Sajjan Kumar News

Former Congress MP Sajjan Kumar Death : వేలాది మంది ప్రాణాలను బలిగొన్న 1984 నాటి ఘోర సిక్కు వ్యతిరేక హింసాకాండ కేసులో ప్రధాన దోషిగా జైలు శిక్ష అనుభవిస్తున్న కాంగ్రెస్ పార్టీ మాజీ పార్లమెంట్ సభ్యుడు సజ్జన్ కుమార్ గురువారం నాడు తుదిశ్వాస విడిచారు. 80 ఏళ్ల వయస్సు కలిగిన ఆయన, ఢిల్లీలోని ప్రసిద్ధ తీహార్ జైలులో జీవిత ఖైదీగా శిక్ష అనుభవిస్తున్న సమయంలో తీవ్ర అనారోగ్యానికి గురయ్యారు. పరిస్థితి విషమించడంతో వెంటనే జైలు అధికారులు అత్యవసరంగా సఫ్దర్‌జంగ్ ఆసుపత్రికి తరలించారు. అయితే ఆసుపత్రికి చేరుకునే సమయానికే ఆయన మరణించినట్లు అక్కడి వైద్యులు నిర్ధారించి అధికారికంగా ప్రకటించారు.సిక్కు అల్లర్ల కేసు ఏమైందంటే?మాజీ ప్రధాన మంత్రి ఇందిరా గాంధీ దారుణ హత్య అనంతరం 1984 నవంబర్ 1, 2 తేదీలలో దేశ రాజధానిలోని పాలం కాలనీ ప్రాంతంలో తీవ్ర స్థాయిలో హింసాత్మక ఘర్షణలు చెలరేగాయి. ఆ భయానక ఘటనల్లో ఐదుగురు నిర్దోషులు ప్రాణాలు కోల్పోవడానికి సజ్జన్ కుమార్ ప్రత్యక్షంగా కారణం అయ్యాడని ఆరోపణలు వచ్చాయి. ఈ అల్లర్ల వ్యవహారంపై సుదీర్ఘంగా జరిగిన విచారణ అనంతరం.. ఆయనను తీవ్ర నేరస్థుడిగా నిర్ధారిస్తూ ఢిల్లీ హైకోర్టు 2018 డిసెంబర్ 17న సంచలన తీర్పును ఇచ్చింది. ఈక్రమంలోనే జీవిత ఖైదు శిక్ష విధిస్తూ ఉత్తర్వులు జారీ చేయడంతో ఆనాటి నుంచి ఆయన తీహార్ జైలులోనే శిక్షను అనుభవిస్తున్నారు. హైకోర్టు విధించిన ఈ కఠినమైన శిక్షను సవాలు చేస్తూ ఆయన దేశ అత్యున్నత నాయస్థానమైన సుప్రీం కోర్టును ఆశ్రయించారు. ఆ పిటిషన్ ఇన్నాళ్లూ సుప్రీం కోర్టులో విచారణ దశలోనే పెండింగ్‌లో ఉండిపోయింది.1984 నాటి సిక్కుల వ్యతిరేక అల్లర్లకు సంబంధించిన పలు చోట్ల నమోదైన అనేక కేసులలో సజ్జన్ కుమార్ పేరు ప్రధానంగా వినిపించింది. రాజధాని పరిధిలోని జానక్‌పురి, వికాస్‌పురి ప్రాంతాల్లో అల్లర్లను తీవ్రంగా రెచ్చగొట్టారనే తీవ్రమైన ఆరోపణలు ఆయనపై ఉన్నాయి. అయితే ఈ కేసులను విచారించిన ఢిల్లీలోని స్థానిక

కాంగ్రెస్ దిగ్గజ నేత, మాజీ ఎంపీ సజ్జన్ కుమార్ (Sajjan Kumar) ఇవాళ తీహార్ జైల్లో కన్నుమూశారు. 1984 నాటి సిక్కుల ఊచకోత కేసులో దోషిగా నిర్ధారణ అయిన ఆయనకు కోర్టు జీవిత ఖైదు విధించింది. దీంతో ఆయన తీహార్ జైల్లోనే శిక్ష అనుభవిస్తున్నారు. ఇవాళ ఆయన తీవ్ర అనారోగ్యానికి గురి కావడంతో ఢిల్లీలోని సఫ్దర్ జంగ్ ఆస్పత్రికి తరలించారు. అయితే అప్పటికే సజ్జన్ కుమార్ చనిపోయినట్లు డాక్టర్లు నిర్ధారించారు. గాంధీ కుటుంబానికి విధేయుడిగా పేరున్న 80 ఏళ్ల సజ్జన్ కుమార్ జీవితం అలా ముగిసిపోయింది. ఇథనాల్ దెబ్బకు రికార్డు స్దాయికి పంచదార ధరలు..! జనం గగ్గోలు..!1984 అక్టోబర్ 31 తేదీన అప్పటి ప్రధాని ఇందిరా గాంధీని ఆమె బాడీ గార్డులే దారుణంగా కాల్చి చంపారు. ఆపరేషన్ బ్లూస్టార్ పేరుతో తీవ్రవాదుల ఏరివేత కోసం అమృత్ సర్ లోని సిక్కుల పవిత్ర స్వర్ణదేవాలయంలోకి బూట్లతో సైనికుల్ని పంపారన్న కోపంతో వారు ఆమె హత్యకు పాల్పడ్డారు. అయితే ప్రధాని ఇందిర హత్యతో కాంగ్రెస్ శ్రేణులు రగిలిపోయాయి. సిక్కుల్ని టార్గెట్ చేస్తూ పలు రాష్ట్రాల్లో దాడులకు దిగారు. ఆ తర్వాత ఇవి కాస్తా ముదిరి హత్యల వరకూ వెళ్లాయి.దెబ్బకు దెబ్బ తీసిన భారత్..! పాక్ కవ్వింపు చర్యకు ఢిల్లీలో దీటైన జవాబు..!అలా ఢిల్లీ సహా ఉత్తర భారతదేశంలోని పలు ప్రాంతాలలో చెలరేగిన సిక్కు వ్యతిరేక అల్లర్లకు కారకులుగా ఆరోపణలు ఎదుర్కొని, దోషిగా కూడా తేలిన నేతల్లో సజ్జన్ కుమార్ కూడా ఒకరు. జాట్ నేత అయిన సజ్జన్ కుమార్.. ఇందిర మరణాన్ని జీర్ణించుకోలేక ఆగ్రహంతో ఉన్న కాంగ్రెస్ కార్యకర్తల్ని రెచ్చగొట్టి సిక్కుల ఊచకోతకు కారకులయ్యారనే ఆరోపణలు వచ్చాయి. వీటిపై కోర్టుల్లో సుదీర్ధ విచారణ తర్వాత సజ్జన్ కుమార్ పై మోపిన అభియోగాలు వాస్తవమని రుజువయ్యాయి. దీంతో ఆయన్ను కోర్టు జీవిత ఖైదు విధించింది. అప్పటి నుంచీ తీహార్ జైల్లోనే ఉంటున్న సజ్జన్ కుమార్.. ఇవాళ మృతి చెందారు

ఇంటర్నెట్‌ డెస్క్‌: దేశ రాజధాని దిల్లీలో జరిగిన సిక్కు వ్యతిరేక అల్లర్ల కేసులో దోషిగా తేలిన కాంగ్రెస్‌ మాజీ ఎంపీ సజ్జన్‌ కుమార్‌ (80) కన్నుమూశారు. తిహార్‌ జైలులో జీవిత ఖైదు అనుభవిస్తున్న ఆయనను గురువారం ఉదయం హుటాహుటిన సఫ్దర్‌జంగ్‌ ఆసుపత్రికి తరలించారు. అయితే, అప్పటికే సజ్జన్‌ (Sajjan Kumar) మృతిచెందినట్లు వైద్యులు ధ్రువీకరించారు. మరణానికి గల కారణాలను వైద్యులు ఇంకా నిర్ధరించలేదు. అనారోగ్యంతో కన్నుమూసినట్లు ప్రాథమిక సమాచారం. మాజీ ప్రధాని ఇందిరాగాంధీ హత్యానంతరం దిల్లీలో 1984 నవంబరు 1న సిక్కు వ్యతిరేక అల్లర్లు (1984 anti-Sikh riots) చోటుచేసుకున్నాయి. నానావతి కమిషన్‌ నివేదిక ప్రకారం.. ఈ అల్లర్లలో 2,700 మందికి పైగా మరణించారు. ఇందుకు సంబంధించి సజ్జన్‌ కుమార్‌పై మొత్తం మూడు కేసులు నమోదయ్యాయి. ఇందులో రెండు కేసుల్లో సజ్జన్‌ దోషిగా తేలగా.. మరో కేసులో న్యాయస్థానం నిర్దోషిగా ప్రకటించింది. ఐదుగురు సిక్కులను చంపి, గురుద్వారాకు నిప్పు పెట్టిన కేసులో 2018లో దిల్లీ హైకోర్టు ఆయనకు జీవితఖైదు విధించింది. దీన్ని సవాల్‌ చేస్తూ ఆయన వేసిన పిటిషన్‌ సుప్రీంకోర్టులో పెండింగులో ఉంది. ఇక, సర్దార్‌ జస్వంత్‌ సింగ్‌, ఆయన కుమారుడు తరుణ్‌దీప్‌ సింగ్‌ను చంపిన కేసులోనూ 2025 పిబ్రవరిలో దిల్లీ హైకోర్టు ఆయనను దోషిగా తేల్చి జీవితఖైదు విధించింది. కాంగ్రెస్‌ పార్టీ సీనియర్‌ నేత అయిన సజ్జన్‌.. అవుటర్‌ దిల్లీ స్థానం నుంచి మూడు సార్లు లోక్‌సభకు ఎన్నికయ్యారు. జీవితఖైదు పడిన తర్వాత పార్టీ సభ్యత్వానికి రాజీనామా చేశారు. గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర

1984 సిక్కు వ్యతిరేక అల్లర్ల కేసులో జీవిత ఖైదు అనుభవిస్తున్న కాంగ్రెస్ మాజీ ఎంపీ సజ్జన్ కుమార్ (80) కన్నుమూశారు. ఢిల్లీలోని తీహార్ జైల్లో శిక్ష అనుభవిస్తున్న ఆయన అస్వస్థతకు గురికావడంతో సఫ్దర్‌జంగ్ ఆసుపత్రికి తరలించగా, అప్పటికే మృతి చెందినట్లు వైద్యులు ధ్రువీకరించారు. మరణానికి గల కచ్చితమైన కారణాలను ఆసుపత్రి వర్గాలు ఇంకా వెల్లడించాల్సి ఉంది.1984లో నాటి ప్రధానమంత్రి ఇందిరా గాంధీ హత్య అనంతరం ఢిల్లీలో సిక్కులపై తీవ్రస్థాయిలో దాడులు జరిగాయి. ఈ క్రమంలో ఢిల్లీలోని పాలం కాలనీ ప్రాంతంలో నవంబర్ 1, 2 తేదీల్లో ఐదుగురు సిక్కుల మరణానికి కారణమైన కేసులో సజ్జన్ కుమార్ దోషిగా తేలారు. ఈ కేసులో 2018 డిసెంబరులో ఢిల్లీ హైకోర్టు ఆయనకు జీవిత ఖైదు విధించింది. అప్పటి నుంచి ఆయన తీహార్ జైలులో శిక్ష అనుభవిస్తున్నారు.ఔటర్ ఢిల్లీ నుంచి మూడుసార్లు లోక్‌సభకు ప్రాతినిధ్యం వహించిన సజ్జన్ కుమార్, ఒకప్పుడు కాంగ్రెస్ పార్టీలో కీలక నేతగా ఉండేవారు. అయితే, 2018లో కోర్టు దోషిగా నిర్ధారించడంతో ఆయన కాంగ్రెస్ పార్టీకి రాజీనామా చేశారు. హైకోర్టు తీర్పును సవాలు చేస్తూ ఆయన దాఖలు చేసిన అప్పీల్ ప్రస్తుతం సుప్రీంకోర్టులో పెండింగ్‌లో ఉంది. కాగా, ఇందిరా గాంధీ హత్య తర్వాత జరిగిన అల్లర్లలో అధికారిక లెక్కల ప్రకారమే ఢిల్లీలో 3,000 మందికి పైగా సిక్కులు ప్రాణాలు కోల్పోయారు