Sovereign Gold B News

భారతీయులకు బంగారం అంటే ఎంతో ఇష్టం. ఇప్పుడు ఇది పెట్టుబడిగా మారిపోయింది. సంప్రదాయం, భద్రత. పెళ్లిళ్లు, పిల్లల భవిష్యత్తు, పండగల కోసం బంగారు నగలు కొనడం మనకు అలవాటు. కానీ, పెట్టుబడి కోసమే బంగారం కొంటుంటే ఆ బంగారాన్ని నగల రూపంలో కొనవచ్చా? మరి ఇంకెలా కొనాలి? ఇక్కడ తెలుసుకోండి. బంగారాన్ని నగల రూపంలో కొన్నప్పుడు కేవలం బంగారం విలువ మాత్రమే కాదు. దానిలో తరుగు, మజూరీ, డిజైన్ ఛార్జీలు, పన్నులు.. ఇలా చాలా ఖర్చులు కలిసి ఉంటాయి. నగల డిజైన్, కొనే షాపును బట్టి ఈ అదనపు ఖర్చులు భారీగా మారుతాయి. ఉదాహరణకు మీరు కొంత మొత్తానికి బంగారం కొన్నా, మీరు చెల్లించిన పూర్తి మొత్తం బంగారం విలువగా మారదు. తర్వాత ఆ నగలను అమ్మేటప్పుడు, మీరు అప్పుడు చెల్లించిన మజూరీ, ఇతర ఛార్జీలు పూర్తిగా వెనక్కి రాకపోవచ్చు. అందుకే, పెట్టుబడి కోసం కొనే బంగారానికి నగల రూపం అదనపు ఖర్చును తెచ్చిపెడుతుంది. పెట్టుబడి కోసం బంగారం కొనాలనుకునేవారు 24 క్యారెట్ల స్వచ్ఛమైన బంగారు నాణేలు లేదా బిస్కెట్లను కొనడం మంచిది. ముఖ్యంగా నమ్మకమైన అమ్మకందారుల నుంచి నాణ్యతా ధృవీకరణ పత్రంతో (purity certificate) కొనడం చాలా ముఖ్యం. నగల మాదిరిగా డిజైన్ ఖర్చులు ఎక్కువగా ఉండవు కాబట్టి, బంగారం అసలు విలువపై పెట్టుబడి పెట్టడానికి ఇది సహాయపడుతుంది. అయితే, కొనే ధర, అమ్మే ధరకు మధ్య ఉండే తేడాను ముందుగానే గమనించాలి

బంగారంపై పెట్టుబడి పెట్టిన వారికి భారీ లాభం దక్కనుంది. 2018-19 సిరీస్‌-VI సావరిన్‌ గోల్డ్‌ బాండ్లను (ఎస్‌జీబీ) ముందస్తుగా రిడీమ్‌ చేసుకునే ధరను ఆర్‌బీఐ ప్రకటించింది. ఈ బాండ్లను ఆన్‌లైన్‌లో కొనుగోలు చేసిన వారికి యూనిట్‌పై దాదాపు 361 శాతం రాబడి లభించనుంది. నేడే ముందస్తు రిడెంప్షన్‌ తేదీ కావడం గమనార్హం.2018-19 సిరీస్‌-VI ఎస్‌జీబీని 2019 ఫిబ్రవరి 12న జారీ చేశారు. ఆ సమయంలో ఆన్‌లైన్‌లో కొనుగోలు చేసిన వారికి యూనిట్‌ ధర రూ.3,276గా ఉంది. ఆఫ్‌లైన్‌ కొనుగోలుదారులకు రూ.3,326గా నిర్ణయించారు. ఆన్‌లైన్‌ పెట్టుబడిదారులకు రూ.50 డిస్కౌంట్‌ లభించింది.ఆర్‌బీఐ నిర్ణయించిన ప్రకారం.. ఆగస్టు 12న ముందస్తుగా రిడీమ్‌ చేసుకునే ప్రతి యూనిట్‌కు రూ.15,102 చెల్లిస్తారు. అంటే ఆన్‌లైన్‌లో రూ.3,276 పెట్టి కొనుగోలు చేసిన వారికి ఒక్కో యూనిట్‌పై రూ.11,826 లాభం వస్తుంది. ఇది దాదాపు 361 శాతం రాబడికి సమానం. ఆఫ్‌లైన్‌ పెట్టుబడిదారులకు ఒక్కో యూనిట్‌పై రూ.11,776 లాభం లభిస్తుంది. రాబడి దాదాపు 354 శాతంగా ఉంటుంది.ఎస్‌జీబీ నిబంధనల ప్రకారం ఐదేళ్లు పూర్తయిన తర్వాత ముందస్తు రిడెంప్షన్‌కు అవకాశం ఉంటుంది. రిడెంప్షన్‌ ధరను 999 స్వచ్ఛత కలిగిన బంగారం గత మూడు పనిదినాల ముగింపు ధరల సగటు ఆధారంగా నిర్ణయిస్తారు. ఈసారి ఆగస్టు 7, 10, 11 తేదీల బంగారం ధరలను పరిగణనలోకి తీసుకున్నారు.పెట్టుబడిపై లభించే 2.50 శాతం వార్షిక వడ్డీ దీనికి అదనం. ఈ వడ్డీని ఆరు నెలలకు ఒకసారి బ్యాంకు ఖాతాలో జమ చేస్తారు. వడ్డీకి నిబంధనల ప్రకారం పన్ను చెల్లించాల్సి ఉంటుంది

SGB Returns: సార్వభౌమ పసిడి బాండ్ల (Sovereign Gold Bonds)లో పెట్టుబడి పెట్టిన ఇన్వెస్టర్లకు బిగ్ అలర్ట్. 5 ఏళ్ల కాలపరిమితి పూర్తయిన రెండు నిర్దిష్ట ఎస్‌జీబీ సిరీస్‌లకు సంబంధించి ఆగస్టు 11న రిజర్వ్ బ్యాంక్ ఆఫ్ ఇండియా (RBI) ప్రీ మెచ్యూర్ రిడంప్షన్ (premature Redemption) అవకాశం కల్పించింది. ఈ మేరకు రెండు పసిడి బాండ్లకు సంబంధించిన ముందస్తు ఉపసంహరణ ధరలను తాజాగా ప్రకటించింది. లక్ష రూపాయలు పెట్టిన వారికి రూ.3.72 లక్షల వరకు వస్తాయి. మరి ఆ రెండు బాండ్లు ఏవి? వాటి ధరల వివరాలు తెలుసుకుందాం.ప్రీమెచ్యూర్ రిడంప్షన్‌కు వచ్చిన 2 బాండ్లు2020 ఫిబ్రవరి 11వ తేదీన జారీ చేసిన 2019-20 సిరీస్ IX సార్వభౌమ పసిడి బాండ్లను ప్రీమెచ్యూర్ రిడంప్షన్ అవకాశం కల్పించారు. ఈ బాండ్లను సరిగ్గా ఐదేళ్ల క్రితం ఆన్‌లైన్లో కొనుగోలు చేసిన వారికి గ్రాముకు రూ.4020కు జారీ చేశారు. ఆఫ్ లైన్లో కొనుగోలు చేస్తే రూ.4070కి లభించాయి. వీటి ముందుస్తు ఉపసంహరమ ధరలను ఆగస్టు 6, ఆగస్టు 7, ఆగస్టు 10, 2026 రోజుల్లోనే బంగారం ధరల సగటు ఆధారంగా గ్రాముకు రూ.14,957గా నిర్ణయించారు. అంటే రూ.14,957- రూ.4020= రూ.10,937 లాభం వచ్చినట్లవుతుంది. అంటే 272.06 శాతం మేర లాభాలు అందించింది. ఇందులో లక్ష రూపాయలు పెట్టిన వారికి ఇప్పుడు రూ.3.72 లక్షలకు పైగా వస్తాయి.అలాగే 2020, జులైలో జారీ చేసిన 2020-21 సిరీస్ V సావెరిన్ గోల్డ్ బాండ్లను ప్రీమెచ్యూర్ రిడంప్షన్ కోసం అవకాశం కలిపిస్తున్నారు. వీటిని జారీ చేసినప్పుడు గ్రాముకు రూ.5284గా ఉంది. ఇక ప్రీమెచ్యూర్ రిడంప్షన్ ధరను ఆగస్టు 6, 7,10, 2026 తేదీల్లోని సగటు ధర ఆధారంగా రూ. 14,957గా నిర్ణయించారు. దీని ప్రకారం రూ.14,957-రూ.5284= రూ.9,673 లాభం వచ్చినట్లయింది. అంటే దాదాపు 183.05 శాతం రిటర్న్స్ ఇచ్చింది. ఇందులో లక్ష రూపాయలు పెట్టిన వారికి రూ.2.83 లక్షలు వస్తాయి.ఆపైన వడ్డీ