ప్రపంచ ఫుట్బాల్ రంగాన్ని శాసించిన మహా దిగ్గజం, అర్జెంటీనా స్టార్ ఫుట్బాలర్ లియోనెల్ మెస్సీ జీవితంలో తీరని శోకం అలముకుంది. ప్రపంచవ్యాప్తంగా కోట్ల మంది అభిమానులకు ఎనలేని ఆనందాన్ని పంచిన ఆ విలువై ఆటగాడి వెనుక నిలబడిన కొండంత అండ ఇక లేరు. మెస్సీని ఒక సామాన్య బాలుడి నుంచి ప్రపంచ ఫుట్బాల్ రాజకుమారుడిగా తీర్చిదిద్దడంలో అహర్నిశలు శ్రమించిన ఆయన తండ్రి జార్జ్ మెస్సీ కన్నుమూశారు. 68 ఏళ్ల వయసులో శుక్రవారం రాత్రి సుమారు 10 గంటల సమయంలో ఆయన తుదిశ్వాస విడిచినట్లు అర్జెంటీనా స్పెయిన్కు చెందిన ప్రముఖ అంతర్జాతీయ మీడియా సంస్థలు వెల్లడించాయి. అర్జెంటీనాలోని మెస్సీ స్వస్థలమైన రొసారియో నగరంలో జార్జ్ మెస్సీ కన్నుమూసినట్లు సమాచారం రావడంతో క్రీడా ప్రపంచం ఒక్కసారిగా దిగ్భ్రాంతికి గురైంది.
లియోనెల్ మెస్సీ ఫుట్బాల్ కెరీర్ను పునాది స్థాయి నుంచి మలచడంలో ఆయన తండ్రి జార్జ్ మెస్సీ పాత్ర అత్యంత కీలకమైనది. చిన్నతనం నుంచే కొడుకులోని అద్భుతమైన ప్రతిభను గుర్తించి, ప్రతి అడుగులోనూ కొండంత మద్దతుగా నిలిచారు. క్రమశిక్షణ, స్పష్టమైన విజన్, అమితమైన ఆప్యాయతతో తన కుమారుడిని అత్యున్నత శిఖరాలకు చేర్చడంలో జార్జ్ ఒక బలమైన స్తంభంలా నిలబడ్డారు. మెస్సీ తొలిసారిగా ఫుట్బాల్ ఓనమాలు దిద్దిన ప్రముఖ క్లబ్ 'న్యూవెల్స్ ఓల్డ్ బాయ్స్' సోషల్ మీడియా వేదికగా తీవ్ర విచారాన్ని వ్యక్తం చేస్తూ సంతాపాన్ని ప్రకటించింది. 68 ఏళ్ల వయసులో రొసారియోలో జార్జ్ కన్నుమూశారని పేర్కొంటూ, మెస్సీ కుటుంబానికి తమ గాఢ సానుభూతిని తెలియజేసింది. తన కుమారుడికి చిన్నతనంలోనే న్యూవెల్స్ క్లబ్ రంగులను ప్రేమించడం నేర్పినందుకు జార్జ్కు ప్రత్యేకంగా ధన్యవాదాలు తెలిపిన ఆ క్లబ్, జార్జ్ భార్య సెలియా కుచిట్టినీతో పాటు కుమారులు లియోనెల్, రోడ్రిగో, మాటియాస్, కుమార్తె మారియా సోల్కు తమ సంతాపాన్ని పంచుకుంది.
జార్జ్ మెస్సీ గత కొంతకాలంగా తీవ్ర ఆరోగ్య సమస్యలు అనారోగ్యంతో బాధపడుతున్నట్లు సమాచారం. ఇటీవల ముగిసిన ఫిఫా ప్రపంచకప్ టోర్నీ సమయంలోనే ఆయన ఆరోగ్య పరిస్థితిపై పలు వార్తలు వెలువడ్డాయి. అర్జెంటీనా జట్టు అల్జీరియాతో ఆడిన తొలి మ్యాచ్లో మెస్సీ అద్భుతమైన హ్యాట్రిక్ సాధించిన సమయంలో తీవ్ర భావోద్వేగానికి గురై కన్నీళ్లు పెట్టుకోవడం అప్పట్లో ప్రపంచవ్యాప్తంగా పెద్ద ఎత్తున చర్చనీయాంశమైంది. తండ్రి తీవ్ర అనారోగ్యంతో పోరాడుతున్నారనే ఆందోళనతోనే మెస్సీ ఆ విధంగా భావోద్వేగానికి లోనయ్యారని ప్రచారం జరిగింది.
ఆ సమయంలో మెస్సీ కుటుంబం ఒక అధికారిక ప్రకటన విడుదల చేస్తూ, జార్జ్ వైద్యుల నిరంతర పర్యవేక్షణలో ఉన్నారని చికిత్సకు సానుకూలంగా స్పందిస్తున్నారని స్పష్టం చేసింది. అయితే దురదృష్టవశాత్తు ఆయన కోలుకోలేక 68 ఏళ్ల వయసులో కన్నుమూయడం తీవ్ర విచారాన్ని నింపింది. మెస్సీ కుటుంబం నుంచి అధికారిక ప్రకటన రావాల్సి ఉన్నప్పటికీ, అంతర్జాతీయ క్రీడా ప్రపంచం, ప్రపంచ వ్యాప్తంగా ఉన్న మెస్సీ అభిమానులు, ప్రముఖ క్రీడాకారులు ఆయన ఆత్మకు శాంతి చేకూరాలని కోరుకుంటూ శ్రద్ధాంజలి ఘటిస్తున్నారు.
Lionel Messi, Jorge Messi, Jorge Messi passes away, Messi father news, Argentina football, Newell's Old Boys
9వ తరగతి చదివిన ట్యాక్సీ డ్రైవర్.. ఇప్పుడు ప్రముఖ కంపెనీలో కీలక ఉద్యోగి..!
హైదరాబాద్లో పేలుడు.. నలుగురికి గాయాలు..!
.
