అమరావతి: ఏపీలో నిరుద్యోగులకు గుడ్‌న్యూస్‌. వివిధ శాఖల్లో మొత్తం 893 పోస్టుల భర్తీకి ఏపీపీఎస్సీ ( APPSC ) వేర్వేరుగా నోటిఫికేషన్లు జారీ చేసింది. వీటిలో 163 పోస్టులతో గ్రూప్‌-1 నోటిఫికేషన్‌ కూడా ఉంది. ఈ మేరకు వివరాలను ఏపీపీఎస్సీ అధికారిక వెబ్‌సైట్‌ లో అందుబాటులో ఉంచింది. గ్రూప్‌-1 పోస్టులకు అక్టోబర్‌ 6 నుంచి 27 వరకు దరఖాస్తులు స్వీకరించనున్నారు. దీని ద్వారా భర్తీ చేయనున్న వాటిలో డిప్యూటీ కలెక్టర్లు 11, ట్యాక్స్‌ సర్వీసెస్‌ అసిస్టెంట్‌ కమిషనర్లు 14, డీఎస్పీ సివిల్‌ 36, డీఎస్పీ కమ్యూనికేషన్స్‌ 3, డీఈవోలు 14, ట్రైబల్‌ వెల్ఫేర్‌ ఆఫీసర్లు 1, ఆర్టీవోలు 3, డిప్యూటీ రిజిస్టర్‌ కోఆపరేటివ్‌ సర్వీసెస్‌ 15, మున్సిపల్‌ కమిషనర్‌ గ్రేడ్‌-2 పోస్టులు 12, అసిస్టెంట్‌ ట్రెజరీ ఆఫీసర్‌ 2, డిస్ట్రిక్ట్‌ ఎంప్లాయిమెంట్‌ ఆఫీసర్‌ 3, అసిస్టెంట్‌ ఆడిట్‌ ఆఫీసర్‌ 14, డివిజినల్‌ డెవలప్‌మెంట్‌ ఆఫీసర్‌ 35 పోస్టులు ఉన్నాయి. గ్రూప్‌-1 పోస్టులకు అక్టోబర్‌ 6 నుంచి 27 వరకు దరఖాస్తులు స్వీకరించనున్నారు. మిగిలిన 729 పోస్టుల భర్తీకి అర్హత, నియామక పరీక్షల వివరాలు, ఇతర అంశాలను ఏపీపీఎస్సీ అధికారిక వెబ్‌సైట్‌లో పొందుపరిచింది. వీటి కోసం అక్టోబర్ 16 నుంచి నవంబర్‌ 5 వరకు దరఖాస్తులు స్వీకరించనున్నారు. .నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.