Poll News

దురిశెట్టి ధర్మరాజు జీ తెలుగు న్యూస్ (zee telugu news)లో సబ్ ఎడిటర్‌గా పనిచేస్తున్నారు. ఆయనకు దాదాపు జర్నలిజంలో ఐదు సంవత్సరాల పాటు అనుభవం ఉంది. ఇక్కడ సోషల్, ఆస్ట్రాలజీ, టెక్నాలజీ, ఆటోమొబైల్స్‌, బిజినెస్, జాతీయం అంశాలకు సంబంధించిన తాజా వార్తలతో పాటు విశ్లేషణ పూరితమైన కథనాలను అందిస్తారు. అలాగే ఆయనకు వెబ్‌సైట్‌కు సంబంధించిన వీడియో కంటెంట్‌పై కూడా అవగాహన ఉంది.. Narayanpet Dj Death: స్నేహితుడు పెళ్లి వేడుకల్లో ఆ యువకుడు అందరిలాగే ఉత్సాహంగా డాన్స్ చేస్తూ ఉన్నాడు.. చెవులు చిల్లుపడే డిజె సౌండ్స్ మధ్య స్నేహితులతో కలిసి సందడి చేస్తున్నాడు.. కానీ కాసేపట్లోనే ఆ ఆనందం ఆవిరి అయిపోయింది. డిజె సౌండ్ ల తీవ్రతకు గుండెపోటు రావడంతో అక్కడికక్కడే కుప్పకూలి ప్రాణాలు కోల్పోయాడు. ఈ విషాద ఘటన నారాయణపేట జిల్లా కోస్గి మున్సిపాలిటీ పరిధిలో తీవ్ర కలకలం రేపింది. పోతిరెడ్డిపల్లి కి చెందిన దస్తయ్య, లక్ష్మీ దంపతుల కుమారుడు రవితేజ (17) అక్కడే ఉన్న ఓ కాలేజీలో ఇంటర్ చేస్తున్నాడు.. అయితే తనకు ఎంతో ఇష్టమైన స్నేహితుడు ఇంట్లో పెళ్లి వేడుక ఉండడంతో రాత్రి సమయంలో ఎంతో ఉత్సాహంగా అక్కడికి వెళ్లాడు.. వివాహ సంబరాల్లో భాగంగా భారీ శబ్దాలతో డీజేలను కూడా అక్కడ ఏర్పాటు చేశారు. అయితే స్నేహితులందరూ కలిసి ఆ డిజె సౌండ్స్ మధ్య అందరూ కలిసి బాగా డాన్స్ చేస్తున్నారు.. అయితే ఇంతలోనే.. డిజె సౌండ్స్ తాకిడికి ఆ యువకుడు అపస్మారక స్థితిలోకి వెళ్లినట్లు గమనించిన స్నేహితులు తీవ్రభయాందోళనకు గురయ్యారు.. వెంటనే అతడిని చికిత్స నిమిత్తం ప్రభుత్వ ఆసుపత్రికి తరలించారు.. అయితే ఆస్పత్రిలో పరీక్షించిన వైద్యులు.. రవితేజ అప్పటికే తీవ్ర గుండెపోటుతో మరణించినట్లు నిర్ధారణ చేశారు.. చేతికి అందించిన కొడుకు అకాల మరణంతో కానరాని లోకంలోకి వెళ్లడంతో తల్లిదండ్రులు గుండెలవిసేలా రోదిస్తున్నారు. చదువుకొని ఉన్నత స్థాయికి ఎదుగుతాడు అనుకున్న కొడుకు ఇలా విగత జీవిగా మారడాన్ని చూసి తట్టుకోలేకపోతున్నారు

పులివెందుల: వైఎస్సార్‌సీపీ అధినేత, మాజీ ముఖ్యమంత్రి వైఎస్‌ జగన్‌మోహన్‌ రెడ్డి పులివెందుల పర్యటన కొనసాగుతోంది. భాకరాపురం క్యాంప్‌ కార్యాలయంలో ఆయన ప్రజాదర్బార్‌ నిర్వహించారు. వివిధ ప్రాంతాల నుంచి వచ్చిన ప్రజలు తమ సమస్యలు, వినతులను వైఎస్‌ జగన్‌ దృష్టికి తీసుకువచ్చారు. వారి సమస్యలను ఓపికగా విన్న ఆయన, పార్టీ నాయకులతో కూడా మాట్లాడారు. స్థానిక రాజకీయ పరిస్థితులు, పార్టీ కార్యక్రమాలు, రానున్న స్థానిక సంస్థల ఎన్నికల నేపథ్యంలో అనుసరించాల్సిన వ్యూహంపై నాయకులకు వైఎస్‌ జగన్‌ పలు సూచనలు చేశారు. స్థానిక సంస్థల ఎన్నికలను ఛాలెంజ్‌గా తీసుకోవాలని అన్నారు. ఎక్కడా ఏకగ్రీవాలకు అవకాశం ఇవ్వకుండా ప్రతి స్థానంలో పోటీకి సిద్ధం కావాలన్నారు. ప్రభుత్వ వైఫల్యాలను ఎండగట్టాలి ‘‘వైఎస్సార్‌సీపీ పాలనలో ప్రజలకు జరిగిన మేలును ప్రతి ఇంటికీ తీసుకెళ్లాలి. కూటమి ప్రభుత్వ వైఫల్యాలను ప్రజల్లో ఎండగట్టాలి. గ్రామస్థాయి నుంచి పార్టీని మరింత బలోపేతం చేయాలి. ప్రజలతో నిరంతరం మమేకమై వారి సమస్యల పరిష్కారానికి అండగా నిలవాలి. పార్టీ క్యాడర్‌ను సమన్వయం చేసుకుని, గ్రామాలు, వార్డుల వారీగా కార్యాచరణ రూపొందించుకోవాలి. అధికార బలాన్ని అడ్డుపెట్టుకుని ప్రతిపక్షంపై ఒత్తిళ్లు తీసుకురావడం, పోలీసులను ఉపయోగించి బెదిరింపులు, దౌర్జన్యాలకు పాల్పడే ప్రయత్నాలు జరిగితే వాటిని ధైర్యంగా, సంఘటితంగా ఎదుర్కోవాలి. కార్యకర్తలకు పార్టీ అన్ని విధాలుగా అండగా ఉంటుంది. ఎవరూ భయపడాల్సిన అవసరం లేదు. గ్రామ సచివాలయాలు, వాలంటీర్‌ వ్యవస్థ, నాడు–నేడు, ఆరోగ్యశ్రీ విస్తరణ, విద్యా రంగంలో సంస్కరణలు, రైతులు, మహిళలు, విద్యార్థులు, పేదలకు అందించిన సంక్షేమ కార్యక్రమాలను ప్రజల్లోకి విస్తృతంగా తీసుకెళ్లాలి. ప్రజలకు ఇచ్చిన హామీలు, వాగ్దానాలను అమలు చేయకుండా కూటమి ప్రభుత్వం పాలన సాగిస్తోంది. ఎన్నికల సమయంలో చెప్పిన మాటలకు అధికారంలోకి వచ్చిన తర్వాత భిన్నంగా వ్యవహరిస్తోంది. ప్రభుత్వ వైఫల్యాలు, ప్రజలు ఎదుర్కొంటున్న ఇబ్బందులను గ్రామస్థాయి నుంచి ప్రజల్లోకి తీసుకెళ్లాలి. ప్రజల మధ్యే ఉండాలి... వారి సమస్యలపై పోరాడాలి... వైఎస్సార్‌సీపీ పాలనలో వారికి జరిగిన మంచిని గుర్తుచేయాలి. అలా చేస్తే స్థానిక

ఆంధ్రప్రదేశ్‌లో గ్రామపంచాయతీ ఎన్నికల నిర్వహణ దిశగా రాష్ట్ర ఎన్నికల సంఘం అతిపెద్ద కీలక అడుగు ముందుకు వేసింది. రాష్ట్రంలోని 13,278 గ్రామపంచాయతీల పరిధిలోని 1,33,128 వార్డులకు గాను మొత్తం 1,36,326 పోలింగ్ స్టేషన్లతో తుది జాబితాను అధికారికంగా విడుదల చేసింది. జిల్లా కలెక్టర్లు మరియు జిల్లా ఎన్నికల అధికారుల ఆమోదంతో ఈ ప్రక్రియను పూర్తయినట్లు స్పష్టం చేశారు. స్థానిక పోరుకు సంబంధించి అత్యంత ముఖ్యమైన పోలింగ్ కేంద్రాల ప్రక్రియ పూర్తి కావడంతో త్వరలోనే నోటిఫికేషన్ వచ్చే అవకాశం కనిపిస్తోంది. ఈ తుది జాబితా రూపకల్పన వెనుక ఒక స్పష్టమైన టైమ్‌లైన్ మరియు నిబంధనావళిని ఎన్నికల సంఘం పక్కాగా అమలు చేసింది. ఆగస్టు 12న సర్క్యులర్ జారీతో ప్రారంభమైన ఈ ప్రక్రియలో ఆగస్టు 23న డ్రాఫ్ట్ జాబితా వెలువడింది. ఆగస్టు 26 వరకు అందిన అభ్యంతరాలు మరియు సూచనలను పరిశీలించిన తర్వాతే ఈ సెప్టెంబర్ 1న తుది జాబితా ఖరారైంది. ప్రతి వార్డుకు కనీసం ఒక కేంద్రం ఉండేలా ఓటర్ల సంఖ్యకు అనుగుణంగా అదనపు స్టేషన్లను సైతం అధికారులు సిద్ధం చేశారు. 2021లో ఎన్నికైన సర్పంచులు, వార్డు సభ్యుల పదవీకాలం 2026 ఏప్రిల్‌తో ముగియడంతో రాజ్యాంగం ప్రకారం ఎన్నికలు నిర్వహించడం అనివార్యంగా మారింది. దీంతో కొన్ని చోట్ల ఉన్న కోర్టు కేసులు, సరిహద్దుల మార్పులు, పట్టణ పరిధుల విస్తరణ లాంటి అడ్డంకులను దాటుకుంటూ ఈసీ వేగంగా చర్యలు చేపట్టింది. ఇదిలా ఉండగా రాష్ట్ర ఎన్నికల కమిషనర్ అనిల్ చంద్ర పునేతా కలెక్టర్లు మరియు అధికారులతో వరుస సమీక్షలు నిర్వహిస్తూ ఏర్పాట్లను పరుగులు తీస్తున్నారు. పోలింగ్ కేంద్రాల ప్రకటనతో ఇక నోటిఫికేషన్, నామినేషన్ల ప్రక్రియకు మార్గం సుగమమైంది. రాజకీయంగా కూడా స్థానిక పోరు వేడి తీవ్రస్థాయికి చేరింది. ఫలితంగా అధికార టీడీపీ-జనసేన-బీజేపీ కూటమి ప్రభుత్వం ఎన్నికలను త్వరితగతిన పూర్తి చేయాలని భావిస్తుండగా, వైఎస్‌ఆర్‌సీపీ అధినేత జగన్‌మోహన్ రెడ్డి అన్ని స్థానాల్లో పోటీకి కేడర్‌ను సిద్ధం చేస్తున్నారు. ఈ

YS Jagan: స్థానిక సంస్థల ఎన్నికలకు వైఎస్సార్ కాంగ్రెస్ పార్టీ ఇప్పటి నుంచే సన్నద్ధమవుతోంది. ఎన్నికలు ఎప్పుడు వచ్చినా సమర్థవంతంగా ఎదుర్కొనేలా పార్టీ శ్రేణులను సిద్ధం చేయడంపై అధిష్టానం దృష్టి సారించింది. ఇందులో భాగంగా ఈ నెల 25న వైసీపీ అధినేత, మాజీ ముఖ్యమంత్రి వైఎస్ జగన్‌మోహన్‌రెడ్డి 175 నియోజకవర్గాల ఇంచార్జ్‌లతో కీలక సమావేశం నిర్వహించనున్నారు. స్థానిక సంస్థల ఎన్నికల సన్నద్ధతపై నియోజకవర్గ ఇంచార్జ్‌లకు జగన్ దిశానిర్దేశం చేయనున్నారు. ఇదిలా ఉండగా, తాడేపల్లిలోని వైసీపీ కేంద్ర కార్యాలయంలో పార్టీ ముఖ్య నేతలతో స్టేట్ కోఆర్డినేటర్ సజ్జల రామకృష్ణారెడ్డి టెలీకాన్ఫరెన్స్ నిర్వహించారు. రాబోయే నాలుగైదు రోజులు అత్యంత కీలకమని, అర్హులైన ఓట్లు తొలగిపోకుండా పార్టీ శ్రేణులు అప్రమత్తంగా వ్యవహరించాలని ఆయన సూచించారు. 17.29 లక్షల అనుమానాస్పద డూప్లికేట్ ఓట్లపై ప్రత్యేక దృష్టి పెట్టాలని సజ్జల సూచించారు. బూత్ స్థాయిలో ప్రతి ఓటును పరిశీలించాలని, డూప్లికేట్ లేదా బోగస్ ఓట్లు ఉన్నట్లు గుర్తిస్తే వాటిపై అభ్యంతరాలు దాఖలు చేయాలని ఆదేశించారు. అదే సమయంలో అర్హులైన ఓటర్ల ఓట్లు తొలగిపోకుండా అవసరమైన ఫారాలను సమర్పించి వారి ఓట్లను కొనసాగించేలా చూడాలని స్పష్టం చేశారు. 44 లక్షల నోటీసుల అంశంపైనా క్షేత్రస్థాయిలో పూర్తిస్థాయి పరిశీలన చేపట్టాలని సజ్జల పార్టీ నేతలకు సూచించారు. అర్హులైన ఓటర్లకు సంబంధించిన అంశాల్లో అవసరమైన దరఖాస్తులు సమర్పించాలని, చిరునామా మార్పులు, ఇతర ఓటరు వివరాల సవరణలకు అవసరమైన ఫారాలను కూడా దాఖలు చేయాలని చెప్పారు.. అభ్యంతరాలు లేదా దరఖాస్తులు సమర్పించిన ప్రతిసారీ సంబంధిత అధికారుల నుంచి తప్పనిసరిగా రసీదు తీసుకోవాలని సజ్జల సూచించారు. భవిష్యత్ అవసరాల కోసం రసీదులు, సంబంధిత పత్రాలను భద్రపరచుకోవాలని పార్టీ శ్రేణులకు స్పష్టం చేశారు. ఓటర్ల జాబితాలకు సంబంధించిన ప్రధాన ప్రక్రియను ఆగస్టు 27, 28 తేదీల నాటికి పూర్తి చేయాలని సజ్జల ఆదేశించారు. రాష్ట్రానికి, ప్రాంతానికి బయట ఉన్న ఓటర్ల వివరాలపైనా ప్రత్యేక దృష్టి పెట్టాలని సూచించారు. ఈ వ్యవహారంలో

సాధారణ ఎన్నికల్లో ఘోర పరాజయాన్ని మూటగట్టుకున్న వైసీపీ.. స్థానిక సంస్థల ఎన్నికల్లో అయినా నాలుగు సీట్లు దక్కించుకోవాలనే ప్రయత్నంలో ఉంది. అమరావతి, ఆగస్టు 22: 2024 సాధారణ ఎన్నికల్లో ఘోర పరాజయాన్ని మూటగట్టుకున్న వైసీపీ.. స్థానిక సంస్థల ఎన్నికల్లో అయినా నాలుగు సీట్లు దక్కించుకోవాలనే ప్రయత్నంలో ఉంది. ఈ క్రమంలోనే కుట్ర రాజకీయాలకు తెరతీస్తోందన్న ప్రచారమూ జరుగుతోంది. హత్యలు, దాడులనే నమ్ముకుని పాలిటిక్స్ చేస్తోందని వినిపిస్తోంది

ముఖ్యమంత్రి చంద్రబాబు నాయుడు, ఉప ముఖ్యమంత్రి పవన్ కల్యాణ్ సారథ్యంలో రాష్ట్రంలో అధికారలో ఉన్న తెలుగుదేశం- జనసేన- భారతీయ జనతా పార్టీ సంకీర్ణ కూటమి ప్రభుత్వం..స్థానిక సంస్థల ఎన్నికలకు సమాయాత్తమౌతోంది. దీనిపై ఇప్పటికే కూటమి పార్టీలు వేర్వేరుగా సమావేశాలను నిర్వహించాయి. పొత్తులో భాగంగా తమకు దక్కాల్సిన మున్సిపల్ కార్పొరేషన్లు, మున్సిపాలిటీలపై మంతనాలు సాగించాయి.అటు.. వైఎస్ఆర్ కాంగ్రెస్ పార్టీ ఈ ఎన్నికలను ఎదుర్కొనడానికి సన్నద్ధమౌతోంది. అసెంబ్లీ ఎన్నికల్లో 11 నియోజకవర్గాలకే పరిమితమైనప్పటికీ.. రాష్ట్రవ్యాప్తంగా ఉన్న 40 శాతం ఓటు బ్యాంకును నిలుపుకోవడం, అదే స్థాయిలో స్థానిక సంస్థలను గెలుచుకోవడంపై దృష్టి సారించింది. ఇదివరకు నిర్వహించిన ఎన్నికల్లో స్థానిక సంస్థలన్నింటినీ క్లీన్ స్వీప్ చేసింది వైఎస్ఆర్సీపీ. ఇప్పుడు అదే స్థాయిలో పట్టు నిలుపుకోవాలనే ఉద్దేశంతో ఉంది. దీనికి అనుగుణంగా వ్యూహాలను రూపొందించుకుంటోంది.ఇందులో భాగంగా.. వైఎస్ఆర్సీపీ అధినేత వైఎస్ జగన్మోహన్ రెడ్డి ఈ నెల 25వ తేదీన ఓ కీలక సమావేశాన్ని నిర్వహించబోతోన్నారు. ఎమ్మెల్యేలు, ఎమ్మెల్సీలు, 175 నియోజకవర్గాల పార్టీ ఇన్‌ఛార్జ్‌లు, కోఆర్డినేటర్లు హాజరుకానున్నారు. తాడేపల్లి పార్టీ కేంద్ర కార్యాలయం దీనికి వేదిక. స్థానిక సంస్థల ఎన్నికల్లో అనుసరించాల్సిన వ్యూహాలపై చర్చించనున్నారు.చిక్కుల్లో పడ్డ నెతన్యాహు: రెడ్ నోటీస్స్థానిక సంస్థల ఎన్నికలు ఎప్పుడు వచ్చినా వాటిని సమర్థవంతంగా ఎదుర్కొనేందుకు వీలుగా పార్టీ శ్రేణులను కిందిస్థాయి నుంచి సిద్ధం చేయడమే ఈ సమావేశం ప్రధాన ఉద్దేశమని పార్టీ వర్గాలు చెబుతున్నాయి. నియోజకవర్గాల వారీగా పార్టీ ప్రస్తుత పరిస్థితి, భవిష్యత్తులో చేపట్టాల్సిన కార్యక్రమాలపై జగన్ ఇన్‌ఛార్జ్‌లకు స్పష్టత ఇవ్వనున్నారు. టీడీపీ కూటమి ప్రభుత్వానికి ధీటుగా స్థానిక సంస్థలను గెలుచుకోవడంపై దిశానిర్దేశం చేయనున్నారు.హైదరాబాద్ లో జగన్ కు గ్రాండ్ వెల్కమ్: అదే హైలైట్ఈ కీలక భేటీలో నియోజకవర్గాల వారీగా పార్టీ కమిటీలను పునర్వ్యవస్థీకరించడంపైనా చర్చించే అవకాశం ఉన్నట్లు తెలుస్తోంది. పార్టీ పట్ల నిబద్ధతతో పనిచేసే నాయకులకు ప్రాధాన్యత ఇస్తూ, ప్రతికూల పరిస్థితుల్లోనూ అధైర్యపడకుండా పనిచేసేలా క్యాడర్‌లో భరోసా నింపనున్నారు. అధికార కూటమి ప్రజావ్యతిరేక విధానాలపై

ఆంధ్రప్రదేశ్‌లో (Andhra Pradesh) కూటమి ప్రభుత్వం ఏర్పడి రెండేళ్లు దాటుతున్న వేళ స్థానిక సంస్థల ఎన్నికలు మరో కీలక రాజకీయ పరీక్షగా మారుతున్నాయి. ఎన్నికల్లో కలిసి పనిచేయడం ఒక ఎత్తయితే, గ్రామం నుంచి పట్టణం వరకు స్థానిక స్థాయిలో సీట్ల పంపకం మరో ఎత్తు. తెలుగుదేశం పార్టీ (TDP), జనసేన (Jana Sena), భారతీయ జనతా పార్టీ (BJP) కలిసి అధికారంలో ఉన్నప్పటికీ క్షేత్రస్థాయిలో ఆశావహులు ఎక్కువగా ఉండటం సహజమే. అందుకే స్థానిక ఎన్నికల సందర్భంగా పొత్తు పార్టీల మధ్య సమన్వయం ఎలా ఉంటుందన్నదే ఇప్పుడు ప్రధాన చర్చగా మారింది. 2024 ఎన్నికల్లో కూటమి అనుసరించిన సీట్ల పంపకాన్ని యథాతథంగా కొనసాగించేందుకు జనసేన సిద్ధంగా లేదన్న సంకేతాలు కనిపిస్తున్నాయి. ఆ ఎన్నికల తర్వాత జనసేన రాజకీయంగా మరింత విస్తరించిందని ఆ పార్టీ భావిస్తోంది. ముఖ్యంగా గ్రామీణ ప్రాంతాల్లో పార్టీకి కార్యకర్తల సంఖ్య పెరిగిందని, గతంలో పోటీకి అవకాశం రాని ప్రాంతాల్లో కూడా ఇప్పుడు తమకు బలం ఉందని నేతలు అంచనా వేస్తున్నారు. ఈ నేపథ్యంలో స్థానిక సంస్థల్లో తమ వాటాను పెంచుకోవాలని జనసేన భావించడం సహజమే. జనసేన అధినేత పవన్ కల్యాణ్ (Pawan Kalyan) కూడా పార్టీ శ్రేణులకు ఇప్పటికే దిశానిర్దేశం చేస్తున్నట్లు తెలుస్తోంది. కూటమి ఐక్యతను కాపాడుతూనే సంస్థాగతంగా జనసేనను బలోపేతం చేయాలని ఆయన సూచిస్తున్నట్లు పార్టీ వర్గాలు చెబుతున్నాయి. స్థానిక ఎన్నికలను కేవలం పదవుల కోసం జరిగే పోటీగా కాకుండా, భవిష్యత్తు రాజకీయ నిర్మాణానికి పునాదిగా జనసేన చూస్తోంది. ఎన్నో ఏళ్లుగా పార్టీ కోసం పనిచేస్తున్న కార్యకర్తలకు స్థానిక స్థాయిలో అవకాశాలు కల్పించడం ద్వారా వారి నమ్మకాన్ని మరింత పెంచుకోవచ్చని భావిస్తోంది. జనసేనకు 15 నుంచి 20 శాతం వరకు ఓటు బలం ఉందన్న అంచనాలతో, దానికి అనుగుణంగా సీట్ల పంపకం జరగాలని ఆ పార్టీ కోరుకుంటున్నట్లు ప్రచారం జరుగుతోంది. కొన్ని ప్రాంతాల్లో 30 శాతానికి పైగా స్థానాలు అడిగే అవకాశం

రాష్ట్రంలో స్థానిక సంస్థల ఎన్నికలపై రాజకీయ వేడి క్రమంగా పెరుగుతోంది. అక్టోబర్‌లోగా ఎన్నికల ప్రక్రియను పూర్తి చేయాలన్న ప్రభుత్వ ఆలోచనతో గ్రామాలు, పట్టణాల్లో రాజకీయ సమీకరణాలు వేగంగా మారుతున్నాయి. ఇప్పటికే పంచాయతీల పాలకవర్గాల పదవీకాలం ముగియగా, మండల పరిషత్‌లు, జిల్లా పరిషత్‌లు, మున్సిపాలిటీలకు సంబంధించిన కాలపరిమితి కూడా పూర్తికానుంది. ఈ నేపథ్యంలో ముందుగా పట్టణ ప్రాంతాల ఎన్నికలు నిర్వహించే అవకాశం ఉందన్న చర్చ రాజకీయ వర్గాల్లో ఆసక్తి రేపుతోంది. మున్సిపాలిటీలు, నగర పంచాయతీలు, కార్పొరేషన్లలో మేయర్లు, చైర్మన్లను ప్రజలే నేరుగా ఎన్నుకునే విధానాన్ని ప్రభుత్వం తీసుకురావాలని నిర్ణయించడం ఇప్పుడు ప్రధాన చర్చగా మారింది. ఇప్పటివరకు ఉన్న పరోక్ష విధానంతో పోలిస్తే ప్రత్యక్ష ఎన్నికల్లో పరిస్థితులు పూర్తిగా భిన్నంగా ఉండే అవకాశం ఉంది. కౌన్సిలర్లు లేదా కార్పొరేటర్ల మద్దతు కూడగట్టడం కంటే ప్రజల్లో వ్యక్తిగతంగా బలమైన గుర్తింపు, స్థానిక సమస్యలపై అవగాహన, పార్టీకి ఉన్న ఆదరణ కీలకంగా మారుతుంది. ఈ మార్పు అధికార కూటమికి మాత్రమే కాకుండా ప్రతిపక్ష వైఎస్సార్ కాంగ్రెస్ పార్టీ (YSR Congress Party)కి కూడా రాజకీయంగా పరీక్షగా మారనుంది. సాధారణంగా అధికారంలో ఉన్న పార్టీలకు స్థానిక ఎన్నికల్లో కొంత అనుకూలత ఉంటుందని గత అనుభవాలు సూచిస్తున్నాయి. అయితే ప్రత్యక్ష ఎన్నికల విధానం అమలైతే స్థానిక నాయకుల వ్యక్తిగత ప్రభావం కూడా ఫలితాలను నిర్ణయించే అంశంగా మారుతుంది. దీంతో ప్రజలతో నిరంతరం అందుబాటులో ఉండే నాయకులకు అవకాశాలు పెరుగుతాయని రాజకీయ విశ్లేషకులు భావిస్తున్నారు. రాష్ట్రవ్యాప్తంగా 17 కార్పొరేషన్లు, 82 మున్సిపాలిటీలు, 24 నగర పంచాయతీలు కలిపి సుమారు 123 పట్టణ స్థానిక సంస్థల్లో ఎన్నికలు జరిగే అవకాశం ఉందన్న అంచనాలు ఉన్నాయి. ఇంత పెద్ద సంఖ్యలో జరుగుతున్న ఎన్నికలను ప్రతిపక్షం సమర్థవంతంగా వినియోగించుకుంటే రాజకీయంగా మంచి ఫలితం సాధించే అవకాశం ఉంటుంది. ముఖ్యంగా విశాఖపట్నం (Visakhapatnam), విజయవాడ (Vijayawada), రాజమహేంద్రవరం (Rajamahendravaram), తిరుపతి (Tirupati), కర్నూలు (Kurnool), కడప (Kadapa) వంటి ప్రధాన

నగరానికి 33% పీఎం 2.5 ధూళికణాలు పొరుగు దేశం నుంచే.. దిల్లీ: దేశ రాజధాని నగరమైన దిల్లీ వాయు కాలుష్యం కోరల్లో చిక్కుకుపోతుండటానికి పొరుగు దేశమైన పాకిస్థాన్‌ కూడా ఓ ప్రధాన కారణంగా నిలుస్తోంది. నగరవాసులను సతమతం చేసే పీఎం 2.5 ధూళికణాల్లో ఏటా దాదాపు 33% పొరుగు దేశం నుంచే ఇక్కడికి వస్తున్నాయి. పంజాబ్‌లో కాలుష్యానికీ అది ఓ గణనీయ కారణంగా నిలుస్తోంది. ‘బియాండ్‌ స్టేట్‌ బౌండరీస్‌: క్వాంటిఫైయింగ్‌ ఇంటర్‌స్టేట్‌ ఎయిర్‌ పొల్యూషన్‌ ట్రాన్స్‌పోర్ట్‌ అండ్‌ సెక్టోరల్‌ సొల్యూషన్స్‌ ఇన్‌ ది ఇండో-గ్యాంగేటిక్‌ ప్లెయిన్‌’ పేరుతో ‘సెంటర్‌ ఫర్‌ స్టడీ ఆఫ్‌ సైన్స్, టెక్నాలజీ అండ్‌ పాలసీ (సీఎస్‌టీఈపీ)’ తాజాగా విడుదల చేసిన నివేదిక ఈ మేరకు పలు ఆందోళనకర విషయాలను బయటపెట్టింది. నివేదిక ప్రకారం- జాతీయ రాజధాని ప్రాంతం (ఎన్‌సీఆర్‌)లో పీఎం 2.5 ధూళికణాల వార్షిక గాఢత సగటు ఒక్కో క్యూబిక్‌ మీటరుకు 67.9 మైక్రోగ్రాములుగా ఉంది. ఇందులో స్థానిక వనరుల వల్ల వెలువడే ధూళికణాల వాటా కేవలం 28 శాతం. ప్రధానంగా ఇళ్లలో కార్యకలాపాలు, వ్యవసాయ పనులు, రవాణా, పారిశ్రామిక కార్యకలాపాల వల్ల ఈ ధూళికణాలు వెలువడుతున్నాయి. ఇతర రాష్ట్రాల నుంచి 12 శాతం పీఎం 2.5 ధూళికణాలు ఎన్‌సీఆర్‌కు వీస్తున్నాయి. పాక్‌ నుంచి 33 శాతం వస్తున్నాయి. పంజాబ్‌లో పీఎం 2.5 ధూళికణాల వార్షిక గాఢత సగటు ఒక్కో క్యూబిక్‌ మీటరుకు 77.8 మైక్రోగ్రాములుగా ఉంది. ఈ కాలుష్య కణాల్లో దాదాపు 40 శాతం మేర రాష్ట్రానికి పాక్‌ నుంచి వస్తున్నాయి. ఇక స్థానిక కాలుష్యంలో 52 శాతానికి నివాస రంగ కార్యకలాపాలు కారణమవుతున్నాయి. తర్వాతి స్థానానంలో పారిశ్రామిక కార్యకలాపాలు (13.8 శాతం) ఉంటున్నాయి. వ్యవసాయ వ్యర్థాల కాల్చివేత 7.9 శాతం మేర పీఎం 2.5 ధూళికణాల కాలుష్యానికి దారితీస్తోంది. రాజస్థాన్, ఎన్‌సీఆర్‌ల నుంచీ కాలుష్య కణాలు పంజాబ్‌కు వస్తున్నాయి. గమనిక: ఈనాడు.నెట్‌లో కనిపించే వ్యాపార ప్రకటనలు వివిధ

ప్రపంచ నగరాలతో పోటీ పడుతున్న హైదరాబాద్ మరో ఘనతను సొంతం చేసుకుంది. దేశంలోని ప్రధాన మెట్రో నగరాలతో పోలిస్తే హైదరాబాద్‌ క్వాలిటీ ఆఫ్ లైఫ్‌లో ముందంజలో నిలిచింది. అంతర్జాతీయ డేటా సంస్థ నంబియో తాజా సర్వే ప్రకారం.. భారత్‌లోని ప్రముఖ నగరాల్లో హైదరాబాద్‌ అత్యుత్తమ క్వాలిటీ ఆఫ్ లైఫ్‌ స్కోరును సాధించింది. ఐటీ హబ్‌గా పేరున్న బెంగళూరు, దేశ రాజధాని ఢిల్లీ, ఆర్థిక రాజధాని ముంబైని వెనక్కి నెట్టి 171.09 స్కోరుతో భాగ్యనగరం అగ్రస్థానంలో నిలిచింది.హైదరాబాద్‌ జీవన ప్రమాణాల్లో ముందుండటానికి ప్రధాన కారణాల్లో జీవన వ్యయం అందుబాటులో ఉండటం ఒకటిగా సర్వే విశ్లేషణలో తేలింది. ముఖ్యంగా ఢిల్లీ, ముంబై వంటి నగరాలతో పోలిస్తే హైదరాబాద్‌లో ఇళ్ల అద్దెలు, రోజువారీ అవసరాల ఖర్చులు కొంత తక్కువగా ఉంటాయి. దీంతో ఉద్యోగులు తమ ఆదాయంలో ఎక్కువ భాగాన్ని ఇతర అవసరాలు, పొదుపు, జీవనశైలికి వినియోగించుకునే అవకాశం ఉంటుందని సర్వే వెల్లడైంది. ఆదాయానికి వస్తువులు-సేవల ధరలకు మధ్య ఉన్న సమతుల్యత హైదరాబాద్‌ ప్రజలకు అధిక కొనుగోలు శక్తిని కల్పిస్తోందని రిపోర్టులో చెప్పారు.సొంత ఇల్లు, ఫ్లాట్‌ కొనుగోలు విషయంలోనూ హైదరాబాద్‌ ఇతర మెట్రో నగరాల కంటే కొంత అనుకూలంగా ఉందని నివేదిక పేర్కొంటోంది. ఆదాయంతో పోలిస్తే ఇళ్ల ధరల నిష్పత్తి తక్కువగా ఉండటం వల్ల మధ్యతరగతి కుటుంబాలకు సొంతింటి కల సాకారం చేసుకునే అవకాశం మెరుగ్గా ఉందన్నారు. వైద్య సేవలు కూడా హైదరాబాద్‌ నగరాన్ని టాప్ ప్లేస్‌లో నిలిపాయి. నగరంలో ఉన్న సూపర్‌ స్పెషాలిటీ హాస్పిటల్స్, స్పెషలిస్టు డాక్టర్లు, అధునాతన చికిత్సా సదుపాయాలు వివిధ వర్గాల ప్రజలకు వైద్య భరోసాను అందిస్తున్నాయన్నారు. ఐటీ, ఫార్మా, వైద్య రంగాల విస్తరణతో నగరంలో ఉద్యోగ, ఆర్థిక అవకాశాలు కూడా పెరిగాయని చెప్పారు.క్వాలిటీ ఆఫ్ లైఫ్‌ అంటే కేవలం అధిక ఆదాయం మాత్రమే కాదని నంబియో రిపోర్ట్ స్పష్టం చేస్తోంది. ఒక నగరంలో ప్రజలు ఎంత సురక్షితంగా, ఆరోగ్యంగా, ప్రశాంతంగా, సౌకర్యవంతంగా జీవించగలుగుతున్నారనే అంశాలను

ఆంధ్రప్రదేశ్‌ శాసనసభ, శాసనమండలి వర్షాకాల సమావేశాలు నేటితో ముగియనున్నాయి. చివరి రోజు ఉభయ సభల్లో పలు కీలక అంశాలపై చర్చలు, బిల్లుల ఆమోదం, నివేదికల సమర్పణ జరగనున్నాయి. అమరావతి: ఆంధ్రప్రదేశ్‌ శాసనసభ, శాసనమండలి వర్షాకాల సమావేశాలు నేటితో ముగియనున్నాయి. చివరి రోజు ఉభయ సభల్లో పలు కీలక అంశాలపై చర్చలు, బిల్లుల ఆమోదం, నివేదికల సమర్పణ జరగనున్నాయి. ఉభయ సభల్లో జల కాలుష్య నివారణ, నియంత్రణ సవరణ చట్టం-2024ను ఆమోదించాలని కోరుతూ ఉపముఖ్యమంత్రి పవన్‌ కల్యాణ్‌ ఏకగ్రీవ తీర్మానాన్ని ప్రవేశపెట్టనున్నారు. అలాగే, శాసనసభలో ప్రభుత్వం రెండు బిల్లులను ప్రవేశపెట్టి ఆమోదింపజేయనుంది. ఈ మేరకు శాసనసభలో పంచాయతీరాజ్‌ చట్ట సవరణ బిల్లును డిప్యూటీ సీఎం ప్రవేశపెట్టనుండగా.. ఒప్పంద ఉద్యోగుల సేవల క్రమబద్ధీకరణ సవరణ బిల్లును సభ ముందుకు మంత్రి పయ్యావుల కేశవ్‌ తీసుకురానున్నారు. అలాగే, ఉభయ సభల్లో వన్యప్రాణులు, పర్యావరణ పరిరక్షణ కమిటీ నివేదికను ఎమ్మెల్యేలు గొండు శంకరరావు, వేగేశన నరేంద్రవర్మ రాజు ప్రవేశపెట్టనున్నారు. సూపర్‌ సిక్స్‌-ప్రజా సంక్షేమంపై శాసనసభలో స్వల్పకాలిక చర్చ జరగనుంది. మరోవైపు, ఇప్పటికే అసెంబ్లీలో ఆమోదం పొందిన బిల్లులకు నేడు శాసనమండలి ఆమోదం తెలిపే అవకాశం ఉంది. శాసనసభలో ప్రశ్నోత్తరాల సమయంలో ప్రైవేట్‌ నెట్‌వర్క్‌ ఆస్పత్రుల్లో వైద్య సేవల నిలుపుదల, గ్రామ పంచాయతీల్లో నిధుల దుర్వినియోగం, నిరుద్యోగ భృతి, తిరుపతి గ్రామీణ మండలంలో గృహ నిర్మాణాల క్రమబద్ధీకరణ, భీమవరంలోని సమీకృత కలెక్టరేట్‌ కార్యాలయ సముదాయం వంటి అంశాలపై సభ్యులు ప్రశ్నలు సంధించనున్నారు. అన్నదాత సుఖీభవ-పీఎం కిసాన్‌ పథకాల కింద నిధుల మంజూరు, తీరప్రాంతాల్లో మౌలిక సదుపాయాలు, భవ్య పథకం కింద పారిశ్రామిక పార్కులు, ఎరువుల కోసం యాప్స్‌, ప్రాథమిక ఆరోగ్య కేంద్రాలకు సొంత భవనాల నిర్మాణంపైనా మంత్రులు సమాధానాలు ఇవ్వనున్నారు. శాసనమండలిలో పీఎం విద్యాలక్ష్మి పథకం, గోదావరి పుష్కరాలకు నిధులు, కాపు కార్పొరేషన్‌కు నిధులు, విద్యా హక్కు చట్టం, మహిళలకు ఆర్థిక సహాయం వంటి అంశాలపై ప్రశ్నోత్తరాలు జరగనున్నాయి. రాయలసీమ ఎత్తిపోతల

హైదరాబాద్ నగరంలో పర్యావరణ కాలుష్యం రోజురోజుకూ పెరిగిపోతుంది. ఈ క్రమంలో హైదరాబాద్‌లో కాలుష్యాన్ని తగ్గించి హరిత రవాణాను ప్రోత్సహించే దిశగా తెలంగాణ ప్రభుత్వం కొత్త పథకాన్ని ప్రవేశపెట్టింది. తెలంగాణ ఆటోరిక్షా ఎలక్ట్రిక్ కన్వర్షన్ స్కీమ్-2026కు ఈ క్రమంలో రాష్ట్ర మంత్రివర్గం ఆమోదం తెలిపింది. ఈ పథకం ద్వారా హైదరాబాద్ కోర్ అర్బన్ రీజియన్‌లోని పొల్యూషన్ కు కారణం అవుతున్న పెట్రోల్, డీజిల్ ఆటోలను దశలవారీగా ఎలక్ట్రిక్ ఆటోలుగా మార్చనున్నారు.18,766 పాత ఇంధన ఆటోలను ఎలక్ట్రిక్ వాహనాలుగామొదటి దశలో సుమారు 18,766 పాత ఇంధన ఆటోలను ఎలక్ట్రిక్ వాహనాలుగా మార్చాలని రవాణా శాఖ లక్ష్యంగా పెట్టుకుంది. దీని కోసం అర్హులైన ఆటో డ్రైవర్లకు గరిష్ఠంగా రూ.1.50 లక్షల వరకు ఆర్థిక సాయం అందిస్తారు. ఎలక్ట్రిక్ ఆటో పైన లక్షా 50 వేల రూపాయల సబ్సిడీ లభిస్తుంది. ఈ పథకం ద్వారా నగరంలో పొల్యూషన్ తగ్గుతుంది. ఇంధన ధరల భారం నుంచి డ్రైవర్లకు ఉపశమనం లభిస్తుంది.ఎలక్ట్రిక్ ఆటో కన్వర్షన్ కు రూ.1.50 లక్షల సబ్సిడీఇందులో లబ్ధిదారులకు రెండు ఆప్షన్లు అందుబాటులో ఉంచారు. పాత పెట్రోల్ లేదా డీజిల్ ఆటోలో ప్రభుత్వం ఆమోదించిన ఎలక్ట్రిక్ కన్వర్షన్ కిట్ అమర్చుకోవచ్చు. లేదా పాత ఆటోను స్క్రాప్ చేసి కొత్త ఎలక్ట్రిక్ ఆటో కొనుగోలు చేయవచ్చు. రెండు ఆప్షన్లలోనూ రూ.1.50 లక్షల సబ్సిడీ వర్తిస్తుంది. కన్వర్షన్ కిట్ల సాంకేతిక ప్రమాణాలు, వాహన భద్రత, బ్యాటరీ లైఫ్‌పైన కఠిన నిబంధనలు అమలు చేయనున్నారు.16 వారాల కార్యాచరణ ప్రణాళిక రూపొందించిన రవాణా శాఖ ఈ పథకాన్ని పూర్తి పారదర్శకంగా అమలు చేయడానికి రవాణా శాఖ 16 వారాల కార్యాచరణ ప్రణాళిక రూపొందించింది. తొలి 8 వారాల్లో ఆటో యూనియన్లతో అవగాహన సదస్సులు నిర్వహించనుంది. ఆపై ప్రామాణిక కిట్ల తయారీ సంస్థల ఎంపిక, ధరల స్థిరీకరణ జరుగుతాయి. 8వ వారం నాటికి ప్రత్యేక ఆన్‌లైన్ పోర్టల్ అందుబాటులోకి వస్తుంది. దరఖాస్తు, అర్హతల ధ్రువీకరణ, ఆర్‌టీవో వెరిఫికేషన్

ఉత్తర్ ప్రదేశ్ లో ఈ ఏడాది జరిగే అసెంబ్లీ ఎన్నికలు కేంద్రంలో బీజేపీకి చావో రేవో అన్నట్లు మారాయి. కాక్రోచ్ ఉద్యమం తర్వాత దేశంలో మారిన పరిస్ధితుల్లో ఓటర్లు తమవైపే ఉన్నారని చెప్పుకునేందుకు ఈ ఎన్నికలు కీలకంగా మారాయి. ఇందులో గెలిస్తేనే 2029లో జరిగే సార్వత్రిక ఎన్నికల్లో బీజేపీ గెలిచే అవకాశాలు ఉంటాయి. అలా జరగకపోతే మాత్రం బీజేపీ పతనం ప్రారంభమైనట్లే భావించవచ్చు. ఇలాంటి పరిస్ధితుల్లో యూపీ ఓటరు నాడిపై పోల్ ట్రాకర్ నిర్వహించిన ఒపీనియన్ పోల్ (Opinion Poll)లో సంచలన ఫలితాలు వెలువడ్జాయి.విపక్షాలకు అమిత్ షా బంపర్ ఆఫర్..! తోసిపుచ్చిన రాహుల్..!యూపీలో ప్రాంతాల వారీగా పోల్ ట్రాకర్ నిర్వహించిన ఒపీనియన్ పోల్ ఫలితాలను ఇవాళ సాయంత్రం దశల వారీగా ఎక్స్ లో ట్వీట్లు చేస్తోంది. ఇందులో ముందుగా పూర్వాంచల్ ప్రాంతంలోని 133 సీట్లలో నిర్వహించిన సర్వేలో ఇండియా కూటమికి (India Bloc) 73 సీట్లు, ఎన్డీయేకు (NDA)కు 56 సీట్లు దక్కుతాయని తేలింది. బీఎస్పీకి 3 సీట్లు, ఇతరులకు ఒక సీటు దక్కనున్నాయి. అలాగే అవథ్ ప్రాంతంలోని 82 సీట్లలో నిర్వహించిన సర్వేలో ఇండియా కూటమికి 45 సీట్లు, ఎన్డీయే కూటమికి 35 సీట్లు దక్కుతున్నట్లు తేలింది. బీఎస్సీ 2 సీట్లు సాధించే అవకాశం ఉంది. ఈ రెండు ప్రాంతాల్లోనూ ఇండియా కూటమికి 44-49 శాతం ఓట్లు, ఎన్డీయేకు 39-45 శాతం ఓట్లు లభిస్తున్నాయి. Poll Tracker: ఇప్పటికిప్పుడు ఎన్నికలు జరిగితే గెలిచేదెవరు ? తాజా సర్వేలో షాకింగ్ ఫలితాలు..!అలాగే పశ్చిమ యూపీ ప్రాంతంలోని 79 సీట్లలో నిర్వహించిన ఒపీనియన్ పోల్ లో ఇండియా కూటమికి 48 సీట్లు, ఎన్డీయేకు 34 సీట్లు, బీఎస్పీకి రెండు సీట్లు రాబోతున్నట్లు తేలింది. ఇక్కడ కూడా రెండు కూటముల ఓట్ల శాతాల్లో మిగతాప్రాంతాలతో పోలిస్తే ఎలాంటి మార్పూ లేదు.మిగతా ఫలితాలు కాసేపట్లో వెలువడాల్సి ఉంది

Gooty: బేతపల్లి పోలింగ్ స్టేషన్‌ను పరిశీలించిన గుత్తి ఎంపీడీవో ప్రభాకర్! ఈ వార్తకు సంబంధించిన

హరిద్వార్‌: కన్వర్ యాత్ర ముగిసిన తర్వాత హరిద్వార్‌లో భారీ వ్యర్థాల సమస్య తలెత్తింది. ఈ ఏడాది సుమారు 4.8 కోట్ల మంది కన్వర్ యాత్రికులు హరిద్వార్‌ను సందర్శించి, గంగాజలాన్ని సేకరించారు. యాత్ర ముగిసిన అనంతరం, గంగా తీరాలు, మేళా మైదానాల్లో సుమారు 7,000 మెట్రిక్ టన్నుల చెత్త పేరుకుపోయింది. హర్ కీ పౌరీ సహా అనేక ఘాట్ల వద్ద పారిశుధ్య పరిస్థితులు అత్యంత దారుణంగా తయారయ్యాయి. మహిళల కోసం ఏర్పాటు చేసిన డ్రెస్సింగ్ రూముల్లో మూత్రంతో నిండిన సీసాలు, పాత బట్టలు, చెప్పులు, వ్యర్థాల కుప్పలు దర్శనమిచ్చాయి. యాత్రికులు వదిలి వెళ్లిన కన్వర్ పరికరాలు, ఇతర చెత్త వల్ల స్థానికులు తీవ్ర ఇబ్బందులు పడుతున్నారు. సోషల్ మీడియాలో వైరల్ అవుతున్న దృశ్యాలు ఈ అపరిశుభ్రతను కళ్లకు కడుతున్నాయి. ఈ పరిస్థితిని చక్కదిద్దేందుకు మున్సిపల్ కార్పొరేషన్, జిల్లా యంత్రాంగం ఆగస్టు 18 వరకు ప్రత్యేక పారిశుధ్య డ్రైవ్‌ను చేపట్టినట్లు మున్సిపల్ కమిషనర్ నందన్ కుమార్ తెలిపారు. ఈ శుభ్రత పనుల కోసం సుమారు 1,000 మంది ప్రత్యేక పారిశుధ్య కార్మికులను నియమించారు. వ్యర్థాలను తరలించేందుకు 80కి పైగా వాహనాలను సిద్ధం చేశారు. ముందుపెన్నడూ లేని విధంగా, ఈసారి డ్రోన్ కెమెరాల సాయంతో చెత్త పేరుకుపోయిన ప్రాంతాలను గుర్తించి, వెంటనే క్లీనింగ్ సిబ్బందిని పంపే ఏర్పాట్లు చేశారు. అంతేకాకుండా వ్యర్థాలు నిండిన వెంటనే హెచ్చరికలు పంపే ‘సోలార్ సెన్సార్’ డస్ట్‌బిన్‌లను ప్రయోగాత్మకంగా అమర్చారు. స్థానిక స్వచ్ఛంద సంస్థలు క్షేత్రస్థాయిలో పారిశుధ్య పనులను పర్యవేక్షిస్తూ, ప్రజల్లో అవగాహన కల్పిస్తున్నారు. పవిత్రమైన గంగా తీరాలను తిరిగి పరిశుభ్రంగా మార్చేందుకు అధికారులు చర్యలు చేపట్టారు. కర్నూలులో వైఎస్‌ జగన్‌కు జననీరాజనం.. కదం తొక్కిన కార్యకర్తలు (ఫొటోలు) 'అగధ' మూవీ కామాక్షి భాస్కర్ల ఇంటర్వ్యూ స్పెషల్‌ (ఫొటోలు) బాలనటి గ్రీష్మ నేత్రిక ఇప్పుడు ఎలా ఉందో తెలుసా?... ఫోటోలు వైరల్ ‘కొరియన్ కనకరాజు’ సక్సెస్ సెలబ్రేషన్స్‌లో మెరిసిన రితికా నాయక్ (ఫొటోలు) బుడ్జోడి

తెలంగాణలో పోలింగ్ కేంద్రాల పెంపు. మొత్తం 36,353 కేంద్రాలు ఖరారు. ఒకే చోట కుటుంబ ఓట్లు. Polling Stations Increase: తెలంగాణరాష్ట్రంలో ఓటర్ల సౌకర్యాన్ని మెరుగుపరచడం, పోలింగ్ ప్రక్రియను మరింత పారదర్శకంగా మార్చడమే లక్ష్యంగా ఎన్నికల కమిషన్ (ఈసీ) కీలక అడుగు వేసింది. రాష్ట్రవ్యాప్తంగా పోలింగ్ కేంద్రాల హేతుబద్ధీకరణ(Polling Stations Increase) ప్రక్రియకు ఈసీ అధికారికంగా ఆమోదముద్ర వేసింది. ఓటర్లకు సులువుగా అందుబాటులో ఉండేలా, పోలింగ్ రోజు ఎలాంటి ఇబ్బందులు కలగకుండా ఉండేలా అవసరమైన ప్రాంతాల్లో నూతన కేంద్రాలను ఏర్పాటు చేస్తూ తుది నిర్ణయం తీసుకుంది. Lalithaa Jewellery IPO: బంగారం ప్రియులకు, ఇన్వెస్టర్లకు గుడ్ న్యూస్.. లలితా జ్యువెలరీ భారీ ఐపీఓ.. కనీస పెట్టుబడి ఎంతో తెలుసా? 368 నూతన కేంద్రాల పెంపు: ఈ హేతుబద్ధీకరణ ప్రక్రియలో భాగంగా రాష్ట్రవ్యాప్తంగా అదనంగా 368 పోలింగ్ కేంద్రాలను పెంచారు. దీంతో తెలంగాణలో మొత్తం పోలింగ్ కేంద్రాల సంఖ్య 36,353కు చేరుకుంది. జిల్లాల వారీగా పరిశీలిస్తే.. అత్యధికంగా రాజధాని హైదరాబాద్ జిల్లాలోనే 4,094 పోలింగ్ కేంద్రాలను ఏర్పాటు చేయగా, అత్యల్పంగా ములుగు జిల్లాలో 308 కేంద్రాలు మాత్రమే ఉన్నాయి. జనాభా, ఓటర్ల సంఖ్య ఆధారంగా ఈ మార్పులు చేపట్టినట్లు అధికారులు తెలిపారు. ఒకే కేంద్రంలో కుటుంబ ఓట్లు: ఈసారి చేపట్టిన హేతుబద్ధీకరణలో ఓటర్ల కుటుంబాలకు పెద్ద ఉపశమనం లభించింది. గతంలో ఒకే ఇంట్లోని సభ్యులకు వేర్వేరు పోలింగ్ కేంద్రాలు కేటాయించడం వల్ల ఎదురైన ఇబ్బందులను గమనించిన ఈసీ.. కుటుంబసభ్యులందరూ ఒకే పోలింగ్ కేంద్ర పరిధిలో ఓటు వేసేలా మార్పులు, చేర్పులు పూర్తి చేసింది. ఈ నిర్ణయం పట్ల రాష్ట్ర ఓటర్ల నుంచి హర్షం వ్యక్తమవుతోంది

శ్రావణ మాసంలో కన్వర్ యాత్ర ముగిసిన తర్వాత ఉత్తరాఖండ్‌లోని ప్రముఖ పుణ్యక్షేత్రం హరిద్వార్‌లో భారీగా చెత్త పేరుకుపోయింది. ఈ ఏడాది దాదాపు 5 కోట్ల మంది భక్తులు హరిద్వార్‌కు వచ్చారని అధికారులు అంచనా వేస్తున్నారు. ఇంటర్నెట్ డెస్క్: శ్రావణ మాసంలో కన్వర్ యాత్ర ముగిసిన తర్వాత ఉత్తరాఖండ్‌లోని ప్రముఖ పుణ్యక్షేత్రం హరిద్వార్‌లో భారీగా చెత్త పేరుకుపోయింది. ఈ ఏడాది దాదాపు 5 కోట్ల మంది భక్తులు హరిద్వార్‌కు వచ్చారని అధికారులు అంచనా వేస్తున్నారు. యాత్ర ముగిసిన తర్వాత ఘాట్లు, రహదారులు, పార్కింగ్ ప్రాంతాల్లో ప్లాస్టిక్, దుస్తులు, పూజలకు సంబంధించిన సామగ్రి పెద్ద ఎత్తున పేరుకుపోయింది (Haridwar 7000 Tonnes Garbage). కన్వర్ యాత్ర ముగిసిన అనంతరం హరిద్వార్‌లోని వివిధ ప్రాంతాల నుంచి కనీసం 7,000 టన్నుల చెత్తను సేకరించి డంపింగ్ యార్డులకు తరలించినట్లు అధికారులు తెలిపారు. హర్ కీ పౌరీ వద్ద ఉన్న గదుల్లో వదిలిపెట్టిన నీటి సీసాల్లో మూత్రం నింపి ఉండటం కూడా వెలుగులోకి వచ్చింది. వాటిని పారిశుద్ధ్య కార్మికులు చేతి తొడుగులు, మాస్కులు లేకుండానే తొలగిస్తున్న దృశ్యాలు కనిపించాయి. ఈ ఘటన స్థానికుల్లో తీవ్ర ఆగ్రహాన్ని రేకెత్తించింది (Kanwar Yatra Waste). గంగాజలాన్ని సేకరించేందుకు వందల కిలోమీటర్లు ప్రయాణించే భక్తులు, తిరిగి వెళ్లేటప్పుడు అదే పవిత్ర నది పరిసరాలను చెత్తతో నింపడం విచారకరమని స్థానికులు వ్యాఖ్యానిస్తున్నారు (Ganga Pollution). చెత్తను తొలగించేందుకు వందకు పైగా ఘాట్లలో పారిశుద్ధ్య సిబ్బంది రాత్రింబవళ్లు పనిచేస్తున్నారు. ఘాట్లు, పార్కింగ్ ప్రాంతాలు, ప్రధాన రహదారులను శుభ్రం చేసే పనిలో పారిశుద్ధ్య సిబ్బంది నిమగ్నమయ్యారని మున్సిపల్ కమిషనర్ నందన్ కుమార్ తెలిపారు. హరిద్వార్‌లోనే కాకుండా గంగోత్రి ప్రాంతంలో కూడా యాత్రికులు పెద్ద మొత్తంలో చెత్తను వదిలివెళ్లారు. ఎఫ్‌సీఆర్‌ఏ సవరణ బిల్లు జేపీసీకి.. విపక్షాల నిరసనల మధ్య కీలక పరిణామం.. భారత్‌పై వంద శాతం సుంకాలు.. ట్రంప్, మోదీ పరిష్కరించుకుంటారు: అమెరికా ప్రతినిధి

Mancherial: ఓటరు జాబితా సవరణకు పార్టీలు సహకరించాలి: మంచిర్యాల కలెక్టర్! ఈ వార్తకు సంబంధించిన

ఏపీలో ప్రజలకు ముఖ్యమైన గమనిక.. వాహన కాలుష్య నియంత్రణ కోసం కొత్త నిబంధనలు అమల్లోకి వచ్చాయి. వ్యక్తిగత, రవాణా వాహనాలను ఎప్పటికప్పుడు పరీక్షించుకుని పీయూసీసీ (పొల్యూషన్‌ అండర్‌ కంట్రోల్‌ సర్టిఫికేట్) సర్టిఫికెట్ తప్పనిసరిగా తీసుకోవాల్సిందే. ఇకపై వాహనాలు నిబంధను పాటించాలని రవాణాశాఖ అధికారులు సూచిస్తున్నారు. బీఎస్‌ 1 నుంచి బీఎస్ 4 వాహనాలకు సంబంధించిన పీయూసీసీ.. బీఎస్‌ 1, 2, 3, 4 వాహనాలకు ప్రస్తుతం ఆరు నెలలకోసారి తీసుకునేవారు. తాజా నిబంధనల ప్రకారం ప్రతి మూడు నెలలకోసారి పొల్యూషన్‌ టెస్ట్ చేయించి సర్టిఫికెట్ తీసుకోవాలి. బీఎస్‌-4 వాహనాలకు మాత్రం ప్రస్తుతం ఉన్న నిబంధన ప్రకారం ఆరు నెలకోసారి పీయూసీసీ తీసుకోవాలి.బీఎస్‌ 6 బైక్‌లు, కార్లకు ప్రస్తుతం ఏడాదికోసారి పీయూసీసీ తీసుకోవాలి.. ఇకపై మూడేళ్లకు ఒకసారి తీసుకోవాల్సి ఉంటుంది. కొత్తగా వాహనం కొనుగోలు చేసినవారు ఆరేళ్లలో రెండుసార్లు పీయూసీసీ తీసుకోవాల్సి ఉంటుంది. ఆరేళ్ల నుంచి పదేళ్ల వరకు ఏడాదికోసారి టెస్టింగ్ చేయించాలి.. పదేళ్ల తర్వాత ప్రతి ఆరు నెలలకోసారి ఈ సర్టిఫికెట్ తీసుకోవాల్సి ఉంటుంది. లారీలు బస్సులకు సంబధించి కొత్త వాహణాలకు మొదటి రెండేళ్ల పీయూసీసీ ఉంటుంది. ఆ తర్వాత ప్రతి ఏడాది టెస్టింగ్ చేయించేవారు. కొత్త నిబంధనల ప్రకారం కొత్త వాహనాలకు ఆరేళ్ల వరకు ప్రతి రెండేళ్లకోసారి పీయూసీసీ తీసుకోవాలి. ఆ తర్వాత 6 నుంచి 10 ఏళ్ల మధ్య ఏడాదికోసారి.. పదేళ్లు దాటితే ఆరు నెలలకోసారి సర్టిఫికెట్ తీసుకోవాలి.2000లో భారత్‌ స్టేజ్‌ (బీఎస్‌) ప్రమాణాలను తీసుకొచ్చారు. 2000లో తయారైన వాహనాలను బీఎస్‌-1 వాహనాలు.. 2001-05 మధ్య తయారైనవి బీఎస్‌-2 వాహనాలు.. 2005 నుంచి బీఎస్‌-3 వాహనాలు మాత్రమే విక్రయించేలా నిబంధనలు వచ్చాయి. 2010 నుంచి బీఎస్‌-3 వాహనాలు తీసుకొచ్చారు.. దేశంలోని 13 నగరాల్లో బీఎస్‌-4 వాహనాలు మాత్రమే విక్రయించేలా చూశారు. 2017 నుంచి దేశవ్యాప్తంగా బీఎస్‌-4 వాహనాలు రాగా.. బీఎస్-5 వాహనాలు రాలేదు. 2020 ఏప్రిల్‌ నుంచి బీఎస్‌-6 వాహనాలు రాగా