Small News

Stock Split: స్మాల్ క్యాప్ కేటగిరిలోని టెక్నాలజీ సెక్టార్ కంపెనీ టీసీసీ కాన్సెప్ట్ లిమిటెడ్ (TCC Concept Limited) కీలక నిర్ణయం తీసుకుంది. ఈ కంపెనీ బోర్డు ఆఫ్ డైరెక్టర్స్ ఇటీవలే సమావేశమై 1:5 రేషియోలో స్టాక్ స్ప్లిట్ చేపట్టాలని నిర్ణయించారు. ఈ స్టాక్ స్ప్లిట్ రికార్డు డేట్ సెప్టెంబర్ 4గా నిర్ణయించినట్లు కంపెనీ ఎక్స్చేంజ్ ఫైలింగ్ ద్వారా వెల్లడించింది. ఈ కంపెనీ స్టాక్ ఈ ఏడాది 2026 ఫిబ్రవరి నెలలోనే స్టాక్ మార్కెట్లో లిస్ట్ అవ్వడం విశేషం. ఆరు నెలల్లోనే తమ షేర్ హోల్డర్లకు బంపర్ ఆఫర్ తీసుకొచ్చింది. 100 షేర్లు కొని ఉంటే 500 షేర్లుగా మారనున్నాయి.అయితే సెప్టెంబర్ 4వ తేదీకి ఇంకా 3 రోజులు మాత్రమే ఉంది. 3 రోజుల్లో ఈ కంపెనీ షేర్స్ ఎక్స్ - స్ప్లిట్ ట్రేడింగ్ చేయనున్నాయి. ఆలోపు షేర్లు కొన్నవారికే అర్హత లభిస్తుంది. ప్రతి ఒక్క షేరు 5 షేర్లుగా మారనున్నాయి. అయితే, అందుకు తగినట్లుగానే ఈ స్టాక్ ధర తగ్గుతుందని ఇన్వెస్టర్లు గుర్తుంచుకోవాలి. కానీ, పెట్టుబడి విలువలో ఎలాంటి మార్పు ఉండదు. ఈ కంపెనీ షేరు గత 6 నెలల కాలంలో 52 శాతం వరకు నష్టపోయింది. స్టాక్ స్ప్లిట్ తర్వాత ప్రస్తుతం రూ. 225 సమీపంలో ఉన్న షేర్ ధర రూ. 45ల స్థాయికి దిగివస్తుంది.Read Also: Stock Split: 6 నెలల్లోనే పెట్టుబడి ట్రిపుల్.. లక్షకు రూ.3.45 లక్షలు.. ఇప్పుడు 1 షేరు కొంటే 10 షేర్లుగా మారుస్తోన్న కంపెనీ!కంపెనీ ఎక్స్చేంజ్ ఫైలింగ్ ప్రకారం.. టీసీసీ కాన్సెప్ట్ బోర్డు డైరెక్టర్స్ సమావేశంలో కంపెనీస్ యాక్ట్ 2013 లోని సెక్షన్ 61కి అనుగుణంగా 1:5 రేషియోలో స్టాక్ స్ప్లిట్ చేయాలని నిర్ణయించారు. దీని అర్థం రూ. 10 ఫేస్ వ్యాల్యూ ఉన్న 1 ఈక్విటీ షేరుని రూ. 2 ఫేస్ వ్యాల్యూ ఉండే 5 షేర్స్ గా స్ప్లిట్ చేసేందుకు ఆమోదం

దేశవ్యాప్తంగా యూపీఐ ద్వారా డిజిటల్ లావాదేవీలు నిర్వహించే లక్షలాది మంది చిన్న వ్యాపారులకు త్వరలోనే పెద్ద సమస్య వచ్చిపడేలా ఉంది. రిజర్వ్ బ్యాంక్ ఆఫ్ ఇండియా విధించిన రీ-కేవైసీ (Re-KYC) గడువు సెప్టెంబర్ 15తో ముగియనుండటమే దీనికి కారణం. నిర్ణీత సమయంలోగా కేవైసీ ప్రక్రియ పూర్తికాకపోతే క్యూఆర్‌ కోడ్స్ , సౌండ్‌బాక్స్‌ల ద్వారా జరిగే పేమెంట్లు నిలిచిపోయే ప్రమాదం ఉందనే వార్తలు పేమెంట్ వర్గాల్లో తీవ్ర ఆందోళన కలిగిస్తున్నాయి.పేమెంట్ రంగ నిపుణుల అంచనా ప్రకారం.. వీధుల్లో, చిన్న చిన్న షాపుల్లో యూపీఐ క్యూఆర్ కోడ్‌లు వాడే ఆఫ్‌లైన్ చిన్న వ్యాపారుల్లో దాదాపు 30 నుంచి 35 శాతం మంది ఈ గడువులోగా కేవైసీ పూర్తి చేసే అవకాశం కనిపించడం లేదు. అంతేకాకుండా, ఆన్‌లైన్‌లో చిన్న వ్యాపారాలు చేసుకునే మరో పది లక్షల మంది కూడా తమ అకౌంట్ల వెరిఫికేషన్ పూర్తిచేయడంలో వెనుకబడి ఉన్నారు. గతేడాది సెప్టెంబర్‌లో ఆర్‌బీఐ జారీ చేసిన నూతన నిబంధనల ప్రకారం ఆన్‌లైన్, ఆఫ్‌లైన్, విదేశీ పేమెంట్ సేవలు అందించే అన్ని కంపెనీలు సెప్టెంబర్ 15, 2026 నాటికి తమ వ్యాపారుల అందరి రీ-కేవైసీ పూర్తిచేయడం తప్పనిసరి. పొరపాటున వేరేవాళ్లకు డబ్బులు పంపారా? వెంటనే ఇలా చేస్తే మీ సొమ్ము వాపస్!చిల్లర కొట్టు యజమానులకే అసలు కష్టం!ఈ కేవైసీ నిబంధనల వల్ల ప్రధానంగా అసంఘటిత రంగంలో ఉన్న చిన్న చిన్న కిరాణా కొట్టు యజమానులు, రోడ్డు పక్కన వ్యాపారం చేసుకునే వారే ఎక్కువగా ఇబ్బంది పడుతున్నారు. ఆర్‌బీఐ అడిగే డాక్యుమెంట్స్ వీరిలో చాలామంది దగ్గర లేకపోవడం, అలాగే ఈ ప్రక్రియపై పూర్తి అవగాహన లేకపోవడమే ఇందుకు ప్రధాన కారణం. అయితే సౌండ్‌బాక్స్ వాడుతున్న వారిలో 85-90 శాతం మంది కేవైసీ పూర్తయ్యే అవకాశం ఉన్నప్పటికీ, కేవలం క్యూఆర్ కోడ్ బోర్డులు మాత్రమే వాడే చిన్న వ్యాపారులే దీనివల్ల ఎక్కువగా ఇబ్బంది పడేలా ఉన్నారు.RBI ఆటాడకపోతే రూపాయి పరిస్థితి ఏంటి? చమురు దెబ్బకు

బిర్యానీకి లవర్స్ ఎక్కువ. ప్రతిరోజూ బిర్యానీ తినేవారు కూడా ఎక్కువే. అందుకే బిర్యానీ బిజినెస్ బాగా నడుస్తుంది. దీనికి పెట్టే పెట్టుబడి కూడా తక్కువే. అందుకే చిన్నగా ఫుడ్ బిజినెస్ మొదలుపెట్టాలనుకునే వారికి ఇది మంచి ఆప్షన్. రోడ్డు పక్కన చిన్న బండిపై కూడా బిర్యానీ బిజినెస్ మొదలుపెట్టవచ్చు. ఒక ప్లేట్ బిర్యానీ రూ.90 ధర నిర్ణయించి.. రోజూ 50 ప్లేట్లు అమ్మితే నెలకు రూ.1.35 లక్షల ఆదాయం వస్తుంది. సరుకులు, అద్దె, సిబ్బంది జీతాలు, గ్యాస్, ఇతర ఖర్చులు తీసేస్తేనే అసలు లాభం తెలుస్తుంది. ఏ వ్యాపారంలోనైనా అమ్మకాలు మాత్రమే సరిపోవు. ఫుడ్ క్వాలిటీ, ధర, లొకేషన్, కస్టమర్లు, సరుకుల ఖర్చు, రోజువారీ నిర్వహణ వంటివి లాభాన్ని నిర్ణయించే కీలకమైన అంశాలు. ఉదాహరణకు, ఒక ప్లేట్ బిర్యానీని రూ.90కి అమ్ముతున్నారని అనుకుందాం. రోజూ 50 ప్లేట్లు అమ్మితే, ఒక రోజు మొత్తం అమ్మకం రూ.4,500 అవుతుంది. బిర్యానీ బిజినెస్ 30 రోజుల పాటూ అమ్మకాలు జరిగితే, నెల మొత్తం ఆదాయం రూ.1.35 లక్షలు అవుతుంది. కానీ ఈ రూ.1.35 లక్షలు మొత్తం లాభం అనుకుంటే పొరపాటే. అసలు లాభం తెలియాలంటే అన్ని ఖర్చులనూ తీసేయాలి. బిర్యానీ తయారీకి అవసరమైన బియ్యం, మాంసం, నూనె, మసాలాలు, కూరగాయల వంటి సరుకులకు నిరంతరం ఖర్చు అవుతుంది. వీటితో పాటు షాప్ లేదా కిచెన్ అద్దె, సిబ్బంది జీతాలు, కరెంట్, గ్యాస్, నీళ్లు, ప్యాకింగ్, రవాణా ఖర్చులు కూడా ఉంటాయి. ఇలాంటి ఖర్చులన్నీ కలిపి నెలకు సుమారు రూ.80,000 వరకు కావచ్చని అంచనా. ఆ స్థాయిలో ఖర్చులు పోగా, రూ.1.35 లక్షల ఆదాయంలో సుమారు రూ.55,000 మిగలవచ్చు. అమ్మకాలు ఇంకా పెరిగితే లాభాలు భాగా కనిపిస్తాయి. దగ్గర్లోని ఆఫీసులు, కంపెనీలు, చిన్న చిన్న ఫంక్షన్లు, కుటుంబ వేడుకలకు బల్క్ ఆర్డర్లు తీసుకోవచ్చు. చివరగా, రోజుకు 50 ప్లేట్లు అమ్మడం అనేది కేవలం ఒక ఉదాహరణ మాత్రమే. అసలు

నగరాల్లో ఇరుకైన ఇళ్లలో నివసించే వారికి లివింగ్ రూం చిన్నగా ఉందనే భావన సర్వసాధారణం. అయితే, కొన్ని తెలివైన ఫర్నిచర్ ఎంపికలతో ఆ చిన్న గదినే విశాలంగా, స్టైలిష్‌గా మార్చుకోవచ్చని ఇంటీరియర్ డిజైనర్లు చెబుతున్నారు. ఫర్నిచర్ కొనేటప్పుడు ఒకే ఒక్క సింపుల్ టెక్నిక్ పాటిస్తే చాలు. నేరుగా నేలపై ఆనుకుని ఉండే సోఫాలు, కుర్చీలకు బదులుగా... కనీసం 4-5 అంగుళాల ఎత్తైన కాళ్లు ఉన్న ఫర్నిచర్‌ను ఎంచుకోవడమే ఆ రహస్యం.ఫర్నిచర్ కింద, చుట్టూ నేల కనిపించడం వల్ల గదిలో ఎక్కువ ఫ్లోర్ స్పేస్ ఉన్న భ్రమ కలుగుతుందని నిపుణులు వివరిస్తున్నారు. ఇది గదిని తేలికగా, ఓపెన్‌గా మార్చేస్తుంది. అదే సోఫాకు అంచులు (స్కర్ట్స్) ఉండటం, నేలను పూర్తిగా కప్పేసే ఫర్నిచర్ వాడటం వల్ల గది మరింత ఇరుకుగా, బరువుగా కనిపిస్తుంది. కాళ్లున్న ఫర్నిచర్‌తో పాటు గ్లాస్ లేదా అద్దాల సైడ్ టేబుల్స్ వాడితే గది మరింత ఓపెన్‌గా, ఆహ్లాదకరంగా అనిపిస్తుంది.ఫర్నిచర్ ఎంపికతో పాటు దాని అమరిక కూడా చాలా ముఖ్యం. గదిని మొత్తం ఆక్రమించే భారీ సెక్షనల్ సోఫాకు బదులుగా, కాళ్లున్న ఎల్-ఆకారపు సోఫాను ఎంచుకోవడం మేలు. గదిని కుర్చీలతో నింపేయకుండా, అవసరమైన కొన్ని మల్టీ-ఫంక్షనల్ వస్తువులతో సర్దుకోవడం మంచిది.వీటితో పాటు మరికొన్ని చిట్కాలు కూడా గదిని విశాలంగా చూపడానికి సహాయపడతాయి. గదిలో పరిచే కార్పెట్ (తివాచీ) చిన్నగా కాకుండా, సోఫా, కుర్చీల ముందు కాళ్ల కిందకు సరిపోయేంత పెద్దదిగా ఉండాలి. ముదురు రంగులకు బదులుగా లేత రంగులు, గదిలోకి వెలుతురును ప్రతిబింబించే అద్దాలు, తేలికపాటి కర్టెన్లు

FMCG Bonus Issue: స్మాల్ క్యాప్ కేటగిరిలోని వ్యవసాయ రంగానికి చెందిన ప్రముఖ కంపెనీ మయాంక్ క్యాటిల్ ఫుడ్ లిమిటెడ్ (Mayank Cattle Food Limited) సూపర్ ఆఫర్ తెచ్చింది. ఈ సంస్థ బోర్డు ఆఫ్ డైరెక్టర్స్ తమ షేర్ హోల్డర్లకు బోనస్ షేర్లు జారీ చేయాలని నిర్ణయించారు. తాజాగా ఈ బోనస్ షేర్లకు రికార్డు డేట్ నిర్ణయించినట్లు కంపెనీ ప్రకటించింది. ఆగష్టు 24ను రికార్డ్ తేదీగా ఎంచుకున్నట్లు ఎక్స్చేంజ్ ఫైలింగ్ ద్వారా తెలిపింది. ఈ బోనస్ ఇష్యూ ప్రకారం 1 షేరు కొంటే బోనస్ గా మరొక షేరు లభిస్తుంది. దీని అర్థం మీ వద్ద 100 షేర్లు ఉంటే మరో 100 షేర్లు, 1000 షేర్లు ఉంటే మరో 1000 షేర్లు ఉచితంగా లభిస్తాయి.మరోవైపు ఈ కంపెనీ షేర్ గత 2 ఏళ్లలో 99 శాతం లాభాన్ని అందించింది. ఇన్వెస్టర్ల పెట్టుబడిని దాదాపు రెండింతలు చేసింది.కంపెనీ ఎక్స్చేంజ్ ఫైలింగ్ ప్రకారం.. కొద్ది రోజుల క్రితం జరిగిన కంపెనీ బోర్డు డైరెక్టర్స్ సమావేశంలో 1:1 రేషియోలో బోనస్ షేర్లు ఇవ్వాలని నిర్ణయించారు. దీని అర్థం రికార్డు తేదీ నాటికి రూ. 10 ఫేస్ వ్యాల్యూ ఉన్న 1 షేరును కొని తమ డీమ్యాట్ అకౌంట్లో కలిగి ఉన్నవారికి అదనంగా రూ. 10 ఫేస్ వ్యాల్యూ ఉండే 1 ఈక్విటీ షేరును బోనస్ రూపంలో ఉచితంగా జారీ చేస్తారు.ఇక తాజాగా ఈ బోనస్ షేర్లను పొందడానికి అర్హులైన షేర్ హోల్డర్లను నిర్ణయించే రికార్డు డేట్ ఆగష్టు 24, 2026గా నిర్ణయించామని కంపెనీ తెలిపింది.స్టాక్ మార్కెట్ చివరి ట్రేడింగ్ సెషన్లో మయాంక్ క్యాటిల్ ఫుడ్ షేరు 2.29 శాతం లాభంతో రూ. 221 వద్ద ముగిసింది. ఈరోజు ఆగస్టు 12వ తేదీ ట్రేడింగ్‌లో 3.14 శాతం లాభంతో రూ.227.85 వద్ద ట్రేడవుతోంది. ఈ షేరు 52 వారాల గరిష్ఠ ధర రూ. 235.80 వద్ద ఉండగా

Best FD Interest Rates August 2026: ఇప్పుడు పొదుపు చేయండి.. రేపు లాభాలు పొందండి.. అంతేకాదు.. డబ్బులను దాచుకొండి.. మీకు శరీరం, ఆరోగ్యం సహకరించని సమయంలో.. అవి మీకు తోడుపాటు అందిస్తాయి.. ఇక, ఫిక్స్‌డ్ డిపాజిట్లు (FDలు) భారతీయులలో అత్యంత ప్రజాదరణ పొందిన పెట్టుబడి మార్గాల్లో ఒకటి. ముఖ్యంగా సీనియర్ సిటిజన్లు మార్కెట్ హెచ్చుతగ్గులతో సంబంధం లేని స్థిరమైన రాబడిని కోరుకోవడంతో FDలకు ప్రాధాన్యం ఇస్తుంటారు. ప్రస్తుతం పలు స్మాల్ ఫైనాన్స్ బ్యాంకులు ఎంపిక చేసిన కాలపరిమితులపై 8 శాతానికి పైగా వడ్డీని అందిస్తున్నాయి. కొన్ని బ్యాంకుల్లో సీనియర్ సిటిజన్లకు 8.50 శాతం వరకు వడ్డీ లభిస్తోంది. సీనియర్ సిటిజన్లకు FDలు ఎందుకు ఆకర్షణీయంగా ఉంటాయి? FDల్లో ముందుగానే నిర్ణయించిన వడ్డీ రేటు ప్రకారం రాబడి లభిస్తుంది. దీంతో మార్కెట్ ఆధారిత పెట్టుబడుల్లో కనిపించే ధరల హెచ్చుతగ్గులు, రాబడుల అనిశ్చితి ఉండదు. ముఖ్యంగా పదవీ విరమణ తర్వాత స్థిరమైన వడ్డీ ఆదాయాన్ని కోరుకునే వారికి FDలు ఉపయోగకరంగా ఉంటాయి. సాధారణ కస్టమర్లతో పోలిస్తే చాలా బ్యాంకులు సీనియర్, సూపర్ సీనియర్ సిటిజన్లకు అదనపు వడ్డీ ప్రయోజనాలను అందిస్తున్నాయి. అయితే ఈ ప్రయోజనం డిపాజిట్ కాలవ్యవధిని బట్టి మారుతుంది. 8.50% వరకు వడ్డీ అందిస్తున్న స్మాల్ ఫైనాన్స్ బ్యాంకులు ఆగస్టు 2026లో FD వడ్డీ రేట్ల విషయంలో స్మాల్ ఫైనాన్స్ బ్యాంకులు ఆకర్షణీయమైన రాబడులను అందిస్తున్నాయి. శివాలిక్ స్మాల్ ఫైనాన్స్ బ్యాంక్ ఎంపిక చేసిన కాలపరిమితిపై సీనియర్ సిటిజన్లకు అత్యధికంగా 8.50 శాతం వడ్డీ అందిస్తోంది.. శివాలిక్ స్మాల్ ఫైనాన్స్ బ్యాంక్‌లో 23 నెలల 1 రోజు నుంచి 27 నెలల కాలపరిమితి గల FDలకు సాధారణ కస్టమర్లకు 8.00 శాతం, సీనియర్ సిటిజన్లకు 8.50 శాతం వరకు వడ్డీ లభిస్తోంది. జన స్మాల్ ఫైనాన్స్ బ్యాంక్ 2 నుంచి 3 సంవత్సరాల FDలపై 8.30 శాతం వరకు వడ్డీ అందిస్తోంది. యూనిటీ స్మాల్

PPF Interest Rate : లాంగ్ టర్మ్ ఫైనాన్షియల్ ప్లానింగ్ అంటే చాలా మంది మ్యూచువల్ ఫండ్ల గురించి ఆలోచిస్తుంటారు. ఇది మంచిదే. దీర్ఘకాలంలో మంచి రిటర్న్స్ ఆశించొచ్చు. అయితే ఇక్కడ రిస్క్ ఉంటుంది. అదే రిస్క్ లేకుండా దీర్ఘకాలంలో సంపద సృష్టి కోసం మనం చాలానే ప్రభుత్వ పథకాలు ఉన్నాయి. వీటిల్లో పీపీఎఫ్ అనే పోస్టాఫీస్ స్కీమ్‌కు విపరీతమైన ఆదరణ ఉంటుంది. 1986లో దీనిని ప్రారంభించగా వడ్డీ రేట్లు కాస్త తక్కువగానే ఉన్నప్పటికీ మెచ్యూరిటీకి మాత్రం సంపద పెద్ద మొత్తంలో చేతికి అందుతుంది. ఇక్కడ కాంపౌండింగ్ ప్రయోజనం వల్ల అద్భుత రిటర్న్స్ వస్తుంటాయి. చాలా చిన్న మొత్తాల్లోనే ఇన్వెస్ట్ చేస్తూ పోవచ్చు. ప్రభుత్వ గ్యారెంటీ ఉంటుంది. ఇంకా ట్రిపుల్ టాక్స్ బెనిఫిట్స్ కూడా ఉంటాయి. అంటే పెట్టుబడి సహా వడ్డీ, మెచ్యూరిటీ రిటర్న్స్‌పై కూడా ఎలాంటి పన్ను చెల్లించాల్సిన పని లేదు.ఇందులో మెచ్యూరిటీకి వచ్చే డబ్బును పెళ్లి కోసమో, పిల్లల పైచదువుల కోసమో, ఇల్లు కొనుగోలు చేయడం వంటి కలల్ని సాకారం చేసుకోవడం లేదా రిటైర్మెంట్ ప్లానింగ్‌కు కూడా ఉపయోగపడుతుంది. ఏదైనా పోస్టాఫీస్ లేదా బ్యాంకుల్లో ఈ అకౌంట్ ఈజీగా తెరవొచ్చు. ఒక అప్లికేషన్ ఫారం నింపి, ఫొటో ఇవ్వాల్సి ఉంటుంది. అవసరమైన కేవైసీ డాక్యుమెంట్స్ కూడా ఇస్తే సరిపోతుంది. మైనర్ల పేరిట తల్లిదండ్రులు లేదా లీగల్ గార్డియెన్స్ ఖాతా ఓపెన్ చేయొచ్చు.ప్రస్తుతం వడ్డీ రేటు వార్షిక ప్రాతిపదికన 7.10 శాతంగా ఉంది. వడ్డీ రేట్లను కేంద్రం ప్రతి 3 నెలలకు ఓసారి సవరిస్తుంటుంది. అయితే చాలా కాలంగా వడ్డీ రేట్లను మార్చట్లేదు. ఈ స్కీంలో కనీసం వార్షికంగా రూ. 500 నుంచే పెట్టుబడులు ప్రారంభించొచ్చు. గరిష్ఠంగా ఆర్థిక సంవత్సరంలో రూ. 1.50 లక్షల వరకు జమ చేయొచ్చు. దీనిని ఆర్థిక సంవత్సరంలో ఒకేసారి లేదా గరిష్ఠంగా 12 ఇన్‌స్టాల్‌మెంట్లలో చెల్లించొచ్చు. ఇక వరుసగా కనీసం 15 ఏళ్లు ఇందులో డబ్బుల్ని డిపాజిట్

కృత్రిమ మేధ (ఏఐ) ఆధారిత వాతావరణ అంచనాలతో తెలంగాణలోని సన్నకారు రైతులు భారీ ప్రయోజనం పొందారని ప్రపంచ బ్యాంకు తెలిపింది. వాతావరణ హెచ్చరికలతో తెలంగాణ రైతులకు ప్రయోజనం హైదరాబాద్‌, ఆగస్టు 9 (ఆంధ్రజ్యోతి): కృత్రిమ మేధ (ఏఐ) ఆధారిత వాతావరణ అంచనాలతో తెలంగాణలోని సన్నకారు రైతులు భారీ ప్రయోజనం పొందారని ప్రపంచ బ్యాంకు తెలిపింది. వాతావరణ పరిస్థితులకనుగుణంగా పంటల సాగు నిర్ణయం మార్చుకోవడంతో పెట్టుబడుల్లో కొందరు రైతులు గరిష్ఠంగా రూ.50 వేల పై చిలుకు (560 అమెరికా డాలర్లు) నికరంగా పొదుపు చేశారని ప్రపంచ బ్యాంకు విడుదల చేసిన ‘వరల్డ్‌ డెవల్‌పమెంట్‌ రిపోర్ట్‌ 2026: ది ప్రామిస్‌ ఆఫ్‌ ఆర్టిఫిషియల్‌ ఇంటెలిజెన్స్‌’లో తెలిపింది. మెదక్‌, మహబూబ్‌నగర్‌ జిల్లాల్లో 2025లో నిర్వహించిన అధ్యయనం ఆధారంగా రాష్ట్ర రైతులకు కలిగిన ప్రయోజనాలను ప్రత్యేకంగా ప్రస్తావించింది. ప్రభుత్వం, వ్యవసాయ విస్తరణ అధికారులు అందించే సమాచారంపై పెద్దగా ఆధారపడని చిన్న, సన్నకారు రైతులకు ఏఐ ఆధారిత వాతావరణ సమాచారం ఉపయోగ పడిందని నివేదిక పేర్కొంది. వర్షాలు, వాతావరణ మార్పులు, ఇతర ప్రమాదాలపై ముందస్తు అంచనాలను తెలుసుకుని రైతులు తమ సాగు, పెట్టుబడి నిర్ణయాలను మార్చుకున్నారని తెలిపింది. నిర్దిష్ట వాతావరణ ప్రమాదాలను దృష్టిలో పెట్టుకుని పంటల సాగుపై అన్నదాతలు తమ ఖర్చు మూడో వంతు పెంచితే, చాలా మంది రైతులు అనవసర ఖర్చు తగ్గించుకున్నారని ప్రపంచ బ్యాంకు నివేదించింది. కనుక అభివృద్ధి చెందుతున్న దేశాలు భారీ ఖర్చుతో కూడుకున్న ఏఐ మోడళ్ల కంటే తక్కువ ఖర్చుతో విస్తృతంగా ఉపయోగించే చిన్న, చౌక ఏఐ సాధనాలను అందుబాటులోకి తేవాలని సూచించింది

దేశంలో సుకన్య సమృద్ది యోజన పథకం ఎంత పాపులర్ అయిందో ప్రత్యేకంగా చెప్పనక్కర్లేదు. కుమార్తెల భవిష్యత్ కోసం డబ్బులు పొదుపు చేయాలనుకునే తల్లిదండ్రులకు ఇది మంచి సేవింగ్స్ స్కీముగా చెప్పవచ్చు. కేంద్ర ప్రభుత్వ ఆధ్వర్యంలో ఈ పొదుపు పథకం నడుస్తుండటంతో.. డబ్బులకు భద్రత ఉంటుంది. అంతేకాకుండా స్టాక్ మార్కెట్‌తో లింక్ అయి ఉండకపోవడంతో మీరు పెట్టే పెట్టుబడికి ఎలాంటి రిస్క్ ఉండదు. ప్రస్తుతం సుకన్య సమృద్ది యోజన పథకం వడ్డీ రేటు 8.2 శాతంగా ఉంది. బ్యాంక్ ఫిక్స్‌డ్ డిపాజిట్లతో పోలిస్తే ఇది చాలా ఎక్కువ. అయితే ఈ పథకానికి సంబంధించి చాలామందిలో అనేక అనుమానాలు ఉంటాయి. ఎన్నారైలు ఇందులో పెట్టుబడి పెట్టవచ్చా అనే డౌట్ చాలామందికి ఉంటుంది. అయితే ఎన్నారైలకు ఈ పథకంలో చేరడానికి అనుమతి లేదు. భారతదేశంలో నివసిస్తు్నవారు మాత్రమే ఇందులో పెట్టుబడి పెట్టడానికి అర్హులు. దీంతో విదేశాల్లో నివాసం ఉండే భారతీయులు తమ కుమార్తె పేరు మీద సుకన్య సమృద్ది యోజన అకౌంట్ తెరవలేరు. అయితే ఈ పథకంలో చేరాలంటే ఖచ్చితంగా బాలిక వయస్సు 10 సంవత్సరాల్లోపు ఉండాలి. బాలిక భారతదేశ నివాసి అయి ఉండాలి. బాలిక పేరు మీద అకౌంట్ తెరిచాక.. తల్లిదండ్రులు చట్టబద్దమైన సంరక్షలుగా దానిని నిర్వహించవచ్చు. బాలిక లేదా ఆమె కుటుంబం దేశంలో నివాసి కాకపోతే ఈ అకౌంట్ తెరవలేరని నిబంధనలు స్పష్టం చేస్తున్నాయి. అయితే ఒక వ్యక్తి ఎన్నారై కాకముందు తన కుమార్తె పేరు మీద అకౌంట్ తెరిస్తే నిబంధనలు వేరుగా ఉంటాయి. అప్పటికి తెరిచిన అకౌంట్‌కు సంబంధించిన నిబంధనలను తమ బ్యాంక్ లేదా పోస్టాఫీస్‌ను సంప్రదించడం ద్వారా తెలుసుకోవాలి. అయితే ఈ పథకం వడ్డీ రేటును కేంద్రం ఎప్పటికప్పుడు సమీక్షిస్తూ ఉంటుంది. దీంతో భవిష్యత్తులో వడ్డీ రేటు మారితే మరింత ఆదాయం పొందవచ్చు. చక్రవడ్డీ పద్దతిలో వడ్డీ లెక్కించడం వల్ల ఎక్కువ ఆదాయం లభిస్తుంది. కుమార్తె వయస్సు 10 ఏళ్లలోపు ఉన్నప్పుడు వారి