Casting News

ప్రపంచవ్యాప్తంగా క్రీడా ప్రసారాల రూపురేఖలను మార్చేసిన ఈఎస్‌పీఎన్ (ESPN) సహ వ్యవస్థాపకుడు బిల్ రాస్ముసెన్ (93) కన్నుమూశారు. కొంతకాలంగా పార్కిన్సన్స్ వ్యాధితో బాధపడుతున్న ఆయన, నిన్న‌ తుదిశ్వాస విడిచినట్లు కుటుంబసభ్యులు తెలిపారు. ఆయన మృతి పట్ల ఈఎస్‌పీఎన్ ప్రస్తుత, మాజీ ప్రతినిధులు సంతాపం వ్యక్తం చేస్తూ, ఆయన దార్శనికతను స్మరించుకున్నారు.1970వ దశకం చివర్లో తన కుమారుడు స్కాట్‌తో కలిసి 24 గంటల పాటు కేవలం క్రీడల కోసమే ఒక కేబుల్ నెట్‌వర్క్ ఉండాలనే ఆలోచనకు బిల్ రాస్ముసెన్ బీజం వేశారు. ఈ ఆలోచన ఫలితంగా 1979 సెప్టెంబర్ 7న ఈఎస్‌పీఎన్ ప్రారంభమైంది. మొదట్లో ఈ కాన్సెప్ట్‌పై ఎన్నో సందేహాలు వ్యక్తమైనా, అనతికాలంలోనే ఇది మీడియాలో ఒక సంచలనంగా మారింది. రాస్ముసెన్ ఈఎస్‌పీఎన్ మొదటి అధ్యక్షుడిగా పనిచేశారు.ఈఎస్‌పీఎన్ ఛైర్మన్ జిమ్మీ పిటారో నివాళులర్పిస్తూ.. "రాస్ముసెన్ ఒక అసాధారణ వ్యక్తి, గొప్ప దార్శనికుడు, ఆవిష్కర్త. క్రీడలకే అంకితమైన నెట్‌వర్క్ ఆలోచన ఆయనదే" అని కొనియాడారు. 1970లలో ఆయన చూపిన స్ఫూర్తి, అభిరుచి ఇప్పటికీ తమ సంస్థ సంస్కృతిలో భాగమేనని తెలిపారు. ప్రముఖ యాంకర్ క్రిస్ బెర్మన్ స్పందిస్తూ.. "ఆయన మా జార్జ్ వాషింగ్టన్, ఒక మంచి స్నేహితుడు" అని అభివర్ణించారు.క్రీడా ప్రసార రంగంలో ఆయన చేసిన సేవలకు గానూ 2025లో స్పోర్ట్స్ బ్రాడ్‌కాస్టింగ్ హాల్ ఆఫ్ ఫేమ్‌లో చోటు దక్కించుకున్నారు. ఆయనకు ఇద్దరు కుమారులు, ఒక కుమార్తె, ఏడుగురు మనవళ్లు, ఇద్దరు మునిమనవళ్లు ఉన్నారు

కేంద్ర సమాచార ప్రసార మంత్రిత్వ శాఖ టీవీ ఛానళ్ల యాడ్స్ ప్రసారంపై అత్యంత కీలకమైన నిర్ణయం తీసుకుంది. టెలివిజన్ ఛానళ్లు గంటకు 12 నిమిషాలకు మించి ప్రకటనలు ప్రసారం చేయకూడదన్న దాదాపు రెండు దశాబ్దాల నాటి పాత నిబంధనను పూర్తిగా ఎత్తివేసింది. ఈ కొత్త మార్పు కేబుల్ టెలివిజన్ నెట్‌వర్క్స్ రూల్స్ 1994 సవరణల గెజిట్ నోటిఫికేషన్ వెలువడిన తేదీ నుంచి అధికారికంగా అమల్లోకి రానుంది. ఈ నిర్ణయంతో టీవీ ఛానళ్లకు ప్రకటనల ప్రసారంలో పూర్తి స్వేచ్ఛ లభించనుంది. ఈ 12 నిమిషాల పరిమితి నిబంధన కేబుల్ టెలివిజన్ నెట్‌వర్క్స్ రూల్స్ కింద 2006 సంవత్సరంలో అమలులోకి వచ్చింది. అప్పట్లో దేశంలో కేవలం 62 టీవీ ఛానళ్లు మాత్రమే అందుబాటులో ఉండగా కేబుల్ వ్యవస్థ అంతా అనలాగ్ పద్ధతిలోనే సాగేది. అయితే ప్రస్తుతం దేశంలో 900కు పైగా ఛానళ్లు ఉండటమే కాకుండా డీటీహెచ్, డిజిటల్ కేబుల్ ప్లాట్‌ఫామ్‌లు వందలాది ఛానళ్లను వీక్షకులకు అందిస్తున్నాయి. బ్రాడ్‌కాస్టర్లు ఈ నిబంధనను సవాలు చేస్తూ కోర్టులను ఆశ్రయించగా 2026 మే నెలలో ఢిల్లీ హైకోర్టు ట్రాయ్ నిబంధనలను సమర్థించింది. దీంతో టీవీ రంగంలో పెరిగిన తీవ్రమైన మార్కెట్ పోటీని దృష్టిలో ఉంచుకుని కేంద్ర ప్రభుత్వం ఈ పరిమితిని పూర్తిగా రద్దు చేసింది. ఇదిలా ఉండగా టీవీ రంగానికి చెందిన పే ఛానళ్లు మరియు ఫ్రీ-టు-ఎయిర్ ఛానళ్లు ప్రధానంగా ప్రకటనల ద్వారా వచ్చే ఆదాయంపైనే ఆధారపడి నడుస్తున్నాయి. మరోవైపు డిజిటల్ మీడియా మరియు ఓటీటీ ప్లాట్‌ఫామ్‌లలో ప్రకటనల సమయంపై ఎలాంటి కాలపరిమితి లేకపోవడంతో టీవీ రంగానికి అసమాన పోటీ ఎదురైంది. ప్రకటనల ఆదాయాన్ని నమ్ముకున్న టీవీ ఛానళ్లకు డిజిటల్ మాధ్యమాలతో సమానమైన పోటీ వాతావరణాన్ని కల్పించడమే ప్రభుత్వం ప్రధాన లక్ష్యంగా పెట్టుకుంది. ఈ నేపథ్యంలో కేంద్ర ప్రభుత్వం తీసుకున్న సవరణల నిర్ణయం వ్యాపార సౌలభ్యాన్ని మరింత పెంచుతుందని భావిస్తున్నారు. ఫలితంగా టీవీ ఛానళ్లు తమ ప్రకటనల సమయాన్ని తమకు నచ్చినట్లు

టెలివిజన్ ఛానెళ్ల ప్రసారాల్లో ప్రకటనల సమయంపై ఉన్న కీలక నిబంధనను కేంద్ర ప్రభుత్వం తొలగించింది. గంటకు 12 నిమిషాలు మాత్రమే ప్రకటనలు ప్రసారం చేయాలన్న పరిమితిని ఎత్తివేస్తూ శుక్రవారం నిర్ణయం తీసుకుంది. టీవీ, డిజిటల్ మీడియా మధ్య సమాన పోటీని ప్రోత్సహించడం, వ్యాపార సౌలభ్యాన్ని పెంచడమే లక్ష్యంగా ఈ చర్యలు తీసుకున్నట్లు కేంద్ర సమాచార, ప్రసార మంత్రిత్వ శాఖ ఒక ప్రకటనలో స్పష్టం చేసింది.1994 నాటి కేబుల్ టెలివిజన్ నెట్‌వర్క్ నిబంధనల కింద 2006లో ఈ 12 నిమిషాల ప్రకటనల పరిమితిని ప్రవేశపెట్టారు. అయితే, అప్పటి నుంచి ఇప్పటివరకు టీవీ ప్రసార రంగంలో భారీ మార్పులు చోటుచేసుకున్నాయని మంత్రిత్వ శాఖ వివరించింది. 2006లో దేశంలో కేవలం 62 టీవీ ఛానెళ్లు మాత్రమే ఉండగా, ప్రస్తుతం వాటి సంఖ్య 900కు పైగా ఉందని గుర్తు చేసింది.ఆ రోజుల్లో అనలాగ్ పద్ధతిలో ఉన్న కేబుల్ టీవీ ప్రసారాల వల్ల ఛానెళ్ల సంఖ్య పరిమితంగా ఉండేది. కానీ, ఇప్పుడు కేబుల్ టీవీ రంగం పూర్తిగా డిజిటలైజ్ అయింది. డీటీహెచ్, కేబుల్ టీవీ, ఐపీటీవీ వంటి డిజిటల్ ప్లాట్‌ఫామ్‌లు 300 నుంచి 500కు పైగా ఛానెళ్లను అందిస్తూ ప్రేక్షకులకు విస్తృత ఎంపికలు కల్పిస్తున్నాయి. దీనివల్ల మార్కెట్‌లో పోటీతత్వం గణనీయంగా పెరిగిందని ప్రభుత్వం పేర్కొంది.భారత్‌లో టీవీ రంగం 'పే' లేదా 'ఫ్రీ-టు-ఎయిర్' ఛానెల్ అనే దానితో సంబంధం లేకుండా ప్రకటనల ఆదాయంపైనే ఎక్కువగా ఆధారపడి ఉంది. మరోవైపు, డిజిటల్ మీడియా, ఓటీటీ ప్లాట్‌ఫామ్‌లలో ప్రకటనలపై ఎలాంటి కాలపరిమితి నిబంధన లేదు. ఈ అసమాన పోటీ

ఇండియన్ సిల్వర్ స్క్రీన్‌పై ప్రశాంత్ వర్మ సృష్టిస్తున్న 'ప్రశాంత్ వర్మ సినిమాటిక్ యూనివర్స్' (PVCU) నుంచి వస్తున్న నెక్ట్స్ భారీ చిత్రం ' జై హనుమాన్ '. సంచలన విజయం సాధించిన 'హను-మాన్' చిత్రానికి కొనసాగింపుగా తెరకెక్కుతున్న ఈ ఆధ్యాత్మిక ఫాంటసీ యాక్షన్ ఎంటర్‌టైనర్‌లో లీడ్ రోల్‌లో 'కాంతార' ఫేమ్ రిషబ్ శెట్టి నటిస్తుండగా, మైత్రీ మూవీ మేకర్స్ ఈ చిత్రాన్ని నిర్మిస్తోంది. ఇందులో రానా దగ్గుబాటి అశ్వత్థామగా ఓ కీలక పాత్రలో అలరించనున్నారు. అయితే, ఈ భారీ ప్రాజెక్ట్‌లో మరో ఆసక్తికరమైన కాస్టింగ్ జరిగిందనే వార్త ప్రస్తుతం సినీ వర్గాల్లో వైరల్ అవుతోంది. ఇటీవలే విడుదలైన ‘డీసీ’ సినిమాతో ప్రేక్షకుల ముందుకు వచ్చిన హీరోయిన్ వామికా గబ్బి ... ‘జై హనుమాన్’లో ఒక కీలక పాత్ర పోషించనున్నట్లు తెలుస్తోంది. త్వరలోనే హైదరాబాద్‌లో ప్రారంభం కానున్న కొత్త షెడ్యూల్‌లో ఆమె యూనిట్‌తో కలవనున్నారని సమాచారం.* ఆ ఒక్క కామెంట్‌తో మా నాన్న సినిమాలు చూడటం మానేశా... చేదు అనుభవాన్ని గుర్తుచేసుకున్న సూర్యపంజాబీ, హిందీ రచయిత గోవర్ధన్ గబ్బి కుమార్తె అయిన వామికా గబ్బి చిన్నతనం నుంచే కళా రంగంపై ఆసక్తి పెంచుకున్నారు. ప్రసిద్ధ కథక్ నృత్యకారిణి అయిన ఆమె, 2007లో 'జబ్ వియ్ మెట్' చిత్రంతో బాల నటిగా ప్రస్థానాన్ని ప్రారంభించారు. దాదాపు దశాబ్దం క్రితమే (2015) 'భలే మంచి రోజు' చిత్రంతో తెలుగు ప్రేక్షకులకు పరిచయమయ్యారు. ఆ తర్వాత వివిధ భాషల్లో సినిమాలు, వెబ్ సిరీస్‌లు, మ్యూజిక్ ఆల్బమ్స్ చేస్తూ తన ప్రయాణాన్ని కొనసాగించినప్పటికీ, ఆమె నటనకు సరైన గుర్తింపు దక్కడానికి కాస్త సమయం పట్టింది. ప్రస్తుతం అడివి శేష్‌తో కలిసి 'జీ2' (G2) చిత్రంలోనూ ఆమె నటిస్తున్నారు.* అరుదైన విదేశీ కోతితో ఆటలు.. చియాన్ విక్రమ్ కొంపముంచిన వీడియో... రంగంలోకి అటవీ శాఖ‘డీసీ’తో మారిన కెరీర్ఇటీవల వచ్చిన ‘డీసీ’ చిత్రంలో 'చంద్ర' అనే పాత్ర వామికా కెరీర్‌ను మలుపు తిప్పిందనే చెప్పాలి

టాలీవుడ్‌లో వరుస విజయాలతో దూసుకుపోతున్న హర్యానా బ్యూటీ మీనాక్షి చౌదరి ఖాతాలో మరో అరుదైన అవకాశం చేరినట్లు ఫిలింనగర్ వర్గాల్లో ప్రచారం జరుగుతోంది. సంక్రాంతి సీజన్లో వరుస సక్సెస్‌లు అందుకోవడంతో పాటు స్టార్ హీరోల సరసన క్రేజీ ప్రాజెక్టులు దక్కించుకుంటున్న ఈ అందాల తార తాజాగా మెగాస్టార్ చిరంజీవి 158వ చిత్రంలో భాగం కానున్నట్లు వార్తలు వస్తున్నాయి.* కిరణ్ అబ్బవరం నెక్స్ట్ లెవెల్ ప్లానింగ్.. 'ఇంద్రపుత్ర'తో పాన్ ఇండియా మైథలాజికల్ ధమాకాకేఎస్ రవీంద్ర (బాబీ) దర్శకత్వంలో మెగాస్టార్ చిరంజీవి హీరోగా తెరకెక్కుతోన్న ' మెగా 158 'పై భారీ అంచనాలు నెలకొన్నాయి. 'వాల్తేరు వీరయ్య' వంటి బ్లాక్‌బస్టర్ విజయం తర్వాత ఈ కాంబో మళ్ళీ రిపీట్ అవుతుండటంతో ప్రాజెక్ట్ ప్రారంభం నుంచే విపరీతమైన క్రేజ్ ఏర్పడింది. ఈ భారీ యాక్షన్ ఎంటర్టైనర్‌లో మీనాక్షి చౌదరి ఓ కీలకమైన అతిథి పాత్రలో కనిపించనున్నట్లు సమాచారం. సినిమాకు ఎంతో కీలకంగా ఉండే ఫ్లాష్‌బ్యాక్ ఎపిసోడ్‌లో ఆమె పాత్ర రానుందని తెలుస్తోంది. మాఫియా బ్యాక్‌డ్రాప్‌లో, విభిన్నమైన వేరియేషన్స్‌తో సాగే ఈ ఫ్లాష్‌బ్యాక్ సినిమాకే ప్రధాన ఆకర్షణగా నిలవనుందని సినీ వర్గాలు చెబుతున్నాయి.2018లో ‘ఫెమినా మిస్ ఇండియా గ్రాండ్ ఇంటర్నేషనల్’ రన్నరప్గా నిలిచి గుర్తింపు పొందిన మీనాక్షి, గ్లామర్ రంగం నుంచి నటన వైపు అడుగులు వేశారు. 'అవుట్ ఆఫ్ లవ్' అనే హిందీ వెబ్ సిరీస్‌తో నటిగా కెరీర్ ప్రారంభించిన ఆమె, 2021లో 'ఇచ్చట వాహనములు నిలుపరాదు' సినిమాతో తెలుగు తెరకు పరిచయమయ్యారు. ఆ తర్వాత రవితేజ సరసన 'ఖిలాడి', అడవి శేష్తో 'హిట్: ది సెకండ్ కేస్', మహేష్‌బాబుతో ‘గుంటూరు కారం’, వెంకటేష్ సరసన ‘సంక్రాంతికి వస్తున్నాం’, దుల్కర్ సల్మాన్‌తో 'లక్కీ భాస్కర్' వంటి వైవిధ్యమైన చిత్రాలతో వరుస విజయాలను సాధించారు. ప్రస్తుతం నాగచైతన్య సరసన ‘వృషకర్మ’ చిత్రంలో మీనూ హీరోయిన్‌గా నటిస్తోంది.* కొడుక్కి రామ్‌చరణ్’ పేరు... అభిమాని ప్రేమకు చలించిపోయిన చిరంజీవి, ఊహించని సర్‌ప్రైజ్చిరంజీవి-బాబీ చిత్రాన్ని

దార్ల హరీశ్.. జీ తెలుగు న్యూస్‌లో సీనియర్ కంటెంట్ ఎడిటర్‌గా పనిచేస్తున్నాను. నా 8 ఏళ్ల అనుభవంలో ఈనాడు వంటి ప్రముఖ దినపత్రికతో పాటు ఈటీవీ భారత్‌‌లో పనిచేశాను. 2025 నుంచి ఎంటర్‌టైన్మెంట్, బిజినెస్, టెక్నాలజీ, హెల్త్, క్రీడలు, రాజకీయాలు వంటి వాటికి సంబంధించిన వార్తలు రాస్తున్నారు. గతంలో ప్రముఖ మీడియా సంస్థల్లో పనిచేసిన అనుభవం కలదు. Prabhas Kalki 2 Casting Call: పాన్ ఇండియా రెబల్ స్టార్ ప్రభాస్ హీరోగా, డైరెక్టర్ నాగ్ అశ్విన్ తెరకెక్కించిన సంచలన విజయం సాధించిన చిత్రం 'కల్కి 2898 AD'. సోషియో-ఫాంటసీ మైథలాజికల్ యాక్షన్ డ్రామాగా వచ్చిన ఈ చిత్రం బాక్సాఫీస్ వద్ద బ్లాక్‌బస్టర్‌గా నిలిచింది. ప్రస్తుతం ఈ చిత్రానికి సీక్వెల్‌గా 'కల్కి 2' అత్యంత ప్రతిష్టాత్మకంగా తెరకెక్కుతోంది. ప్రముఖ నిర్మాణ సంస్థ వైజయంతీ మూవీస్ ఈ ప్రాజెక్ట్‌ను భారీ బడ్జెట్‌తో నిర్మిస్తోంది. తాజాగా ఈ క్రేజీ ప్రాజెక్ట్‌లో నటించే సువర్ణావకాశాన్ని కల్పిస్తూ మేకర్స్ ఒక కీలక ప్రకటన చేశారు. 'కల్కి సినిమాటిక్ యూనివర్స్' కోసం చిత్ర బృందం అధికారికంగా కాస్టింగ్ కాల్ ప్రకటించింది. నటనపై ఆసక్తి, ప్రతిభ ఉన్న ప్రతి ఒక్కరికీ బిగ్ స్క్రీన్ పై కనిపించే అద్భుతమైన అవకాశం ఇస్తున్నట్లు తెలిపారు. నిబంధనలు లేవు.. ప్రతిభే ముఖ్యం! ఈ కాస్టింగ్ కాల్‌కు సంబంధించి మేకర్స్ సోషల్ మీడియాలో పోస్ట్ చేస్తూ.. "నటులుగా రాణించాలనుకునే వారందరికీ ఇదొక చక్కని అవకాశం. 'కల్కి సినిమాటిక్ యూనివర్స్'లో భాగం అవ్వండి" అని పిలుపునిచ్చారు. ఈ ఆడిషన్‌కు సంబంధించి ఎలాంటి వయసు లేదా లింగ ఆంక్షలు లేవని స్పష్టం చేశారు. కేవలం ప్రతిభ ఉంటే చాలని తెలిపారు. ఆసక్తి గల అభ్యర్థులు తమ వివరాలు, పోర్ట్‌ఫోలియోలను kalkiuniversecasting@gmail.com అనే అధికారిక ఈ-మెయిల్ ఐడీకి పంపించాలని వైజయంతీ మూవీస్ పేర్కొంది. గతంలోనూ అదే పద్ధతి.. మొదటి భాగం 'కల్కి' సమయంలోనూ మేకర్స్ ఇలాగే కాస్టింగ్ కాల్ నిర్వహించారు. హైదరాబాద్, బెంగళూరు

ప్రభాస్ హీరోగా నటించిన బ్లాక్‌బస్టర్ సినిమా కల్కి 2898 ఏడీకి సీక్వెల్ పనులు వేగంగా సాగుతున్నాయి. ఈ చిత్రాన్ని కల్కి సినిమాటిక్ యూనివర్స్‌గా భారీ స్థాయిలో విస్తరించేందుకు దర్శకుడు నాగ్ అశ్విన్ ప్లాన్ చేస్తున్నారు. తాజాగా ఈ క్రేజీ ప్రాజెక్టులో నటించేందుకు ఆసక్తి ఉన్న నటుల నుంచి దరఖాస్తులను ఆహ్వానిస్తూ చిత్ర బృందం ప్రకటన విడుదల చేసింది. కొత్త ప్రతిభను వెలికితీసేందుకు మేకర్స్ ఈ ఓపెన్ కాస్టింగ్ కాల్‌ను చేపట్టారు. మొదటి భాగం పురాణాలకు సైన్స్ ఫిక్షన్‌ను జోడించి ప్రపంచవ్యాప్తంగా అద్భుతమైన ఆదరణ పొందింది. ఇందులో ప్రభాస్ భైరవగా, అమితాబ్ బచ్చన్ అశ్వత్థామగా, కమల్ హాసన్ సుప్రీం యాస్కిన్‌గా, దీపికా పదుకొనే సుమతిగా నటించారు. ఈ భారీ తారాగణంతో రూపొందిన చిత్రం కమర్షియల్‌గా భారీ విజయాలను నమోదు చేసుకుంది. ఇప్పుడు రెండో భాగం కోసం ప్రపంచాన్ని మరింత లోతుగా, కొత్త పాత్రలతో రూపొందించేందుకు నిర్మాతలు సిద్ధమవుతున్నారు. దీంతో ఇప్పుడు కల్కి యూనివర్స్‌లో భాగం కావాలనుకునే నటీనటులకు ఇది ఒక అరుదైన అవకాశం అని చెప్పాలి. తమ ప్రతిభను నిరూపించుకోవాలని చూస్తున్న వారికి వెండితెరపై పెద్ద వేదిక లభించనుంది. ఇదిలా ఉండగా, అధికారిక కల్కి 2898 ఏడీ సోషల్ మీడియా ఖాతా ద్వారా ఈ విషయాన్ని చిత్ర బృందం వెల్లడించింది. ఆసక్తి గల వారు తమ ప్రొఫైల్, నటనకు సంబంధించిన వివరాలను kalkiuniversecasting@gmail.com అనే ఈమెయిల్‌కు పంపాలని కోరారు. ఫలితంగా ఈ ప్రకటన వెలువడిన వెంటనే సినీ ప్రియుల నుంచి భారీ స్పందన వ్యక్తమవుతోంది. ఎంతో మంది ఉత్సాహవంతులు తమ వివరాలను పంపేందుకు సిద్ధమవుతున్నారు. ఈ నేపథ్యంలో సీక్వెల్‌లో ఎలాంటి కొత్త పాత్రలను పరిచయం చేయబోతున్నారనేది సర్వత్రా ఆసక్తి రేకెత్తిస్తోంది. కేవలం అనుభవం ఉన్న నటులే కాకుండా, కొత్త వారికి కూడా పెద్ద పీట వేయాలని మేకర్స్ భావిస్తున్నట్లు స్పష్టమవుతోంది. సినిమాకు సంబంధించి కీలకమైన పాత్రల కోసం ఆడిషన్స్ నిర్వహించే అవకాశం కూడా ఉంది. ఎంపికైన