ఈ నెల(సెప్టెంబర్) 18 నుంచి నవంబర్ 12 వరకు కుజుడు తనకు మిత్ర క్షేత్రం, నీచ స్థానమైన కర్కాటక రాశిలో సంచారం చేయబోతున్నాడు.. అయితే, ఉచ్ఛ స్థితిలో ఉన్న గురువుతో యుతి చెందడం వల్ల కుజుడికి నీచభంగం జరిగి, ఉచ్ఛ బలం కలిగింది. భూమి, ఆస్తులు, వివాదాలు, అధికారం, ఆదాయం, సాహసం, పోరాటం, ధైర్యం వంటి లక్షణాలకు కారకుడైన కుజుడు కొన్ని రాశులకు అత్యంత శుభ ఫలితాలనివ్వడం జరుగుతుంది. ముఖ్యంగా స్థిరాస్తులు ఇచ్చే అవకాశం ఉంది. ఉచ్ఛ గురువుతో కలిసిన కుజుడి కర్కాటక రాశి సంచారం వల్ల మేషం, కర్కాటకం, తుల, వృశ్చికం, మకరం, మీన రాశులకు ఆస్తి లాభం కలిగే అవకాశం ఉంది.
