Raj Kumar Suicide News

రంగారెడ్డి జిల్లా షాబాద్‌లో ఆరుగురు హత్యకు గురైన సంచలన ఘటనపై కాంగ్రెస్ సీనియర్ నాయకురాలు, ఎమ్మెల్సీ విజయశాంతి తీవ్ర స్థాయిలో విరుచుకుపడ్డారు. ఈ కేసులో ప్రధాన నిందితుడు రాజ్‌కుమార్ వద్ద పోలీసులు లంచాలు తీసుకుని.. బెయిల్‌పై విడుదలయ్యేలా చేశారంటూ వస్తున్న ఆరోపణలపై స్పందించిన ఆమె.. తీవ్ర ఆగ్రహం వ్యక్తం చేశారు. ఇక నిందితుడు రాజ్‌కుమార్ ఆత్మహత్య చేసుకోవడంతో కేసు ముగిసిపోయిందని భావించకూడదని.. ఈ ఘటన వెనుక ఉన్న పోలీస్ వ్యవస్థ వైఫల్యాలపై కూడా సమగ్ర విచారణ జరగాలని ఆమె డిమాండ్ చేశారు. ఈ మేరకు సోషల్ మీడియా వేదికగా రాములమ్మ చేసిన పోస్ట్ ప్రస్తుతం రాజకీయ వర్గాల్లో చర్చనీయాంశంగా మారింది.గతంలో పోక్సో కేసులో అరెస్ట్ అయిన రాజ్‌కుమార్ అంత సులభంగా బెయిల్‌పై బయటకు రావడానికి గల కారణాలపై సమాధానం చెప్పాలని విజయశాంతి తన ఫేస్‌బుక్ పోస్టులో కోరారు. నిందితుడి నుంచి లంచం తీసుకుని కేసు నిర్వహణలో నిర్లక్ష్యం వహించారనే ఆరోపణలు మీడియాలో రావడం మహిళల్లో తీవ్ర ఆందోళనకు కారణమైందని పేర్కొన్నారు. ఈ ఆరోపణలు నిజమైతే పోలీసు వ్యవస్థపై ప్రజల విశ్వాసం దెబ్బతింటుందని అభిప్రాయపడ్డారు. రక్షించాల్సిన వ్యవస్థలోనే లోపాలు ఉంటే ఇలాంటి దారుణాలు పునరావృతం అయ్యే ప్రమాదం ఉందని విజయశాంతి ఆవేదన వ్యక్తం చేశారు. పోలీసుల నిర్లక్ష్యం వల్లే నిందితుడు బయటకు వచ్చి ఆరుగురు అమాయకుల ప్రాణాలు బలికావడానికి పరిస్థితులు ఏర్పడ్డాయనే అభిప్రాయం ప్రజల్లో వ్యక్తం అవుతోందని పేర్కొన్నారు. అందువల్ల ఈ వ్యవహారాన్ని ప్రభుత్వం అత్యంత సీరియస్‌గా తీసుకుని వాస్తవాలను వెలికితీయాలని కోరారు.మహిళల భద్రతకు అత్యంత ప్రాధాన్యం ఇస్తామని చెబుతున్న కాంగ్రెస్ ప్రభుత్వం.. ఈ ఘటనపై రాజీపడకుండా వ్యవహరించాలని విజయశాంతి సూచించారు. బాధ్యులపై కఠిన చర్యలు తీసుకోవడంతో పాటు మహిళల భద్రత, శాంతిభద్రతల పరిరక్షణకు మరింత పటిష్ట చర్యలు చేపట్టాలని ఒక మహిళా ప్రజాప్రతినిధిగా విజ్ఞప్తి చేశారు. రాజ్‌కుమార్ ఆత్మహత్యతో కేసు ముగిసినట్లు కాకుండా, పోక్సో కేసు దర్యాప్తు, బెయిల్ ప్రక్రియ, పోలీసుల పాత్ర వంటి

రంగారెడ్డి జిల్లా షాబాద్ లో జరిగిన ఆరుగురి సామూహిక హత్యల ఉదంతం తెలంగాణ రాజకీయాల్లో తీవ్ర కలకలం రేపుతోంది. ఈ దారుణ ఘటనపై బీఆర్ఎస్ సీనియర్ నేత, మాజీ మంత్రి తన్నీరు హరీశ్ రావు తీవ్రస్థాయిలో ధ్వజమెత్తారు. రాష్ట్రంలో శాంతిభద్రతలు పూర్తిగా క్షీణించాయని మండిపడ్డారు.ముఖ్యమంత్రి అనుసరిస్తున్న ప్రజా వ్యతిరేక విధానాలే కారణమని ఆయన ఆరోపించారు. ప్రభుత్వం పోలీసు వ్యవస్థను కేవలం రాజకీయ అవసరాల కోసం వాడుకుంటోందని ఆవేదన వ్యక్తం చేశారు. సీఎం రేవంత్ రెడ్డి పరిపాలనా వైఫల్యం వల్లే ఈ ఘోరం జరిగిందని విమర్శించారు. ఇదిలా ఉండగా ఈ ఘోరానికి ఒడిగట్టిన ప్రధాన నిందితుడు రాజ్ కుమార్ అలియాస్ రాజు కుమార్ ఆరుగురిని పొట్టనబెట్టుకున్నాడు. ఆ తర్వాత అతడు కూడా కొల్కతా సమీపంలో విషం తాగి ఆత్మహత్య చేసుకున్నట్లు సమాచారం అందింది. గత కొంతకాలంగా అధికార కాంగ్రెస్, ప్రతిపక్ష బీఆర్ఎస్ పార్టీల మధ్య రాజకీయ ఉద్రిక్తతలు తీవ్రస్థాయిలో కొనసాగుతున్నాయి. ముఖ్యంగా కాళేశ్వరం ప్రాజెక్టు వివాదంతో పాటు పలు అంశాలపై ఇరు పార్టీల నాయకులు పరస్పరం తీవ్ర విమర్శలు చేసుకుంటున్నారు. ఈ తరుణంలోనే షాబాద్ లో జరిగిన దారుణ హత్యల ఉదంతం రాజకీయంగా మరింత వేడిని రగిల్చింది. ఈ నేపథ్యంలో హరీశ్ రావు అధికార యంత్రాంగంపై తీవ్రమైన ఆరోపణలు గుప్పించారు. గతంలో సదరు నిందితుడిపై ఉన్న ఒక పోక్సో కేసు నుంచి తప్పించేందుకు రేవంత్ రెడ్డి అనుచరుడు ప్రయత్నించాడని ఆరోపించారు. ఇందుకోసం పోలీసులకు రూ.20 లక్షల వరకు లంచం ఇచ్చి నిందితుడిని కాపాడారని సంచలన వ్యాఖ్యలు చేశారు. దీంతో పోలీసులు సకాలంలో స్పందించకుండా ఏకంగా 45 రోజుల పాటు నిందితుడి అరెస్టును ఆలస్యం చేశారని ధ్వజమెత్తారు. ఫలితంగా నిందితుడికి సులభంగా బెయిల్ లభించిందని, ఆ తర్వాతే అతడు ఈ దారుణ హత్యలకు తెగబడ్డాడని హరీశ్ రావు వివరించారు. ఇలాంటి ఘోర నేరస్తులతో కలిసి పోలీసులు మద్యం సేవించారనే ఆరోపణలు రావడం అత్యంత దురదృష్టకరమని ఆయన అన్నారు