలు కొత్త చట్టాన్ని అమలు చేస్తున్నాయా అనే అంశంపై అధికారులను ప్రశ్నించగా, అన్ని రాష్ట్రాలు అమలుకు నిర్ణయం తీసుకున్నట్లు అధికారులు వివరించారు. గత్యంతరం లేని పరిస్థితుల్లో ఉపాధి హామీ కూలీలకు పని కల్పించే ఉద్దేశంతో ఈ కొత్త చట్టాన్ని 2026 జూలై 1 నుంచి రాష్ట్రంలో అమలు చేసేందుకు నోటిఫికేషన్ జారీ చేయాలని మంత్రివర్గం ఆమోదం తెలిపింది. అయితే, చట్టంలోని నిబంధనలపై న్యాయపరంగా పోరాటం చేస్తూ సుప్రీంకోర్టును ఆశ్రయించాలని, పార్లమెంట్‌లో కూడా కేంద్ర ప్రభుత్వ తీరును ప్రశ్నించాలని నిర్ణయించింది. 2. ఉపాధ్యాయులకు కూడా అల్పాహారం, మధ్యాహ్న భోజనం..! రాష్ట్రవ్యాప్తంగా ఉన్న ప్రభుత్వ పాఠశాలలు, జూనియర్ కళాశాలల్లో విద్యార్థులకు అందిస్తున్న అల్పాహారం, పాలు, మధ్యాహ్న భోజనాన్ని ఇకపై ఉపాధ్యాయులు, లెక్చరర్లు, సిబ్బందికి కూడా అందించాలని రాష్ట్ర క్యాబినెట్ నిర్ణయించింది. పిల్లలకు నాణ్యమైన పోషకాహారం అందించడంతో పాటు పథకాల అమలులో జవాబుదారీతనం పెంపొందించాలనే లక్ష్యంతో ఈ నిర్ణయం

Konda Surekha : తెలంగాణ సెక్రటేరియట్‌లో సీఎం రేవంత్ రెడ్డి అధ్యక్షతన ఫస్ట్ టైమ్ పేపర్‌లెస్ విధానంలో కేబినెట్ భేటీ ప్రారంభమైంది. ఈ సమావేశంలో ప్రభుత్వం డిజిటల్ పాలన దిశగా కొన్ని కీలక నిర్ణయాలు తీసుకుంటోంది. ఈ సమావేశానికి డిప్యూటీ సీఎం మల్లుభట్టి విక్రమార్కతో పాటు మంత్రులు ఉత్తమ్ కుమార్ రెడ్డి, పొన్నం ప్రభాకర్, పొంగులేటి శ్రీనివాస రెడ్డి, సీతక్క, అడ్లూరి లక్ష్మణ్, సీఎస్ సంజయ్ జాజు, సీఎం సలహాదారు కే. రామకృష్ణా రావు తదితరులు హాజరయ్యారు. అయితే, ఈ కీలక భేటీలో దేవాదాయ, అటవీ శాఖ మంత్రి కొండ సురేఖ మాత్రం గైర్హజరు అయ్యారు. ఈ కేబినెట్ భేటీకి ఆమె (Konda Surekha) హాజరుకాకపోవడంతో రాజకీయ వర్గాల్లో చర్చనీయాంశంగా మారింది. ఆమె అనారోగ్య సమస్యల కారణంగానే కేబినెట్ సమావేశానికి రాలేదని ఆమె ఆఫీసు నుంచి సీఎం ఆఫీసుకు సమాచారం పంపినట్లు తెలిసింది. Read Also : Lakshmibai : ఆర్‌ఎస్‌ ప్రవీణ్‌ కుమార్‌ సతీమణి ఆకస్మిక బదిలీ.. హౌసింగ్ ఫెడరేషన్ ఎండీగా నియామకం అయితే, కేబినెట్‌కు మంత్రి కొండ సురేఖ గైర్హాజరుపై అనేక భిన్నాభిప్రాయాలు వ్యక్తమవుతున్నాయి. అనారోగ్య కారణాలతోనే ఆమె కేబినెట్ భేటీకి దూరంగా ఉందని అనుచరులు చెబుతున్నారు. మరోవైపు.. యాదగిరి గుట్ట దేవస్థానం బోర్డు ఏర్పాటుపై అసంతృప్తితో మంత్రివర్గ సమావేశానికి డుమ్మా కొట్టారని కొద్దిమంది కాంగ్రెస్ నేతలు అంటున్నారు. అయితే దీనిపై అధికారికంగా ఎలాంటి స్పష్టత లేదు. ప్రభుత్వం వైపు నుంచి సాధారణ గైర్హాజరేనని, అనారోగ్య కారణాల వల్లనే మంత్రి సురేఖ కేబినెట్ సమావేశానికి రాలేకపోయినట్టు చెబుతున్నారు. తొలి పేపర్‌లెస్ కేబినెట్ భేటీ వంటి ప్రతిష్టాత్మక సమావేశానికి కీలక మంత్రి గైర్హాజరు కావడం చర్చలకు దారితీసింది. మొత్తం మీద, డిజిటల్ పాలన ప్రారంభానికి సంకేతంగా నిలిచిన ఈ సమావేశంలో మంత్రి కొండా సురేఖ గైర్హాజరు ఇప్పుడు రాజకీయ వర్గాల్లో హాట్ టాపిక్‌గా మారింది