విజయవాడకు చెందిన అభిషేక్ మార్కెట్లో అందుబాటులో ఉన్న హెయిర్ జెల్స్ను తరచుగా ఉపయోగిస్తున్నాడు. అయితే, ఈ ఉత్పత్తుల వాడకం వల్ల అతని జుట్టు రంగు గోధుమగా మారిపోయింద విజయవాడకు చెందిన అభిషేక్ మార్కెట్లో అందుబాటులో ఉన్న హెయిర్ జెల్స్ను తరచుగా ఉపయోగిస్తున్నాడు. అయితే, ఈ ఉత్పత్తుల వాడకం వల్ల అతని జుట్టు రంగు గోధుమగా మారిపోయింది. జుట్టు కుదుళ్లు కూడా సన్నబారిపోయి, జుట్టు ఊడిపోతున్నట్లు అతను గుర్తించాడు. శ్రీకాకుళానికి చెందిన అనూప్ కూడా హెయిర్ స్ప్రే వాడటం ప్రారంభించాడు, కానీ ఈ ఉత్పత్తి వాడడం వల్ల అతనికి ఒత్తైన జుట్టు ఊడిపోవడం మొదలైంది. నాలుగు నెలల వ్యవధిలోనే అతనికి తలలో మిగిలిన జుట్టు చాలా తక్కువగా మారింది. హెయిర్ ప్రొడక్ట్స్ వాడేటప్పుడు జాగ్రత్త అవసరమని నిపుణులు సూచిస్తున్నారు. యువత ఆకర్షణీయంగా కనిపించాలనే ఉద్దేశ్యంతో మార్కెట్లో లభించే హెయిర్ స్ప్రేలు, వ్యాక్స్, జెల్స్ వంటి ఉత్పత్తులను కొనుగోలు చేసి వాడుతున్నారు. అయితే, వీటిలో ఉండే రసాయనాలు ఆరోగ్యానికి హానికరమని నిపుణులు హెచ్చరిస్తున్నారు. పార్టీలు లేదా ప్రత్యేక సందర్భాలలో ఒకటి రెండు సార్లు మాత్రమే వీటిని వాడడం మంచిది, కానీ తరచూ వాడితే అనారోగ్య సమస్యలు తలెత్తవచ్చు. కౌన్సిల్ ఆఫ్ సైంటిఫిక్ అండ్ ఇండస్ట్రియల్ రీసెర్చ్ - ఇండియన్ ఇన్స్టిట్యూట్ ఆఫ్ టాక్సికాలజీ చేసిన పరిశోధన ప్రకారం, హెయిర్ స్ప్రేలు వాడేటప్పుడు విడుదలయ్యే కాంపౌండ్స్ మైక్రో పార్టికల్స్ రూపంలో ఊపిరితిత్తుల్లోకి చేరుతాయి. ఈ కాంపౌండ్స్ క్రమంగా ఆస్తమా, ఎలర్జీలు, చర్మ సంబంధిత వ్యాధులకు దారితీస్తాయని పరిశోధకులు గుర్తించారు. హెయిర్ ప్రొడక్ట్స్లో ఉండే ఆల్కహాల్, పారాబిన్ వంటి రసాయనాలు జుట్టుకు హానికరంగా ఉంటాయి. అందువల్ల, వీటిని వాడేటప్పుడు జాగ్రత్తగా ఉండాలి. మార్కెట్లో లభించే ఉత్పత్తులను ఇష్టానుసారంగా వాడకూడదు. డాక్టర్ల సూచన మేరకు మాత్రమే ఈ ఉత్పత్తులను ఉపయోగించడం మంచిది. ఇప్పటికే ఈ ఉత్పత్తులను వాడుతున్న వారు ఏమైనా సమస్యలు ఎదుర్కొంటే, వెంటనే డాక్టర్లను సంప్రదించి చికిత్స తీసుకోవాలి.