పీవీ సునీల్ కుమార్ ఐపీఎస్.. తెలుగు ప్రజలకు పరిచయం చేయాల్సిన అవసరం లేని వ్యక్తి. పీవీ సునీల్ కుమార్ రిటైర్మెంట్ వ్యవహారం కూడా ఇటీవలి కాలంలో తీవ్ర చర్చనీయాంశమైంది. తనపై ఉన్న ఆరోపణలు, కేసుల నేపథ్యంలో సస్పెన్షన్ సమయంలోనే సునీల్ కుమార్ పదవీ విరమణ తీసుకోవాల్సి వచ్చింది. అయితే ఏపీలో జరుగుతున్న తాజా రాజకీయ పరిణామాలపై పీవీ సునీల్ కుమార్ స్పందించారు. ఓ ఇంటర్వ్యూలో మాట్లాడుతూ తన అభిప్రాయాలు పంచుకున్నారు. ప్రశ్న రావణ్ అరెస్టును తాను వ్యతిరేకిస్తున్నట్లు పీవీ సునీల్ కుమార్ స్పష్టం చేశారు. అలాగే ఏపీ డిప్యూటీ సీఎం పవన్ కళ్యాణ్ కూడా భాష మార్చుకోవాలని సూచించారు. ప్రశ్న రావణ్ మీద వరుస కేసులు పెట్టడాన్ని తప్పుబట్టారు. " ప్రశ్న రావణ్ వ్యాఖ్యలు చేశాడు.. మీరు అరెస్ట్ చేశారు. అక్కడితో అయిపోయింది. వరుస కేసులు పెట్టి అరెస్టులు చేయడం తప్పు. కోర్టు బెయిల్ ఇచ్చినా కూడా ఎన్ని కేసులు పెడతారు. హైకోర్టు జోక్యం చేసుకుని మానవ హక్కులు పరిరక్షించాల్సి ఉంది. రావణ్ జర్నలిస్టు కాదా.. మాట్లాడే స్వేచ్ఛ లేదా.. పవన్ కళ్యాణ్ మాట్లాడిన మాటలనే తాను మాట్లాడినట్లు రావణ్ చెప్తున్నారు. పవన్ కళ్యాణ్ మాట్లాడినట్లు ఓ వీడియో వైరల్ అవుతోంది. నాకు తెలిసి పవన్ కళ్యాణ్ అలా మాట్లాడే వ్యక్తి కాదు. ఆయన జెంటిల్మెన్. ఆ వీడియో ఫేక్ అనుకుంటున్నా. పవన్ కళ్యాణ్ అలా మాట్లాడారని నేను నమ్మడం లేదు." అని పీవీ సునీల్ కుమార్ చెప్పుకొచ్చారు. "రాధా మనోహర్ దాస్, కరుణాకర్ అని ఒకరిద్దరు ఉన్నారు. పొద్దున లేచినప్పటి నుంచి దళితులను, క్రైస్తవమతాన్ని కించపరుస్తూనే ఉంటారు. సీమరాజా, జబర్దస్త్ ఆర్టిస్ కిరాక్ ఆర్పీ వాడే భాషేంటి.. వారికి చట్టం వర్తించదా, వారిపై కేసులు ఉండవా.. ఒక భాషను కొంతమంది మాట్లాడితే కేసు ఎందుకు అవుతోంది.. ఇంకొంతమంది మాట్లాడితే కేసు ఎందుకు కావడం లేదు. చట్టం సెలక్టివ్గా కొంతమందికే వర్తిస్తుందా.. అందరికీ వర్తించదా
