Sankranthi 2027 News

‘వాల్తేరు వీరయ్య’తో బాక్సాఫీస్‌ను షేక్ చేసిన మెగాస్టార్ చిరంజీవి-దర్శకుడు బాబీ కొల్లి కాంబినేషన్ మరోసారి రిపీట్ అవుతోంది. వీరి కలయికలో తెరకెక్కుతున్న ప్రతిష్టాత్మక ప్రాజెక్ట్ #Mega158 (#ChiruBobby2) టైటిల్‌ను మేకర్స్ అధికారికంగా ప్రకటిస్తూ అదిరిపోయే గ్లింప్స్‌ను విడుదల చేశారు. పవర్‌ఫుల్ మాస్ ఎలిమెంట్స్‌తో కూడిన ఈ చిత్రానికి ‘కాకా’ (Kaaka) అనే టైటిల్ ఖరారు చేశారు. కెవిఎన్ ప్రొడక్షన్స్ పతాకంపై వెంకట్ కె నారాయణ అత్యంత భారీ బడ్జెట్‌తో ఈ చిత్రాన్ని నిర్మిస్తున్నారు. గ్లింప్స్ ఎలా ఉందంటే? తాజాగా విడుదలైన వీడియో గ్లింప్స్ అభిమానుల్లో అంచనాలను భారీగా పెంచేసింది. ఆక్వా రంగంలో ‘కె. సత్యం’ అనే సూపర్ వైజర్‌గా చిరంజీవి ఎంట్రీ ఇచ్చే సన్నివేశంతో వీడియో ప్రారంభమవుతుంది. చెన్నై టీమ్‌తో ఫోన్ మాట్లాడుతూ లోడ్ సకాలంలో చేరుతుందని భరోసా ఇవ్వడం, పండుగ టార్గెట్ పేరుతో సునీల్ అడిగిన లీవ్ తిరస్కరించడం లాంటి సహజమైన సన్నివేశాలతో కథనం మొదలవుతుంది. గెటప్ శ్రీను స్కూటర్ కీస్ విసిరే క్రమంలో అవి అనుకోకుండా నీటిలో పడిపోగా, ఓ కుక్క రిమోట్‌ను తీసుకురావడం.. ఆ రిమోట్ మాగ్నెట్ సాయంతో కీస్‌ను బయటకు తీసే క్రమంలో తుపాకులు బయటకు రావడం ఆసక్తిని రేకెత్తిస్తుంది. అద్దాలు ధరించిన మధ్యవయస్కుడైన ‘కె. సత్యం’ రూపంలో మెగాస్టార్ హుందాగా కనిపిస్తూనే, ఆ వెంటనే ‘కాకా’ టైటిల్ రివీల్ కావడం గూస్‌బంప్స్ తెప్పిస్తుంది. అనంతరం వచ్చే ఫ్లాష్‌బ్యాక్‌లో యంగ్ అండ్ స్టైలిష్ లుక్‌లో గన్స్ పేలుస్తూ చిరంజీవి ఇచ్చిన మాస్ పోజ్ మెగా ఫ్యాన్స్‌కు వింటేజ్ వైబ్స్‌ను గుర్తుచేస్తోంది. బాబీ మరోసారి చిరంజీవిలోని మాస్ అండ్ క్లాస్ వేరియేషన్లను పర్ఫెక్ట్‌గా ఒడిసిపట్టారు. విజయ్ కార్తీక్ కన్నన్ అందించిన సినిమాటోగ్రఫీ ఆద్యంతం రిచ్‌గా ఉంది. ముఖ్యంగా ఎస్. తమన్ అందించిన బ్యాక్‌గ్రౌండ్ స్కోర్, అందులో ‘గ్యాంగ్ లీడర్’ నాటి ఐకానిక్ “గ్యాంగ్ గ్యాంగ్” రీమిక్స్ బీట్ జోడించడం గ్లింప్స్‌ను నెక్ట్స్ లెవల్‌కు తీసుకెళ్లింది lఈ చిత్రంలో అనస్వర రాజన్

అనిల్ రావిపూడి ఏం చేసినా ప్రేక్షకుల దృష్టిని వెంటనే ఆకర్షిస్తుంటారు. ఆయన సినిమాల టైటిల్స్ విషయంలోనూ ఇదే ప్రత్యేకత కనిపిస్తుంది. గతంలో సంక్రాంతికి వస్తున్నాం అనే టైటిల్ ప్రకటించినప్పుడు కొందరు విమర్శలు, సెటైర్లు చేసినప్పటికీ, ఆ సినిమా విడుదలైన తర్వాత భారీ విజయాన్ని అందుకుంది. ప్రాంతీయ సినిమా పరిశ్రమలో పలు రికార్డులను బద్దలు కొట్టింది. ఇప్పుడు అనిల్ రావిపూడి తన తదుపరి సినిమాకు కూడా ఆసక్తికరమైన టైటిల్‌ను ఎంచుకున్నారు. విక్టరీ వెంకటేష్, నందమూరి కల్యాణ్ రామ్ ప్రధాన పాత్రల్లో నటిస్తున్న ఈ సినిమాకు 'జనవరి 12 విడుదల' అనే టైటిల్‌ను ఖరారు చేశారు. ఈ చిత్రాన్ని సంక్రాంతికి రిలీజ్ చేస్తున్నట్లు ఆల్రెడీ ప్రకటించారు. దానికి అనుగుణంగానే సినిమా టైటిల్ కూడా ఫైనల్ చేశారు. టైటిల్‌ను ప్రకటిస్తూ చిత్రబృందం విడుదల చేసిన వీడియో కూడా సరదాగా సాగింది. ఇందులో వెంకటేష్, కల్యాణ్ రామ్‌తో పాటు కీర్తి సురేష్, కృతి శెట్టి కనిపించారు. జనవరి 12 విడుదల అనే మాట విన్న కీర్తి సురేష్, కృతి శెట్టి అది సినిమా టైటిల్ అనుకోవాలా, లేక విడుదల తేదీ అనుకోవాలా అన్న అయోమయంలో పడతారు. ఆ తర్వాత అనిల్ రావిపూడి అసలు విషయాన్ని వివరిస్తారు. సినిమా పేరు కూడా జనవరి 12 విడుదలేనని, విడుదల తేదీ కూడా జనవరి 12నే అని చెబుతారు. ఈ సందర్భంగా ఈవీవీ సత్యనారాయణ దర్శకత్వం వహించిన ఓ పాత సినిమాలోని క్లిప్‌ను స్ఫూర్తిగా తీసుకున్నట్లు తెలుస్తోంది. టైటిల్ ప్రకటన వీడియోలోని కామెడీ, హీరోలతో పాటు హీరోయిన్లను కూడా భాగం చేయడం ఆసక్తికరంగా మారింది. ఈ సినిమాకు బావ బామ్మర్ది సౌజన్యంతో అనే ట్యాగ్‌లైన్‌ను కూడా ఖరారు చేశారు. వెంకటేష్, కల్యాణ్ రామ్ కలయిక నేపథ్యంలో ఈ ట్యాగ్‌లైన్ మరింత ఆసక్తిని పెంచుతోంది. అసలు జనవరి 12 విడుదలతో అనిల్ రావిపూడి ఎలాంటి కథను చెప్పబోతున్నారు, బావ బామ్మర్ది సౌజన్యంతో అనే ట్యాగ్‌లైన్ వెనుక

మెగాస్టార్ చిరంజీవి, దర్శకుడు బాబీ కొల్లి కలయికలో రూపొందుతున్న ప్రతిష్టాత్మక చిత్రం ‘#Mega158’ (#ChiruBobby2) చిత్రీకరణ వేగంగా సాగుతోంది. గతంలో వీరిద్దరి కాంబినేషన్‌లో వచ్చిన ‘వాల్తేరు వీరయ్య’ బాక్సాఫీస్ వద్ద విజయం సాధించడంతో, కేవీఎన్ ప్రొడక్షన్స్ పతాకంపై వెంకట్ కె. నారాయణ నిర్మిస్తున్న ఈ ప్రాజెక్ట్‌పై పరిశ్రమలో మంచి ఆసక్తి నెలకొంది. ఈ సినిమా ఇప్పటికే 40 రోజుల కీలక చిత్రీకరణను పూర్తి చేసుకుంది. అదే సమయంలో మొదటి భాగానికి సంబంధించిన ఎడిటింగ్ వర్క్ పూర్తయి లాక్ అయింది. ఇప్పటివరకు చిత్రీకరించిన సన్నివేశాలలో భావోద్వేగాలు, వినోదం, యాక్షన్ సమపాళ్లలో కుదిరాయని చిత్ర బృందం సంతృప్తి వ్యక్తం చేస్తోంది. ముఖ్యంగా ఇటీవల తెరకెక్కించిన ఇంటర్వెల్ యాక్షన్ ఎపిసోడ్ సినిమాకు ప్రధాన ఆకర్షణగా నిలవనుందని యూనిట్ వర్గాలు తెలిపాయి. ఆగస్టు 22న మెగాస్టార్ చిరంజీవి పుట్టినరోజును పురస్కరించుకుని ప్రత్యేక అప్‌డేట్ ఇచ్చేందుకు చిత్ర నిర్మాతలు సన్నాహాలు చేస్తున్నారు. ఈ చిత్రాన్ని సంక్రాంతి 2027 పండుగ కానుకగా ప్రేక్షకుల ముందుకు తీసుకురానున్నట్లు మేకర్స్ ఇప్పటికే వెల్లడించారు. ఈ చిత్రంలో అనస్వర రాజన్, నివేదా పేతురాజ్ కీలక పాత్రల్లో నటిస్తున్నారు. ఎస్. థమన్ సంగీతం సమకూరుస్తుండగా, విజయ్ కార్తీక్ కన్నన్ సినిమాటోగ్రఫీ, రూబెన్ ఎడిటింగ్ బాధ్యతలు నిర్వహిస్తున్నారు. కోన వెంకట్, కె. చక్రవర్తి రెడ్డి స్క్రీన్‌ప్లే అందించగా, భాను-నందు సంభాషణలు రాస్తున్నారు

సూర్య ప్రకాష్ జోశ్యుల భోగి మంటలతో మొదలవుతుంది తెలుగు వారి సంక్రాంతి. చలికాలపు తెల్లవారుజామున ఇంటి ముందు మంటలు. ఆ తర్వాత పెద్ద పెద్ద ముగ్గులు. గొబ్బెమ్మలు. కొత్త బట్టలు. పిండివంటల వాసన. అమ్మమ్మలు, తాతయ్యలు, అత్తలు, మామలు, బంధువులతో నిండిపోయే ఇళ్లు. పట్టణాల్లో ఉన్నవాళ్లు పల్లెలకు బయలుదేరుతారు. పల్లెల్లో ఉన్నవాళ్లు బంధువుల కోసం ఎదురుచూస్తారు.కోడి పందాలు.గుండాటలు. కొత్త అల్లుడు ఇంటికి రావడం నుంచి.. కనుమ రోజు కుటుంబమంతా కలిసి భోజనం చేయడం వరకు..పెద్ద ఉత్సవంలా సాగుతుంది. ఈ పండుగలో మరో పండుగ ఎప్పుడు చేరిందో మనకు తెలియకుండానే జరిగిపోయింది. అదే సినిమా పండగ. సంక్రాంతి వచ్చిందంటే ఖచ్చితంగా కొత్త సినిమా చూడాలి అన్న భావన తెలుగు కుటుంబ జీవనంలో దాదాపు ఒక భాగమైపోయింది. కాబట్టే సంక్రాంతి అంటే తెలుగు పరిశ్రమలో ఒక రిలీజ్ డేట్ గా చూడరు. అది ఒక బిజినెస్ మోడల్ గా గమనిస్తారు. సంవత్సరం ప్రారంభంలో వచ్చే ఆ కొన్ని రోజులు నిర్మాతలకు ఏడాది మొత్తం కలలో కనిపించే బాక్సాఫీస్ విండో. కుటుంబాలు కలిసి సినిమాలకు వెళ్లే సమయం. థియేటర్లకు అదనపు షోలు వేసే సమయం. స్టార్ హీరోలు తమ మార్కెట్‌ను పరీక్షించుకునే సమయం. చాలా కాలంగా సంక్రాంతి అంటే ఒకే రకమైన పోటీ కనిపించేది. కృష్ణ వంటి స్టార్ హీరోల సినిమాలు, ఆ తర్వాత కాలంలో చిరంజీవి వర్సెస్ బాలకృష్ణ. వెంకటేష్ వర్సెస్ నాగార్జున. స్టార్ వర్సెస్ స్టార్.కానీ ఇప్పుడు ఆ పోటీ స్వభావమే మారుతున్నట్టుంది. 2025 నుంచి 2027 వరకు సంక్రాంతి సినిమాలను వరుసగా చూస్తే ఒక ఆసక్తికరమైన pattern కనిపిస్తుంది. సంక్రాంతి ఇక “ఎవరి స్టార్ పవర్ ఎక్కువ?” అన్నట్లు కాకుండా “ఎవరి సినిమా కుటుంబాన్ని థియేటర్‌కు తీసుకువచ్చి, అక్కడ రెండు మూడు గంటలు నవ్వించగలదు?” అనే ప్రశ్నగా మారింది. ఈ మార్పుకు ఒకే వ్యక్తిని కారణంగా చూపడం కొంచెం అతిశయోక్తి కావచ్చు. కానీ ఒక

మెగా హీరో సాయి దుర్గ తేజ్ నటించిన తాజా చిత్రం ‘సంబరాల ఏటిగట్టు’ విడుదలకు సిద్ధమైంది. సంక్రాంతి కానుకగా 2027 జనవరి 12న ఈ సినిమాను భారీ స్థాయిలో విడుదల చేయనున్నట్లు చిత్రబృందం అధికారికంగా ప్రకటించింది. ఇప్పటికే షూటింగ్ పూర్తి చేసుకున్న ఈ చిత్రం, ప్రస్తుతం పోస్ట్-ప్రొడక్షన్ పనులను అత్యంత వేగంగా పూర్తి చేసుకుంటోంది. ప్రైమ్ షో ఎంటర్‌టైన్‌మెంట్ బ్యానర్‌పై నిరంజన్ రెడ్డి, చైతన్య రెడ్డి ప్రతిష్టాత్మకంగా ఈ చిత్రాన్ని నిర్మిస్తున్నారు. రోహిత్ కేపీ దర్శకత్వంలో తెరకెక్కుతున్న ఈ సినిమాపై ప్రేక్షకుల్లో భారీ అంచనాలు నెలకొన్నాయి. పక్కా కమర్షియల్ ఎంటర్‌టైనర్‌గా రూపొందుతున్న ఈ ప్రాజెక్ట్‌ను సంక్రాంతి సీజన్లో థియేటర్లకు తీసుకురావడం విశేషం. ఇదిలా ఉండగా, ఈ సినిమా నుండి విడుదలైన తాజా పోస్టర్ నెట్టింట చర్చనీయాంశంగా మారింది. సాయి దుర్గ తేజ్ రక్తం, గాయాలతో, మంటల మధ్య ఆయుధం పట్టుకుని చాలా ఇంటెన్స్ లుక్‌లో కనిపిస్తున్నారు. ఈ రఫ్ లుక్ చూస్తుంటే సినిమా పూర్తిస్థాయి యాక్షన్ డ్రామాగా సాగుతుందని స్పష్టమవుతోంది. ఈ చిత్రంలో ఐశ్వర్య లక్ష్మి హీరోయిన్‌గా నటిస్తుండగా, బి. అజనీష్ లోక్‌నాథ్ సంగీతం అందిస్తున్నారు. దీంతో సినిమాలోని పాటలు, నేపథ్య సంగీతంపై అంచనాలు రెట్టింపు అయ్యాయి. సినిమాకు సంబంధించిన సాంకేతిక విలువలు అత్యున్నత స్థాయిలో ఉంటాయని చిత్ర యూనిట్ ధీమా వ్యక్తం చేస్తోంది. ఈ నేపథ్యంలో చిత్రంలోని కీలక పాత్రల్లో జగపతి బాబు, సాయి కుమార్, శ్రీకాంత్, అనన్య నాగళ్ల నటిస్తున్నారు. అనుభవజ్ఞులైన నటీనటులు తోడవడంతో కథలో భావోద్వేగాలకు లోతు ఉంటుందని విశ్లేషకులు భావిస్తున్నారు. ఈ స్టార్ కాస్ట్ ‘సంబరాల ఏటిగట్టు’ సినిమాకు ప్రధాన ఆకర్షణగా నిలవనుంది. మరోవైపు, సంక్రాంతి పండుగ వేళ ఫ్యామిలీ ఆడియన్స్‌ను అలరించేందుకు చిత్రబృందం పక్కా ప్లాన్‌తో ఉంది. పండుగ సెలవులను క్యాష్ చేసుకునేలా 2027 జనవరి 12న విడుదల చేస్తూ బాక్సాఫీస్ వద్ద సందడి చేయడానికి సాయి దుర్గ తేజ్ సిద్ధమయ్యారు. ఈ సినిమా మెగా అభిమానులకు

2027 సంక్రాంతి (2027 Sankranthi) పండుగకి ఇంకా ఐదు నెలలపైనే టైముంది. కానీ అప్పుడే పండగకి వస్తామంటూ అనేక సినిమాలు ప్రకటిస్తున్నాయి. విడుదల తేదీ ప్రకటిస్తూ కర్చీఫ్ లు వేసేస్తున్నారు నిర్మాతలు. ఇప్పటివరకు సంక్రాంతి డేట్ ప్రకటించిన సినిమాలేవో చూద్దాం. అనిల్ రావిపూడి ప్రస్తుతం వెంకటేష్, కళ్యాణ్ రామ్ హీరోలుగా కీర్తి సురేష్, కృతి శెట్టి హీరోయిన్లుగా ఒక మల్టీస్టారర్ చిత్రం తీస్తున్నారు. ఈ సినిమా ఓపెనింగ్ రోజే సంక్రాంతి విడుదల అని ప్రకటించారు. జోరుగా షూటింగ్ జరుగుతోంది. ఇప్పటికే 30 శాతం షూటింగ్ పూర్తి అయింది. జనవరి 13న విడుదల చేస్తున్నారు. ఈ సినిమాకి “బామ్మర్ది బాల్ రెడ్డి,” “జనవరి 13 విడుదల” అనే పేర్లు పరిశీలిస్తున్నారు. శర్వానంద్ హీరోగా దర్శకుడు శ్రీను వైట్ల సినిమా తీస్తున్నారు. ఈ సినిమాకి జార్జి క్రిష్ అనే పేరు ఖరారు అయింది. ఆగస్టు 13న సినిమాని లాంచ్ చేశారు. కానీ ఐదు నెలల్లోనే షూటింగ్ పూర్తి చేసి సంక్రాంతికి విడుదల చేస్తారట. ఎందుకంటే సంక్రాంతి 2026కి శర్వానంద్ నటించిన ‘నారి నారి నడుమ మురారి’ విడుదలై అతన్ని ఫ్లాపుల నుంచి బయటపడేసింది. గతంలో కూడా “శతమానం భవతి” సంక్రాంతికి పెద్ద హిట్ అయింది. సాయి ధరమ్ తేజ్ నటిస్తోన్న ‘సంబరాల ఏటిగట్టు’ దాదాపు రెండేళ్ళకి పైగా షూటింగ్ జరుపుకుంటోంది. ఈ సినిమా ఆగిపోయింది అనే పుకార్లు కూడా వచ్చాయి. కానీ ఇప్పుడు సంక్రాంతి 2027 విడుదల అంటూ మేకర్స్ ప్రకటించారు. రవితేజ, శ్రీ విష్ణు హీరోలుగా నిర్మాత దిల్ రాజు ఒక సినిమా ప్లాన్ చేస్తున్నారు. ఈ సినిమాకి హసిత్ గోలి దర్శకుడు. షూటింగ్ ఇంకా మొదలు కాలేదు. కానీ సంక్రాంతికి విడుదల అని ముందే ఫిక్స్ అయ్యారు. “అక్కాయిలు బాగున్నారా” అనే టైటిల్ పరిశీలనలో ఉంది. మెగాస్టార్ చిరంజీవి, దర్శకుడు బాబీ తీస్తున్న చిత్రం కూడా మొదట సంక్రాంతికి ప్లాన్ చేశారు. ఐతే, ‘విశ్వంభర’

వరుస విజయాలతో దూసుకెళ్తున్న యువ హీరో శర్వానంద్, ప్రముఖ దర్శకుడు శ్రీను వైట్లతో చేతులు కలిపారు. వీరిద్దరి కాంబినేషన్‌లో తెరకెక్కుతున్న కొత్త చిత్రం శుక్రవారం ఉదయం పూజా కార్యక్రమాలతో లాంఛనంగా ప్రారంభమైంది. ఏకే ఎంటర్‌టైన్‌మెంట్స్ బ్యానర్‌పై రామబ్రహ్మం సుంకర నిర్మిస్తున్న ఈ సినిమాకు ‘జార్జ్ క్రిష్’ అనే ఆసక్తికర టైటిల్‌ను ఖరారు చేశారు. అంతేకాదు సినిమా ప్రారంభించిన రోజే విడుదల తేదీని కూడా ప్రకటించి అందరినీ ఆశ్చర్యపరిచారు.ఈ సందర్భంగా నిర్మాత అనిల్ సుంకర మాట్లాడుతూ.. "మా చిత్రాన్ని 2027 సంక్రాంతి కానుకగా జనవరి 14న విడుదల చేస్తున్నాం. సంక్రాంతికి హ్యాట్రిక్ విజయాలు సాధించిన చరిత్ర శర్వానంద్‌కు ఉంది. ఇప్పుడు 'జార్జ్ క్రిష్' చిత్రంతో ఆ సెంటిమెంట్‌ను కొనసాగించబోతున్నాడు" అని ధీమా వ్యక్తం చేశారు. శర్వానంద్‌కు గతంలో ‘శతమానం భవతి’, ‘ఎక్స్‌ప్రెస్ రాజా’, ‘నారీ నారీ నడుమ మురారి’ వంటి చిత్రాలు సంక్రాంతి సీజన్‌లో మంచి విజయాలు అందించాయి. ఇప్పుడు అదే సెంటిమెంట్‌తో ఈ సినిమా కూడా పండుగ బరిలో నిలవనుంది.హైదరాబాద్‌లో జరిగిన ఈ చిత్ర ప్రారంభోత్సవానికి పలువురు సినీ ప్రముఖులు హాజరయ్యారు. ముహూర్తపు షాట్‌కు ప్రముఖ నిర్మాత సురేష్ బాబు కెమెరా స్విచాన్ చేయగా, తెలంగాణ సినిమాటోగ్రఫీ మంత్రి తలసాని శ్రీనివాస్ యాదవ్ క్లాప్ కొట్టారు. తొలి షాట్‌కు శ్రీను వైట్ల దర్శకత్వం వహించారు. ఏటీవీ సమర్పణలో రూపుదిద్దుకుంటున్న ఈ చిత్రానికి అజయ్ సుంకర సహ నిర్మాతగా వ్యవహరిస్తున్నారు.ఈ సినిమాకు సంబంధించిన మరో విశేషం ఏమిటంటే.. ప్రారంభోత్సవం రోజే ప్రపంచవ్యాప్తంగా థియేట్రికల్ డిస్ట్రిబ్యూటర్ల జాబితాను ప్రకటించడం. సాధారణంగా