రష్యా, ఉక్రెయిన్‌ల మధ్య యుద్ధ వాతావరణం కొనసాగుతూనే ఉంది. తాజాగా రష్యా క్షిపణి దాడిలో.. ఉక్రెయిన్ టెన్నిస్ ప్లేయర్ డయానా యాస్ట్రెమ్‌స్కాకు చెందిన అపార్ట్‌మెంట్ ధ్వంసమైంది. అయితే, తన కుటుంబ సభ్యులకు ఎలాంటి ముప్పు వాటిల్లలేదని సోషల్ మీడియా వేదికగా ఆమె తెలిపింది. అపార్ట్‌మెంట్ కాలిపోతున్న వీడియో, ఫొటోలను పోస్టు చేసింది. కేవలం ఫ్రెంచ్ ఓపెన్ సమయంలో తాను వినియోగించిన టవల్‌ మాత్రమే మిగిలిందని పేర్కొంది.
