Nri Event News

ఉత్తర అమెరికా తెలుగు సంఘం (తానా) మిడ్ అట్లాంటిక్ ఆధ్వర్యంలో నిర్వహించే కార్యక్రమాల్లో మరో మధురమైన కార్యక్రమం నాన్నతో నడక. ఫాదర్స్ డే ను పురస్కరించుకుని తానా మిడ్ అట్లాంటిక్ సంఘం ఈ వేడుకను జూన్ 21న, పెన్సిల్వేనియాలోని వ్యాలీ ఫోర్జ్ నేషనల్ హిస్టారికల్ పార్క్ లో నిర్వహించింది. తానా మిడ్ అట్లాంటిక్ నిర్వహించిన 40వ వేడుక ఇది. జూలై 2025 నుంచి వరుసగా కార్యక్రమాలను నిర్వహిస్తూ వస్తున్నారు. ఈ కార్యక్రమానికి నాన్నతో నడక పేరుతో నిర్వహించిన కార్యక్రమం ప్రతి ఒక్కరికి నాన్నగారితో తాము గడిపిన మధురక్షణాలను గుర్తుకు తెచ్చేలా సాగింది. ఈ కార్యక్రమంలో తానా అధ్యక్షుడు డా. నరేన్ కొడాలి, తానా బోర్డ్ డైరెక్టర్ రవి పొట్లూరి, తానా మిడ్-అట్లాంటిక్ రీజినల్ రిప్రజెంటేటివ్ ఫణి కంతేటిలతో పాటు, ఈ కార్యక్రమానికి సూచనలు, మార్గదర్శకత్వం చేసిన తానా బెనిఫిట్ కోఆర్డినేటర్ వెంకట్ సింగు కూడా పాల్గొన్నారు. ఈ కార్యక్రమానికి మరో ముఖ్య ఆకర్షణగా ప్రముఖ సినీ నటుడు సుమన్ తల్వార్ గారు నిలిచారు. ముఖ్య అతిథిగా విచ్చేయడంతో ఈ వేడుక మరింత ప్రత్యేకంగా, చిరస్మరణీయంగా నిలిచింది. ఈ సందర్భంగా ఆయన ప్రతి ఒక్కరి జీవితంలో నాన్న ఎలాంటి కీలకమైన పాత్ర పోషించే వారో ఆయన తన మాటలతో తెలియజేశారు. స్ఫూర్తిదాయకమైన ఆయన ప్రసంగం అందరినీ ఎంతగానో ఆకట్టుకుంది. అలాగే ఆయన వచ్చిన తండ్రులతో, పిల్లలతో కలిసి ఫోటోలు దిగటం అందరినీ ఆకర్షించింది. ఈ సాయంత్రాన్ని మరింత ఉత్సాహభరితంగా మారుస్తూ మిమిక్రీ రమేష్ తన పాటలు, ప్రదర్శనలతో అలరించారు. అలాగే, ఈ కార్యక్రమానికి మరింత ప్రేరణను, అర్థాన్ని చేకూర్చేలా మఖ్దూమ్ సయ్యద్, ఉమాకాంత్ గారి స్ఫూర్తిదాయకమైన ప్రసంగాలు కూడా వేడుకకు ప్లస్ పాయింట్లుగా నిలిచాయి. ఈ కార్యక్రమంలో దాదాపు 200 మందికి పైగా తండ్రులు, వారి పిల్లలు ఉత్సాహంగా పాలొన్నారు. ఈ కార్యక్రమ విజయవంతానికి ఎంతో కృషి చేసిన సురేష్ యలమంచిగారికి నిర్వాహకులు హృదయపూర్వక కృతజ్ఞతలు

అమెరికాలో ఘనంగా జరిగిన ‘మన అమెరికన్ తెలుగు అసోసియేషన’ (మాటా) రెండవ మహాసభలలో కమ్యూనిటీ ప్రముఖులు, సేవా కార్యక్రమాల్లో ముందుండే దాము గేదెలను ‘మాటా ఎక్సలెన్స్ అవార్డు’ తో ఘనంగా సత్కరించారు. సమాజ సేవ విభాగంలో ఆయన అందించిన విశిష్ట సేవలకు గుర్తింపుగా ఈ అవార్డును ప్రదానం చేశారు. మహాసభల వేదికపై దాము గేదెల గారిని శాలువాతో సత్కరించి, జ్ఞాపికను అందజేశారు. ఈ వేదికపై అýనాటి సినీనటి జయప్రద, సినీనటి ఐశ్వర్యరాజేశ్, ప్రదీప్, మాటా నాయకులు శ్రీనివాస్ గనగోని, ప్రదీప్ సామల, శ్రీధర్ గుడాల ఉన్నారు. ఈ సందర్భంగా దాము గెదెల చేసిన సామాజిక, సాంస్కృతిక రంగాలలో చేసిన సేవలను కొనియాడారు. జన్మభూమి ప్రగతికోసం ఆయన తనవంతుగా ఎన్నో సేవలను అందించారు. ఆయన సేవలకు గాను ఎన్నో పురస్కారాలను కూడా పొందారు. గతంలో ఐదు ప్రతిష్టాత్మక జీవితకాల సాఫల్య పురస్కారాలు, ‘గాన గంధర్వ’ అవార్డు, 25కు పైగా కమ్యూనిటీ అవార్డులు, డాక్టర్ అక్కినేని పురస్కారం మరియు ప్రతిష్టాత్మకమైన ‘ఎడిసన్ మేయర్ ప్రెసిడెన్షియల్ అవార్డు’లను ఆయన అందుకున్నారు. తెలుగు భాష, సంస్కృతుల పరిరక్షణతో పాటు సమాజ శ్రేయస్సు కోసం నిరంతరం శ్రమిస్తూ, తెలుగు జాతికి గర్వకారణంగా నిలిచిన దాము గేదెల గారిని ‘మాటా’ వేదికపై సత్కరించడం పట్ల పలువురు ప్రముఖులు ప్రశంసలు కురిపించారు. ఈ వేడుకకు పెద్ద సంఖ్యలో ప్రవాస భారతీయులు, తెలుగు ప్రముఖులు హాజరయ్యారు. Click here for Photogallery

ఉత్తర అమెరికా తెలుగు సంఘం (తానా) ఛార్లెట్ విభాగం ఆధ్వర్యంలో వివిధ సేవా కార్యక్రమాలను నిర్వహిస్తున్న సంగతి తెలిసిందే. తెలుగు కమ్యూనిటీతోపాటు, అమెరికా కమ్యూనిటీకి కూడా తానా నాయకులు సేవలను అందిస్తున్నారు. ఇందులో భాగంగా ఛార్లెట్ లోని తానా నాయకులు పైన్ విల్ లోని చర్చికి ఫుడ్ డొనేషన్ చేశారు. తానా నాయకులు అంతా కలిసికట్టుగా 75 బ్యాగుల నిత్యావసర సరుకులను, అలాగే 400 ఫుడ్ కాన్స్ ను విరాళంగా సేకరించి అందించింది. ఈ సందర్భంగా చర్చి నిర్వాహకులు తానా నాయకులకు తమ హృదయపూర్వక కృతజ్ఞతలు తెలియజేశారు. ఈ ఉదారమైన విరాళం ఎంతోమంది పేద కుటుంబాల ఆకలి తీర్చడానికి సహాయపడుతుందని వారు పేర్కొన్నారు. ఈ కార్యక్రమాన్ని ఇంతటి విజయవంతం చేసిన ఛార్లెట్ లోని తానా బృందాన్ని తానా అధ్యక్షుడు నరేన్ కొడాలి, ఇవిపి శ్రీనివాస లావు తదితరులు అభినందించారు. ఈ సందర్భంగా ఛార్లెట్ లోని తానా నాయకులు మాట్లాడుతూ, ఈ కార్యక్రమ విజయవంతానికి సహకరించినప్రతి ఒక్క దాతకు, వాలంటీర్‌కు మరియు శ్రేయోభిలాషులకు ప్రత్యేక ధన్యవాదాలు తెలియజేశారు. ఈ కార్యక్రమాన్ని నాగ పంచుమర్తి, ఠాగూర్ మల్లినేని, రవి (నాని) వడ్లముడి, మాధురి ఏలూరి, కిరణ్ కొత్తపల్లి ఆధ్వర్యంలో జరిపారు