మనుషులు సామాజిక జీవులైనట్లే.. చీమలు కూడా అత్యంత సంఘజీవులు. కలిసి జీవించడం, ఆహారం సేకరించడం, పనులను పంచుకోవడం, తమ కాలనీని రక్షించుకోవడం.. ఇలా ప్రతి పనినీ సమన్వయంతో చేస్తాయి. చీమల ఈ సమిష్టి జీవన విధానం శాస్త్రవేత్తలను కూడా ఆశ్చర్యపరుస్తూనే ఉంటుంది. మన ఇంట్లో చీమలను గమనించినప్పుడు ఒక ఆసక్తికరమైన దృశ్యం కనిపిస్తుంది. ఒక చీమ చనిపోయి కనిపిస్తే.. కొద్దిసేపటికే మరికొన్ని చీమలు అక్కడికి చేరుకుని దానిని ఎత్తుకుని మరో ప్రదేశానికి తీసుకెళ్తాయి. అసలు అవి చనిపోయిన చీమను ఎందుకు మోసుకెళ్తాయి అంటే.. దీని వెనుక ఓ ఆసక్తికరమైన శాస్త్రీయ కారణం ఉంది.