Asianet News Telugu•19 Oct 2026
లెనిన్ మూవీ రిజల్ట్ ముందే తేల్చేసిన రోజా, షాకింగ్ కామెంట్స్.. నాగార్జున, అఖిల్ పై ఇలారోజా సెల్వమణి నటిగా, రాజకీయ నాయకురాలిగా రాణిస్తున్నారు. పాలిటిక్స్ లోకి ఎంట్రీ ఇచ్చాక సినిమాలు తగ్గించారు. జబర్దస్త్ లాంటి షోలతో రోజా బుల్లితెరపై కూడా మెరిసిన సంగతి తెలిసిందే. చాలా ఏళ్ళ పాటు రోజా జబర్దస్త్ షోకి జడ్జ్ గా వ్యవహరించారు. రోజా పాలిటిక్స్ లో ఫైర్ బ్రాండ్ గా గుర్తింపు పొందారు. ఆమె చేసే వ్యాఖ్యలు, రాజకీయ విమర్శలు తెగ వైరల్ అవుతున్నాయి. అఖిల్ అక్కినేని నటించిన లెనిన్ మూవీ రిలీజ్ సందర్భంగా రోజా చేసిన వ్యాఖ్యలు వైరల్ అవుతున్నాయి. లెనిన్ మూవీ గురించి మాట్లాడుతూ ఆమె చిన్న పొలిటికల్ టచ్ ఇచ్చారు. అఖిల్ లెనిన్ చిత్రం చిత్తూరు నేపథ్యంలో తెరకెక్కింది. రోజా కూడా అదే జిల్లా నుంచి రాజకీయాల్లో యాక్టివ్ గా ఉన్నారు. గతంలో నగిరి ఎమ్మెల్యేగా ప్రాతినిధ్యం వచించారు. దీనితో రోజా లెనిన్ మూవీపై ఆసక్తికర వ్యాఖ్యలు చేస్తూ ట్వీట్ చేశారు. రాయలసీమ నేపథ్యంలో, ప్రత్యేకంగా చిత్తూరు నేపథ్యంలో తెరకెక్కిన లెనిన్ మూవీ పట్ల చాలా ఆసక్తితో ఉన్నాను. స్టోరీ, స్క్రీన్ ప్లే ఎలా ఉండబోతోందో తెలుసుకోవాలి అనే ఆసక్తి ఉంది. ఈ చిత్రం పట్ల ఆడియన్స్ లో మంచి అంచనాలు ఉన్నాయి. ఆల్రెడీ పాజిటివ్ ఫీడ్ బ్యాక్ మొదలైంది అని విన్నాను. నాగార్జున, అఖిల్ లకు అడ్వాన్స్ కంగ్రాట్స్ అంటూ రోజా పోస్ట్ చేశారు. అక్కినేని ఫ్యామిలీతో రోజాకి మంచి అనుబంధమే ఉంది. ఆమె నాగార్జునతో రక్షణ, వజ్రం లాంటి చిత్రాల్లో నటించారు. లెనిన్ చిత్రంతో అఖిల్ తప్పనిసరిగా హిట్ అందుకుంటాడు అనే అంచనాలు ఉన్నాయి. మురళి కిషోర్ దర్శకత్వంలో తెరకెక్కిన లెనిన్ మూవీలో అఖిల్, భ్యాగ్యశ్రీ జంటగా నటించారు. శివాజీ ఈ చిత్రంలో కీలక పాత్రలో నటించారు. సోషల్ మీడియాలో లెనిన్ చిత్రానికి పాజిటివ్ రిపోర్ట్స్ మొదలయ్యాయి. ఇదే టాక్ కొనసాగితే అఖిల్ తొలి హిట్ అందుకున్నట్లే
