Died News

దార్ల హరీశ్.. జీ తెలుగు న్యూస్‌లో సీనియర్ కంటెంట్ ఎడిటర్‌గా పనిచేస్తున్నాను. నా 8 ఏళ్ల అనుభవంలో ఈనాడు వంటి ప్రముఖ దినపత్రికతో పాటు ఈటీవీ భారత్‌‌లో పనిచేశాను. 2025 నుంచి ఎంటర్‌టైన్మెంట్, బిజినెస్, టెక్నాలజీ, హెల్త్, క్రీడలు, రాజకీయాలు వంటి వాటికి సంబంధించిన వార్తలు రాస్తున్నారు. గతంలో ప్రముఖ మీడియా సంస్థల్లో పనిచేసిన అనుభవం కలదు. Vizag School Tragedy News: విశాఖపట్నంలో తీవ్ర విషాదం చోటుచేసుకుంది. నగరంలోని వన్‌ టౌన్‌ పరిధిలోని లిటిల్ గార్డెన్ స్కూల్‌ అనే ప్రైవేట్ పాఠశాలలో దారుణమైన ఘటన జరిగింది. టీచర్ దెబ్బలను తట్టుకోలేక ఆరేళ్ల బాలుడు మృతి చెందినట్లు సమాచారం. హోంవర్క్ చేయలేదనే కారణంతో ఉపాధ్యాయురాలు కొట్టడం వల్లే తమ బిడ్డ ప్రాణాలు కోల్పోయాడని కుటుంబ సభ్యులు ఆరోపిస్తున్నారు. బాధ్యులపై కఠిన చర్యలు తీసుకోవాలని స్థానికులు డిమాండ్ చేస్తున్నారు. అసలు కారణం ఇదే? చిన్నారి ప్రణయ్ గుండెపోటుతో చనిపోయినట్లు వార్తలు వచ్చిన నేపథ్యంలో ఎన్టీఆర్ వర్సిటీకి చెందిన వైస్ ఛాన్స్‌లర్ చంద్రశేఖర్ మాట్లాడారు. తీవ్ర ఒత్తిడితో గుండె అకస్మాత్తుగా ఆగిపోతుందని..గతంలో ఎంసెట్ విద్యార్థులకు ఇలా జరిగిందని చెప్పారు. ప్రణయ్ తీవ్ర ఒత్తిడికి గురికావడం వల్ల గుండె ఎలక్ట్రికల్ షట్‌డౌన్ అయి చనిపోయి ఉండొచ్చని ఆయన వెల్లడించారు. టీచర్లు పిల్లలతో సున్నితంగా మాట్లాడాలని చంద్రశేఖర్ సూచించారు. ఏం జరిగిందంటే..? విశాఖపట్నం వన్‌ టౌన్‌ పరిధిలోని లిటిల్ గార్డెన్ స్కూల్‌ లో ప్రణయ్ తేజ అనే బాలుడు యూకేజీ చదువుతున్నాడు. అయితే క్లాస్‌ రూమ్ లో టీచర్ అందరి హోంవర్క్‌ ను పరిశీలిస్తున్నారు. ఈ క్రమంలో ప్రణయ్ తేజను హోంవర్క్‌ చేయలేదని ఉపాధ్యాయురాలు బెదిరించారు. దాంతో భయపడిపోయిన ప్రణయ్.. కొట్టొద్దు అంటూ విలపించాడు. అయినా ఆ ఉపాధ్యాయురాలు బాలుడి చెంపపై కొట్టింది. దాంతో బెదిరిపోయిన బాలుడు.. క్లాస్ రూమ్ లోనే స్పృహ కోల్పోయాడు. ఇందుకు సంబంధించిన దృశ్యాలు సీసీటీవీల్లో రికార్డు అయ్యాయి. వెంటనే బాలుడ్ని కేజీహెచ్ కు తరలించారు

Fire Accident : పశ్చిమ బెంగాల్‌ రాజధాని కోల్‌కతాలో ఘోర అగ్నిప్రమాదం చోటుచేసుకుంది. నగరంలోని ఫ్రీ స్కూల్‌ స్ట్రీట్‌ ప్రాంతంలోని ఓ హోటల్‌లో బుధవారం తెల్లవారుజామున భారీగా మంటలు చెలరేగాయి. ఈ ఘటనలో తొమ్మిది మంది ప్రాణాలు కోల్పోగా.. మరో ఆరుగురు గాయపడ్డారు. మృతుల్లో చిన్నారులు కూడా ఉన్నట్లు సమాచారం. ఈ ఘటనతో ఆ ప్రాంతంలో తీవ్ర విషాదం నెలకొంది. మిర్జా గాలిబ్ స్ట్రీట్‌లోని ఓ హోటల్‌లో అర్ధరాత్రి దాటిన తరువాత రాత్రి 2గంటల సమయంలో ఒక్కసారిగా మంటలు వ్యాపించాయి. మంటలు వేగంగా విస్తరించడంతో హోటల్‌లో ఉన్నవారు తీవ్ర భయాందోళనలకు గురయ్యారు. అగ్నిప్రమాదం కారణంగా ఆ ప్రాంతంలో దట్టమైన పొగ కమ్ముకుంది. దీంతో పొగ పీల్చుకోవడంతో పలువురు స్పృహ కోల్పోయి పడిపోయారు. సమాచారం అందుకున్న అగ్నిమాపక సిబ్బంది ఘటనా స్థలానికి చేరుకుని సహాయక చర్యలు చేపట్టారు. ప్రమాదంలో గాయపడిన ఆరుగురిని చికిత్స కోసం ఆసుపత్రికి తరలించారు. ఈ ఘటనలో తొమ్మిది మంది ప్రాణాలు కోల్పోగా.. మృతుల్లో బంగ్లాదేశ్ పౌరులు కూడా ఉన్నట్లు సమాచారం. ప్రాథమిక సమాచారం ప్రకారం ఎయిర్‌ కండిషనర్‌ పేలుడు కారణంగానే మంటలు చెలరేగి ఉండొచ్చని అధికారులు అనుమానిస్తున్నారు. అయితే ప్రమాదానికి అసలు కారణం ఏమిటనేది ఇంకా అధికారికంగా నిర్ధారించాల్సి ఉంది. ఘటనపై దర్యాప్తు కొనసాగుతోంది. అగ్నిప్రమాదం ఎలా జరిగింది? హోటల్‌లో అగ్నిమాపక భద్రతా ప్రమాణాలు పాటించారా? అనే అంశాలపై అధికారులు దర్యాప్తు చేస్తున్నారు

క్రికెట్‌ను సాధారణంగా సురక్షితమైన క్రీడగానే భావిస్తాం. కానీ గంటకు 140 కిలోమీటర్లకుపైగా వేగంతో దూసుకొచ్చే బంతి శరీరంలోని కీలక భాగాలకు తగిలితే ప్రాణాంతకంగా మారొచ్చు. చారిత్రక రికార్డులు, వైద్య అధ్యయనాల ప్రకారం శతాబ్దాలుగా క్రికెట్‌ ఆడుతూ బంతి తాకిడితో పలువురు ప్రాణాలు కోల్పోయారు. ఆస్ట్రేలియాలో నిర్వహించిన ఒక చారిత్రక అధ్యయనం ప్రకారం 1858 నుంచి 2016 మధ్య మొత్తం 174 క్రికెట్‌ సంబంధిత మరణాలు నమోదయ్యాయి. ఫిలిప్ హ్యూస్‌.. ప్రపంచాన్ని కుదిపేసిన విషాదం క్రికెట్‌ బంతి తాకిడితో జరిగిన అత్యంత విషాదకర ఘటనల్లో ఆస్ట్రేలియా క్రికెటర్‌ ఫిలిప్ హ్యూస్‌ మరణం ఒకటి. 2014లో దేశవాళీ మ్యాచ్‌లో సీన్ అబాట్ వేసిన బౌన్సర్‌ అతని మెడ భాగంలో బలంగా తగిలింది. వెన్నుపూస సమీపంలోని రక్తనాళానికి తీవ్రమైన గాయం కావడంతో హ్యూస్‌ ఆసుపత్రిలో చికిత్స పొందుతూ కొన్ని రోజుల తర్వాత మరణించాడు. ఈ ఘటన తర్వాత బ్యాటర్ల భద్రతపై క్రికెట్‌ ప్రపంచంలో పెద్ద చర్చ మొదలైంది. ముఖ్యంగా హెల్మెట్ల డిజైన్‌, మెడ రక్షణకు సంబంధించిన పరికరాలపై మరింత దృష్టి పెట్టారు. రమణ్ లాంబా.. ఫీల్డింగ్‌లోనే ప్రాణాలు కోల్పోయాడు ఫిబ్రవరి 23, 1998న భార‌త క్రికెట్‌లో తీవ్ర విషాదం చోటు చేసుకుంది. 38 ఏళ్ల వ‌య‌స్సులో టీమిండియా కీల‌క ఆట‌గాడు రామ‌న్ లాంబా ప్రాణాలు విడిచారు. 1998లో బంగ్లాదేశ్‌లోని ఢాకాలో జరిగిన క్లబ్ మ్యాచ్ యావత్తు క్రికెట్ ప్రపంచాన్ని దిగ్భ్రాంతికి గురిచేసింది. అప్పటిలో చాలా మంది భారత క్రికెటర్లు బంగ్లాదేశ్ దేశవాళీ క్రికెట్‌లో ఆడేవారు. ఈ క్రమంలో ఢాకా ప్రీమియర్ డివిజన్ లీగ్‌లో అబహానీ క్రిరా చక్రకు ప్రాతినిధ్యం వహించిన లాంబా.. మహమ్మదన్ స్పోర్టింగ్ క్లబ్‌తో జరిగిన ఫైనల్‌ మ్యాచ్‌లో అకాల మరణం చెందారు. రామన్ లాంబా సిల్లీ పాయింట్ వద్ద ఫీల్డింగ్ చేస్తుండగా.. ప్రత్యర్ధి జట్టు బ్యాటర్ మెహ్రబ్ హుస్సేన్ భారీ షాట్ కొట్టాడు. ఈ క్రమంలో బంతి బలంగా సిల్లీ పాయింట్‌లో ఉన్న లాంబాకు తాకి

ఉన్నత చదువుల కోసం అమెరికా వెళ్లి ఉద్యోగం సాధించిన యువకుడు ప్రాణాలు కోల్పోయారు. తిరుపతి జిల్లా చిట్వేలి మండలం జెట్టివారిపల్లెకు చెందిన శ్రీహరి, చాముండి దంపతుల కుమారుడు దిలీప్ కుమార్‌ అమెరికాలోని కెంట్ స్టేట్ యూనివర్శిటీలో చదువుకుంటున్న దిలీప్ ఐదు నెలల క్రితం సాఫ్ట్‌వేర్ ఉద్యోగంలో చేరారు. ఒహాయో రాష్ట్రంలోని క్లీవ్‌లాండ్‌లో నివసిస్తున్న దిలీప్‌ కుమార్ శనివారం రోజు స్నేహితుడిని ఎయిర్‌పోర్టు‌లో వదిలేసి తిరుగు ప్రయాణం అయ్యారు. మెస్‌డోనియా ఓహెచ్‌ దగ్గర దిలీప్ కుమార్ ప్రయాణిస్తున్న కారును ఎదురు నుంచి వేగంగా వచ్చిన పికప్‌ ట్రక్‌ ఢీకొట్టింది. ఈ ప్రమాదంలో దిలీప్ కుమార్ ప్రాణాలు కోల్పోయారు.దిలీప్ కుమార్‌ మరణంపై కుటుంబసభ్యులకు సమాచారం రాగా.. సొంత ఊరిలో విషాదచాయలు అలముకున్నాయి. తల్లిదండ్రులు తీవ్ర విషాదంలో ఉన్నారు. రోడ్డు ప్రమాదంలో దిలీప్ మరణంపై న్యూయార్క్‌లోని భారత రాయబార కార్యాలయం తీవ్ర విచారం వ్యక్తం చేసింది. ఇలాంటి క్లిష్ట సమయంలో బాధిత కుటుంబానికి తోడుగా ఉంటామని.. దిలీప్‌ కుటుంబీకులతో సంప్రదింపులు జరుపుతున్నామని తెలిపారు. న్యూయార్క్‌లోని భారత రాయబార కార్యాలయం వారికి అవసరమైన సాయం అందిస్తోందన్నారు.శ్రీహరి, చాముండిలది మధ్యతరగతి వ్యవసాయ కుటుంబం.. వీరికి ఇద్దరు కుమారులు. పెద్దకొడుకు దిలీప్ కుమార్‌ను ఉన్నత చదువుల కోసం మూడేళ్ల క్రితం అమెరికా పంపారు. అమెరికాలో చదివి ఉద్యోగం కూడా వచ్చింది.. ఇంతలోనే కొడుకు మరణించడంతో తల్లిదండ్రులు తీవ్ర విషాదంలో ఉన్నారు. శని, ఆదివారాలు సెలవులు కావడంతో దిలీప్ కుమార్‌ మృతదేహాన్ని సొంత ఊరికి పంపించడానికి కొంత సమయం పడుతుందని భావిస్తున్నారు. ఇటీవల కాలంలో అమెరికాలో జరిగిన రోడ్డు ప్రమాదంలో తెలుగు రాష్ట్రాలకు చెందిన ఎంతోమంది విద్యార్థులు, ఐటీ ఉద్యోగులు ప్రాణాలు కోల్పోతున్నారు. జులైలో జరిగిన వేర్వేరు రోడ్డు ప్రమాదాలలో తెలంగాణకు చెందిన పలువురు ప్రాణాలు కోల్పోయారు. గత నెలలో అమెరికాలోని కాలిఫోర్నియాలో జరిగిన ఘోర రోడ్డు ప్రమాదం తీవ్ర విషాదాన్ని నింపింది. ఈ ప్రమాదంలో హైదరాబాద్‌కు చెందిన ఒకే కుటుంబంలోని ముగ్గురు చనిపోయారు