ప్రస్తుత 2020ల దశాబ్దం చైనాదేనా? ఈ ప్రశ్న ప్రపంచ రాజకీయాల్లో చర్చకు వస్తోంది. చైనా అధ్యక్షుడు షీ జిన్పింగ్ తన వ్యూహాలను అమలు చేస్తూ అమెరికా ఆధిపత్యానికి సవాలు ప్రస్తుత 2020ల దశాబ్దం చైనాదేనా? ఈ ప్రశ్న ప్రపంచ రాజకీయాల్లో చర్చకు వస్తోంది. చైనా అధ్యక్షుడు షీ జిన్పింగ్ తన వ్యూహాలను అమలు చేస్తూ అమెరికా ఆధిపత్యానికి సవాలు విసురుతున్నారు. అంతర్జాతీయంగా చైనా ప్రభావం పెరుగుతున్న నేపథ్యంలో, అమెరికాతో నేరుగా సైనిక ఘర్షణకు దారితీస్తుందా అన్న ఆందోళనలు ఉన్నా, చైనా తన ఆర్థిక, రాజకీయ, దౌత్య ప్రభావాన్ని పెంచుకోవడంపై దృష్టి పెట్టింది. బ్రూకింగ్స్ ఇన్స్టిట్యూషన్ విశ్లేషకుడు ర్యాన్ హాస్ అభిప్రాయం ప్రకారం, చైనా, అమెరికాతో తక్షణంగా ఢీకొట్టాలని అనుకోవడం లేదు. అమెరికా క్రమంగా బలహీనపడుతున్న సమయంలో, చైనా ఓపికగా తన ప్రభావాన్ని పెంచుకుంటోంది. పాశ్చాత్య దేశాలు క్షీణిస్తున్నాయని, చైనా వేగంగా ఎదుగుతోందని బీజింగ్ ప్రచారం చేస్తోంది. 2021లో చైనా విదేశాంగ శాఖ విడుదల చేసిన రిపోర్టులో అమెరికా రాజకీయ వ్యవస్థను అనారోగ్యకరమైన వ్యవస్థగా అభివర్ణించింది. అమెరికా విదేశీ కార్యక్రమాల్లో వెనుకడుగు వేస్తుండటంతో, దాని సాఫ్ట్ పవర్ దెబ్బతిందని విశ్లేషకులు అభిప్రాయపడుతున్నారు. చైనా ఆత్మవిశ్వాసం పెరుగుతున్న నేపథ్యంలో, అమెరికా-ఇరాన్ యుద్ధం కారణంగా ప్రపంచవ్యాప్తంగా ఇంధన సంక్షోభం ఏర్పడినా, చైనా ముందుకు సాగిందని విశ్లేషిస్తున్నారు. చైనా-అమెరికా సంబంధాలు సమాన స్థాయికి చేరుకున్నాయని కొందరు విశ్లేషకులు చెబుతున్నారు, అయితే బీజింగ్ ఈ పరిస్థితులను తమకు అనుకూలంగా మలుచుకోవాలని చూస్తోంది. సెప్టెంబర్ చివర్లో జరగనున్న ట్రంప్-జిన్పింగ్ భేటీపై ప్రపంచవ్యాప్తంగా ఆసక్తి పెరిగింది. ఈ చర్చల్లో ఎవరిది ఎక్కువ ఆధిపత్యం ఉంటుందో, చైనా ఎలాంటి డిమాండ్లు చేస్తుందో, ట్రంప్ ఏమైనా రాయితీలు ప్రకటిస్తారా అన్న ప్రశ్నలు తలెత్తుతున్నాయి. తైవాన్ అంశం చైనా-అమెరికా సంబంధాల్లో అత్యంత ప్రమాదకరమైన అంశంగా మారింది. ఆస్ట్రేలియా మాజీ ప్రధాని కెవిన్ రడ్ 2028 నాటికి చైనా తైవాన్పై దాడి చేసే అవకాశం మూడింట ఒకటిగా ఉందని అంచనా వేశారు. చైనా సైనిక విన్యాసాలు పెరిగిన నేపథ్యంలో, 2028లో తైవాన్ అధ్యక్ష ఎన్నికలు కీలక మలుపుగా మారవచ్చని ఆయన పేర్కొన్నారు. బీజింగ్ వ్యతిరేకించే డెమొక్రటిక్ ప్రోగ్రెసివ్ పార్టీ వరుసగా నాలుగోసారి గెలిచే అవకాశం ఉండటం కూడా ఒక ట్రిగ్గర్ పాయింట్గా మారవచ్చని హెచ్చరించారు. చైనా-అమెరికా సంబంధాల్లో యుద్ధం అనివార్యమయ్యే పరిస్థితి ఏర్పడుతోంది. థ్యూసిడిడీస్ (Thucydides Trap) అనే సిద్ధాంతం ప్రకారం, ఒక శక్తి వేగంగా బలహీనపడుతూ, మరో శక్తి వేగంగా ఎదుగుతున్నప్పుడు యుద్ధం తప్పనిసరి అవుతుంది. చైనా ఈ ప్రమాదాన్ని గుర్తించి, అమెరికాను అతిపెద్ద ముప్పుగా భావిస్తోంది. అయితే యుద్ధానికి బదులుగా దీర్ఘకాల పోటీకి సిద్ధమవుతున్నట్లు తెలుస్తోంది. చైనా అమెరికాను పూర్తిగా భర్తీ చేయడం కష్టమైనా, భవిష్యత్తులో అది జరిగే అవకాశం ఉందని విశ్లేషకులు అంటున్నారు. చైనా కొన్ని మార్పులు చేసుకోవాల్సి వస్తుందని, ముఖ్యంగా బెల్డ్ అండ్ రోడ్ ఇనిషియేటివ్లో పెట్టుబడులు తగ్గాయని చెబుతున్నారు. అంతర్జాతీయ సంస్థలకు మద్దతు పరిమితంగానే ఉండగా, దీన్ని పెంచుకోవాలని సూచిస్తున్నారు.