మాధవి లగిశెట్టి (భూమి).. జీ తెలుగు డిజిటల్ మీడియాలో సబ్ ఎడిటర్ పనిచేస్తున్నారు. ఇక్కడ బిజినెస్, స్పోర్ట్స్, క్రైమ్, రాజకీయ వ్యవహారాలకు సంబంధించిన వార్తలు రాస్తున్నారు. గతంలో ప్రముఖ మీడియా సంస్థల్లో వివిధ రంగాలకు సంబంధించిన వార్తలు అందించారు.
Mahindra XEV 9S EMI: మీరు కొత్త కారు కొనే ప్లాన్ లో ఉన్నారా? కొత్త కారు కొనడానికి సరైన సమయం కోసం ఎదురు చూస్తున్నారా? అయితే ఈ స్టోరీ మీకోసమే. మహీంద్రా తన జనాదరణ పొందిన ఎలక్ట్రిక్ కారు, XEV 9S కొత్త వెర్షన్ను భారత మార్కెట్లోకి విడుదల చేసింది. ఈ కొత్త కారు 6-సీటర్ ఆప్షన్తో వస్తుంది. వెనుక సీట్లు కెప్టెన్-సీట్లుగా ఉంటాయి. ఇప్పుడు..ఈ కారు 7-సీటర్ .. 6-సీటర్ కాన్ఫిగరేషన్లలో అందుబాటులో ఉంది. ఎక్కువ సౌకర్యం.. ప్రీమియం అనుభూతిని కోరుకునే వారికి ఈ కారు సరైనది. మహీంద్రా XEV 9S ధర.. ఫీచర్ల గురించి తెలుసుకుందాం.
కొత్త 6-సీటర్ XEV 9S లో ప్రత్యేకత ఏమిటి? మహీంద్రా XEV 9S కేవలం 7-సీటర్గా మాత్రమే అందుబాటులో ఉంది. మధ్య సీటు గతంలో బెంచ్-టైప్గా ఉండేది. కంపెనీ ఇప్పుడు 6-సీటర్ లేఅవుట్ను జోడించింది. ఈ కొత్త లేఅవుట్లో.. రెండవ వరుసలో బెంచ్ సీటుకు బదులుగా రెండు వేర్వేరు కెప్టెన్ సీట్లు ఉన్నాయి. ఈ సీట్లకు ప్రత్యేకమైన ఆర్మ్రెస్ట్లు ఉన్నాయి. దీనివల్ల మధ్య సీటు ఇద్దరు వ్యక్తులకు సౌకర్యవంతంగా ఉంటుంది. సుదూర ప్రయాణాలను సౌకర్యవంతంగా చేసుకోవాలనుకునే కుటుంబాలకు ఈ లేఅవుట్ చాలా అనువైనదిగా ఉంటుంది. ఈ 6-సీటర్ ఆప్షన్ కారుకు ప్రీమియం అనుభూతిని ఇస్తుంది.. స్థలం కంటే సౌకర్యానికి ప్రాధాన్యత ఇచ్చేవారిని ఆకట్టుకుంటుంది.
ఈ 6-సీటర్ కెప్టెన్ సీట్ ఆప్షన్ అన్ని వేరియంట్లలో అందుబాటులో లేదు. కంపెనీ దీనిని మూడు వేరియంట్లలో అందుబాటులో ఉంచింది. అవి ప్యాక్ టూ అబవ్, ప్యాక్ త్రీ, ప్యాక్ త్రీ అబవ్. ఈ ఆప్షన్ బేసిక్ వేరియంట్ అయిన ప్యాక్ వన్ అబవ్లో అందుబాటులో లేదు. మహీంద్రా XEV 9S మొదటిసారిగా నవంబర్ 2025లో లాంచ్ చేశారు. అప్పటి నుండి, ఇది మహీంద్రా ఎలక్ట్రిక్ కార్ల పోర్ట్ఫోలియోలో అత్యధికంగా అమ్ముడైన కారుగా నిలిచింది. గత నెలలోనే ఈ కారుకు చెందిన 4,131 యూనిట్లు అమ్ముడయ్యాయి.
ధర: ధర విషయానికి వస్తే, హైదరాబాద్లో మహీంద్రా XEV 9S బేస్ వేరియంట్ ధర రూ. 19.95 లక్షల (ఎక్స్-షోరూమ్) నుండి ప్రారంభమవుతుంది. కొత్త 6-సీటర్ కెప్టెన్ సీట్ వెర్షన్ ఎక్స్-షోరూమ్ ధర రూ. 25.25 లక్షల నుండి ప్రారంభమవుతుంది. ఇదే వేరియంట్లోని 7-సీటర్ వెర్షన్ కంటే 6-సీటర్ ఆప్షన్ ధర కేవలం రూ. 25,000 మాత్రమే ఎక్కువ. కొంచెం ఎక్కువ ధరకు, వినియోగదారులు కెప్టెన్ సీట్ల వంటి ప్రీమియం ఫీచర్లను పొందుతారు. ఈ ధరలో 11.2 kW AC ఛార్జర్ ధర చేర్చలేదు. అది విడిగా యాడ్ అవుతుందని గమనించాలి.
డౌన్ పేమెంట్తో కారు కొనుగోలు చేస్తే ఎంత EMI చెల్లించాలి? ఒకేసారి పూర్తి ధర చెల్లించలేని కొనలేనివారికి ఈఎంఐ అందుబాటులో ఉంది. రూ. 1.5 లక్షల డౌన్ పేమెంట్ చేసి, మిగిలిన చెల్లింపు కోసం లోన్ తీసుకోవాలని కంపెనీ ప్రతినిధి తెలిపారు. మీరు మొత్తం రూ. 21,86,483లో రూ. 1.5 లక్షల డౌన్ పేమెంట్ చేస్తే, రూ. 20,35,000 లోన్ తీసుకోవాలి. 5 సంవత్సరాల కాలానికి, 9శాతం వడ్డీతో నెలవారీ EMI రూ. 42,243 ఉంటుంది. 5 సంవత్సరాలలో చెల్లించాల్సిన వడ్డీ రూ. 1.5 లక్షలు. లోన్ 6 సంవత్సరాలకు తీసుకుంటే, నెలవారీ EMI రూ. 36,681 ఉంటుంది. కార్ లోన్ 7 సంవత్సరాలకు తీసుకుంటే, నెలవారీ EMI రూ. 32,741 ఉంటుంది.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్లోడ్ చేసుకోండి.
