Saudi Arabia: సౌదీ అరేబియా జాక్పాట్ కొట్టింది. మదీనాలో భారీ స్థాయిలో యురేనియం, రేర్ ఎర్త్ మెటల్స్ నిల్వలను కొనుగోన్నట్లు ఆ దేశ ఇంధన శాఖ మంత్రి ప్రిన్స్ అబ్దుల్ అజీబ్ బిన్ సల్మాన్ను ఉటంకిస్తూ ఆ దేశ మీడియా నివేదించింది. మదీనాలోని ‘జబల్ సయీద్’ ప్రాజెక్టు వద్ద చేపట్టిన అన్వేషన, భౌగోళిక అధ్యయనాల్లో సుమారు 110 మిలియన్ టన్నుల ఖనిజ నిల్వలు ఉన్నట్లు తేలింది. ఇందుల్లో యురేనియంతో పాటు హెవీ మెటల్స్ ఉన్నట్లు తేలింది. ఇరాన్ యుద్ధం, సౌదీపై హౌతీల దాడుల నేపథ్యంలో ఈ ప్రకటన వచ్చింది. అరబ్ దేశాల్లో అతిపెద్ద ఆర్థిక వ్యవస్థ అయిన సౌదీ, తన ఇంధన, ఖనిజ వనరుల్ని వైవిధ్యీకరించడంలో పెట్టుబడులు పెడుతోంది. సౌదీ యువరాజు మహ్మద్ బిన్ సల్మాన్ నేతృత్వంలోని విజన్ 2030లో భాగంగా చమురు ఆధారిత ఆర్థిక రంగాన్ని విస్తరించాలని అనుకుంటున్నారు. ఇటీవల సౌదీ-అమెరికా మధ్య పౌర అణు కార్యక్రమ ఒప్పందం కుదిరింది. ఇప్పుడు ఈ యురేనియం నిల్వల్ని కనుగొనడం ఒక ముఖ్యమైన పరిణామం. జూలైలో రెండు దేశాలు ఈ ద్వైపాక్షిక ఒప్పందంపై సంతకాలు చేశాయి. ఈ ఒప్పందంలో భాగంగా అమెరికా సౌదీ పౌర అణుశక్తి కార్యక్రమాన్ని అభివృద్ధి చేయడంలో సహాయపడుతుంది. ఇదే కాకుండా సౌదీ అరేబియా ‘‘ఎన్రిచ్డ్ యురేనియం’’ తయారు చేసుకునే అవకాశాన్ని ఈ ఒప్పందం కల్పిస్తుంది.
