Central Tribal University News

నాణ్యమైన విద్య సమాజంలోని ప్రతి వర్గానికి చేరాలి అన్ని ప్రాంతాలు అభివృద్ధి చెందితేనే వికసిత్ భారత్ కల సాకారం స్వయంకృషితో రాష్ట్రపతిగా ఎదిగిన వ్యక్తి ద్రౌపది ముర్ము గారు విద్యార్థులను భవిష్యత్ నాయకులుగా తీర్చిదిద్దుతాం విశాఖలో కేంద్రీయ గిరిజన విశ్వవిద్యాలయం స్నాతకోత్సవంలో మంత్రి లోకేష్ విశాఖపట్నం: ప్రజల జీవితాల్లో మార్పు తీసుకురావడమే అసలైన విద్య అని, నాణ్యమైన విద్య సమాజంలోని ప్రతి వర్గానికి చేరాలని విద్య, ఐటీ శాఖల మంత్రి నారా లోకేష్ పేర్కొన్నారు. విశాఖ నోవాటెల్ హోటల్ లో జరిగిన కేంద్రీయ గిరిజన విశ్వవిద్యాలయం తొలి స్నాతకోత్సవంలో మంత్రి లోకేష్ పాల్గొన్నారు. ఈ వేడుకకు రాష్ట్రపతి శ్రీమతి ద్రౌపది ముర్ము, కేంద్ర విద్యాశాఖ మంత్రి ధర్మేంద్ర ప్రధాన్, ఏపీ గవర్నర్ అబ్దుల్ నజీర్ ముఖ్య అతిథులుగా హాజరయ్యారు. ఈ సందర్భంగా మంత్రి నారా లోకేష్ మాట్లాడుతూ.. ప్రతి తరం ఒక దేశాన్ని వారసత్వంగా స్వీకరిస్తుంది. కానీ ఆ తరం దేశాన్ని ఎలా వదిలి వెళ్తుందో నిర్ణయించేది విద్య. అందుకే విశ్వవిద్యాలయాలు కేవలం డిగ్రీలు అందించే విద్యాసంస్థలు మాత్రమే కావు... అవి కలలకు రూపమిస్తాయి, ఆత్మవిశ్వాసాన్ని పెంపొందిస్తాయి, నాయకులను తీర్చిదిద్దుతాయి, తరాల భవిష్యత్తును మార్చేస్తాయి. ఈ రోజు కేవలం ఆంధ్రప్రదేశ్ సెంట్రల్ ట్రైబల్ యూనివర్సిటీ తొలి స్నాతకోత్సవం మాత్రమే కాదు... ఇది అవకాశాల, సమ్మిళిత అభివృద్ధి వేడుక. నాణ్యమైన విద్య దేశంలోని ప్రతి మూలకు, సమాజంలోని ప్రతి వర్గానికి చేరాలనే విశ్వాసానికి ప్రతీకగా నిలిచే వేడుక. అన్ని ప్రాంతాలు అభివృద్ధి చెందితేనే వికసిత్ భారత్ కల సాకారం అన్ని ప్రాంతాలు అభివృద్ధి చెందితేనే, అన్ని వర్గాలు భాగస్వామ్యం అయితేనే వికసిత్ భారత్ కల సాకారమవుతుంది. గిరిజన ప్రాంతాల్లోని విశ్వవిద్యాలయాలు కేవలం విద్యా కేంద్రాలు మాత్రమే కావు... అవి సామాజిక పరివర్తనకు, సమాన అవకాశాలకు మార్గదర్శకాలు. ఒక కుటుంబంలో తొలి తరం విద్యార్థి పట్టభద్రుడైతే... ఆ కుటుంబం మొత్తం ముందుకు సాగుతుంది. దీంతో పాటు దేశం

దేశాన్ని వికసిత భారత్‌గా మార్చే అద్భుత లక్ష్య సాధనలో నవతరానికి చెందిన యువతదే అత్యంత కీలకమైన పాత్ర అని భారత రాష్ట్రపతి ద్రౌపది ముర్ము స్పష్టం చేశారు. విద్య, స్వీయ సాధికారతలే యువతకు శ్రీరామరక్ష అని ఆమె పేర్కొన్నారు. విశాఖపట్నంలో మంగళవారం అత్యంత వైభవంగా నిర్వహించిన కేంద్రీయ గిరిజన విశ్వవిద్యాలయం (సెంట్రల్ ట్రైబల్ యూనివర్సిటీ ఆఫ్ ఆంధ్రప్రదేశ్) ప్రథమ స్నాతకోత్సవ వేడుకలకు ఆమె ముఖ్య అతిథిగా విచ్చేశారు. ఈ చారిత్రాత్మక వేడుకలో పట్టాలు అందుకున్న విద్యార్థి లోకాన్ని ఉద్దేశించి ప్రథమ పౌరురాలు స్ఫూర్తిదాయక ప్రసంగం చేశారు. సాంకేతిక రంగంలో వస్తున్న సమూల మార్పులను అందిపుచ్చుకుంటూనే, మన మూలాలు మరిచిపోకుండా గిరిజన సంస్కృతీ సంప్రదాయాలను, గొప్ప వారసత్వాన్ని రక్షించుకోవాల్సిన బాధ్యత నేటి తరంపై ఉందన్నారు. తొలి స్నాతకోత్సవంలో భాగంగా విద్యార్థులకు, శ్రమించిన అధ్యాపక బృందానికి, చేదోడుగా నిలిచిన తల్లిదండ్రులకు ఆమె హృదయపూర్వక అభినందనలు తెలిపారు. ఈ విద్యా సంస్థ సాధించిన ప్రగతిపై రాష్ట్రపతి ముర్ము హర్షం వ్యక్తం చేస్తూ.. ఇక్కడ డిగ్రీలు పొందిన వారిలో సుమారు 40 శాతం మంది, బంగారు పతకాలు కైవసం చేసుకున్న వారిలో ఏకంగా 70 శాతం మంది విద్యార్థినులే ఉండటం ఒక అద్భుత పరిణామమన్నారు. ఈ ఫలితాలు దేశంలో మహిళా సాధికారతకు, విద్యా రంగంలో లింగ సమానత్వానికి అద్దం పడుతున్నాయని కొనియాడారు. గిరిజన విశ్వవిద్యాలయాల ప్రాధాన్యతను వివరిస్తూ.. ఇవి కేవలం సర్టిఫికెట్లు ఇచ్చే సాధారణ విద్యా కేంద్రాలుగా మాత్రమే మిగిలిపోకూడదని హితవు పలికారు. సమాజంలో వెనుకబడిన వర్గాలకు ఆత్మవిశ్వాసం కల్పించి, వారిలో సరికొత్త నాయకత్వ లక్షణాలను పెంపొందించే అద్భుత కేంద్రాలుగా రూపాంతరం చెందాలని ఆకాంక్షించారు. ముఖ్యంగా క్షేత్రస్థాయిలో ఆరోగ్యం, ఉపాధి, అటవీ హక్కుల పరిరక్షణ వంటి అంశాలపై ఇటువంటి సంస్థలు ప్రత్యేక శ్రద్ధ పెట్టాలని సూచించారు. విద్యార్థి జీవితంలో స్నాతకోత్సవం అనేది ఒక కీలకమైన మైలురాయి అని, ఇది కేవలం సంబరాల రోజు మాత్రమే కాకుండా దేశ భవిష్యత్తు కోసం

విద్యార్థులకు పట్టాలు ప్రదానం చేసిన రాష్ట్రపతి ద్రౌపది ముర్ము.. విశాఖపట్నం నగరంలో కేంద్రీయ గిరిజన విశ్వవిద్యాలయం (సెంట్రల్ ట్రైబల్ యూనివర్సిటీ) మొదటి స్నాతకోత్సవ వేడుకలు అత్యంత వైభవంగా జరిగాయి. ఈ చారిత్రాత్మక కార్యక్రమానికి భారత రాష్ట్రపతి ద్రౌపది ముర్ము ముఖ్య అతిథిగా విచ్చేశారు. ఉన్నత విద్యను విజయవంతంగా పూర్తి చేసిన గిరిజన విద్యార్థులను ఆమె అభినందిస్తూ, వారి ఉజ్వల భవిష్యత్తుకు దిశానిర్దేశం చేశారు. ఈ ఘనమైన వేడుకలో రాష్ట్రపతి చేతుల మీదుగా మొత్తం 373 మంది డిగ్రీ, పోస్ట్ గ్రాడ్యుయేషన్ (పీజీ) విద్యార్థులకు పట్టాలను అందజేశారు. వివిధ కోర్సుల్లో అద్భుతమైన విద్యా ప్రతిభ కనబరిచిన 13 మంది ప్రతిభావంతులైన విద్యార్థులకు ఆమె బంగారు పతకాలను (స్వర్ణ పతకాలు) బహూకరించి ప్రత్యేకంగా అభినందించారు. స్నాతకోత్సవ సభలో రాష్ట్రపతి ముర్ముతో పాటు రాష్ట్ర గవర్నర్ జస్టిస్ అబ్దుల్ నజీర్, కేంద్ర విద్యాశాఖ మంత్రి ధర్మేంద్ర ప్రధాన్ పాల్గొన్నారు. అలాగే ఆంధ్రప్రదేశ్ ప్రభుత్వం తరఫున విద్యాశాఖ మంత్రి నారా లోకేశ్, హోంమంత్రి వంగలపూడి అనిత, గిరిజన సంక్షేమ శాఖ మంత్రి గుమ్మడి సంధ్యారాణి ఈ వేడుకలో భాగస్వామ్యులయ్యారు. విశ్వవిద్యాలయ ఉపకులపతి (వైస్ ఛాన్స్ లర్) కట్టమణి, రిజిస్ట్రార్ జితేంద్ర మోహన్ కార్యక్రమ ఏర్పాట్లను పర్యవేక్షించారు. అంతకుముందు, ఈ ప్రతిష్టాత్మక కార్యక్రమంలో పాల్గొనేందుకు ప్రత్యేక విమానంలో విశాఖపట్నం ఎయిర్‌పోర్టుకు చేరుకున్న రాష్ట్రపతి ద్రౌపది ముర్ముకు ఏపీ ప్రభుత్వం ఘన స్వాగతం పలికింది. గవర్నర్ అబ్దుల్ నజీర్, శాసనసభ స్పీకర్ చింతకాయల అయ్యన్నపాత్రుడు, మంత్రులు నారా లోకేశ్, అనిత తదితరులు విమానాశ్రయంలో ఆమెకు పుష్పగుచ్ఛాలు అందించి సాదరంగా ఆహ్వానించారు. రాష్ట్రపతి రాకపై మంత్రి నారా లోకేశ్ సామాజిక మాధ్యమాల వేదికగా స్పందించారు. "గౌరవనీయులైన భారత రాష్ట్రపతి ద్రౌపది ముర్ము గారికి విశాఖపట్నంలో స్వాగతం పలకడం తనకు దక్కిన గొప్ప గౌరవంగా భావిస్తున్నాను. ఆంధ్రప్రదేశ్ పుణ్యభూమికి విచ్చేసిన మీకు హృదయపూర్వక సుస్వాగతం" అంటూ లోకేశ్ ఎక్స్ (ట్విట్టర్) ఖాతాలో ట్వీట్ చేశారు. రాష్ట్ర

దేశ నిర్మాణంలో విద్యావంతులైన యువతదే అత్యంత కీలక భూమిక అని భారత రాష్ట్రపతి ద్రౌపది ముర్ము స్పష్టం చేశారు. విశాఖపట్నంలోని కేంద్రీయ గిరిజన విశ్వవిద్యాలయం మొదటి స్నాతకోత్సవ కార్యక్రమాన్ని నిర్వహించారు. విశాఖపట్నం, జూన్ 30: దేశ నిర్మాణంలో విద్యావంతులైన యువతదే అత్యంత కీలక భూమిక అని భారత రాష్ట్రపతి ద్రౌపది ముర్ము స్పష్టం చేశారు. ఇవాళ(మంగళవారం) విశాఖపట్నంలోని కేంద్రీయ గిరిజన విశ్వవిద్యాలయం మొదటి స్నాతకోత్సవ కార్యక్రమాన్ని నిర్వహించారు. ఈ వేడుకకు రాష్ట్రపతి ముఖ్యఅతిథిగా విచ్చేసి విద్యార్థులకు పట్టాలను ప్రదానం చేశారు. ఈ సందర్భంగా రాష్ట్రపతి ద్రౌపది ముర్ము మాట్లాడుతూ.. 'నేను కూడా ఒక మారుమూల గ్రామం నుంచి వచ్చిన మొదటి గ్రాడ్యుయేట్‌ను. ఈరోజు ఇంతమంది యువతీయువకులకు పట్టాలు అందించడం నాకు ఎంతో సంతోషాన్నిస్తోంది' అని భావోద్వేగంగా పేర్కొన్నారు. ఉన్నత శిఖరాలను అధిరోహించే క్రమంలో సమాజంలో ఇంకా వెనుకబడి ఉన్న అట్టడుగు వర్గాలను మరవకూడదని ఆమె విద్యార్థులకు హితవు పలికారు. 'మీరు జీవితంలో ముందుకు వెళ్లడమే కాదు.. ఒక్కసారి వెనక్కి తిరిగి చూస్తే అభివృద్ధి కోసం ఎదురుచూస్తున్న ఎందరో పేదలు, అట్టడుగు వర్గాల వారు కనిపిస్తారు. వారిని ప్రోత్సహించడంలో మీ వంతు సహకారం అందించాలి' అని పిలుపునిచ్చారు. 'వికాసిత్ భారత్' లక్ష్య సాధన దిశగా యువత పాత్ర ఎంతో కీలకమని, దేశ మాజీ రాష్ట్రపతి ఏపీజే అబ్దుల్ కలాం లాంటి మహానుభావుల జీవితాలను యువత ఆదర్శంగా తీసుకోవాలని ద్రౌపది ముర్ము ఆకాంక్షించారు. ఐపీఎస్ సునీల్ కుమార్‌కు చుక్కెదురు.. పిటిషన్‌ను కొట్టివేసిన ‘క్యాట్’ విజయవాడలో ఘోర రోడ్డు ప్రమాదం.. నాలుగేళ్ల చిన్నారితో పాటు ఇద్దరి మృతి

ప్రజల జీవితాల్లో మార్పు తీసుకురావడమే అసలైన విద్య అని విద్య, ఐటీ శాఖల మంత్రి నారా లోకేశ్ అన్నారు. నాణ్యమైన విద్య సమాజంలోని ప్రతి వర్గానికి చేరాలని ఆకాంక్షించారు. విశాఖపట్నం, జూన్ 30: ప్రజల జీవితాల్లో మార్పు తీసుకురావడమే అసలైన విద్య అని విద్య, ఐటీ శాఖల మంత్రి నారా లోకేశ్ అన్నారు. కేంద్రీయ గిరిజన విశ్వవిద్యాలయం మొదటి స్నాతకోత్సవ కార్యక్రమంలో మంత్రి పాల్గొని ప్రసంగించారు. నాణ్యమైన విద్య సమాజంలోని ప్రతి వర్గానికి చేరాలని ఆకాంక్షించారు. అన్ని ప్రాంతాలు అభివృద్ధి చెందితేనే వికసిత్ భారత్ కల సాకారం అవుతుందన్నారు. స్వయంకృషితో రాష్ట్రపతిగా ఎదిగిన వ్యక్తి ద్రౌపది ముర్ము అని కొనియాడారు. విద్యార్థులను భవిష్యత్తు నాయకులుగా తీర్చిదిద్దుతామని మంత్రి లోకేశ్ పేర్కొన్నారు. ఈరోజు(మంగళవారం) విశాఖలోని కేంద్రీయ గిరిజన వర్సిటీ తొలి స్నాతకోత్సవానికి ముఖ్య అతిథిగా రాష్ట్రపతి ద్రౌపది ముర్ము హాజరయ్యారు. ఈ సందర్భంగా13 మందికి రాష్ట్రపతి బంగారు పతకాలను ప్రదానం చేశారు. ఈ కార్యక్రమంలో గవర్నర్‌ అబ్దుల్‌ నజీర్‌, కేంద్రమంత్రి ధర్మేంద్ర ప్రధాన్‌, మంత్రి సంధ్యారాణి, ట్రైబల్ యూనివర్సిటీ ఛాన్సలర్, వీసీ పాల్గొన్నారు. ఐపీఎస్ సునీల్ కుమార్‌కు చుక్కెదురు.. పిటిషన్‌ను కొట్టివేసిన ‘క్యాట్’ విజయవాడలో ఘోర రోడ్డు ప్రమాదం.. నాలుగేళ్ల చిన్నారితో పాటు ఇద్దరి మృతి