వినాయక చవితి అనగానే దేశమంతా ఉత్సవాలు, పండుగల సందడి మొదలవుతుంది. ప్రతి వీధిలో గణేశుడి విగ్రహాలు ప్రతిష్ఠించి, భక్తులు పూజలు చేస్తారు. సాధారణంగా మట్టి విగ్రహాలు, వినాయక చవితి అనగానే దేశమంతా ఉత్సవాలు, పండుగల సందడి మొదలవుతుంది. ప్రతి వీధిలో గణేశుడి విగ్రహాలు ప్రతిష్ఠించి, భక్తులు పూజలు చేస్తారు. సాధారణంగా మట్టి విగ్రహాలు, రంగురంగుల అలంకరణలు, భారీ లడ్డూలు ఈ పండుగకు ప్రత్యేకతను ఇస్తాయి. కానీ ఒడిశాలోని కటక్లోని బధై సాహి ప్రాంతంలో ఉన్న నల్ల క్లోరైట్ రాతితో చెక్కిన పురాతన గణేశుడి విగ్రహం ప్రత్యేకంగా నిలుస్తుంది. ఈ విగ్రహం సుమారు ఐదు అడుగుల ఎత్తు కలిగి ఉండి, వందల సంవత్సరాల చరిత్రను కలిగి ఉంది. స్థానికులు ఈ విగ్రహానికి బరాబతి కోటకు సంబంధించిన చరిత్ర ఉందని చెబుతున్నారు. ఈ విగ్రహం గణేశుడికి అంకితమైన ఒడిశాలోని అత్యంత పురాతన ఆలయాల్లో ఒకటిగా గుర్తించబడింది. జగన్నాథ ఆలయ చారిత్రక పుస్తకం 'మదల పంజి' ప్రకారం, క్రీ.శ. 1211 నుండి 1238 మధ్య గంగా వంశానికి చెందిన రాజు అనంగభీమ దేవుని పాలనలో బరాబతి కోట నిర్మించబడింది. ఆ కాలంలో రాజకుటుంబం గణేశుడిని పూజించేవారని స్థానికులు చెబుతున్నారు. బధై సాహిలోని ఈ ప్రత్యేకమైన ఆలయం కటక్ జిల్లాలోని బక్సీ బజార్ ప్రాంతంలో ఉంది. ఇక్కడ గణేశుడి విగ్రహం మట్టి కాదు, నల్ల క్లోరైట్ రాతితో చెక్కబడింది. ఈ ఆలయం ఒడిశాలోని అత్యంత పురాతన ఆలయాల్లో ఒకటిగా గుర్తించబడింది. స్థానికుల కథనం ప్రకారం, గణేశుడి విగ్రహాన్ని కోనేరు నుంచి వెలికితీసినట్లు తెలుస్తోంది. అప్పటి రాజు బరాబతి కోటపై దాడి జరిగే అవకాశం ఉందని భావించి, అక్కడి దేవతల విగ్రహాలను వివిధ ప్రదేశాల్లో దాచిపెట్టినట్లు చెబుతున్నారు. గణేశుడి విగ్రహాన్ని రాణి స్నానం చేసే పుష్కరిణిలో భద్రపరిచారని, ఆ తరువాత 1707లో మొఘల్ సామ్రాజ్యం పతనం తర్వాత, ఈ విగ్రహాన్ని మరాఠాల ఆధీనంలోకి తీసుకువచ్చారు.
