గంభీరా లేకశ్రేయస్ అయ్యరా ? నం.1 జట్టు వరుసగా 6 మ్యాచ్ లు ఓడిపోవడం వెనుక కారణం

Team India : ప్రపంచ టీ20 ర్యాంకింగ్స్‌లో అగ్రస్థానంలో నిలిచి, వరుసగా రెండు టీ20 వరల్డ్ కప్‌లను గెలిచిన ఒక బలమైన జట్టు.. అకస్మాత్తుగా వరుసగా 6 మ్యాచ్‌ల్లో ఓడిపోతుందంటే ఎవరైనా నమ్ముతారా? కానీ దురదృష్టవశాత్తూ భారత క్రికెట్ జట్టు విషయంలో ఇదే నిజమైంది. ప్రస్తుత యూకే పర్యటనలో టీమిండియా ఇప్పటివరకు ఒక్క టీ20 మ్యాచ్ కూడా గెలవలేకపోయింది. ఈ దారుణమైన ప్రదర్శనతో తాత్కాలిక కెప్టెన్ శ్రేయస్ అయ్యర్ విమర్శకుల పాలిట ప్రధాన లక్ష్యంగా మారారు. తన అంతర్జాతీయ కప్టెన్సీ కెరీర్‌లో ఆడిన మొదటి 7 మ్యాచ్‌లలో ఒక్క విజయాన్ని కూడా నమోదు చేయలేకపోయిన తొలి భారత కెప్టెన్‌గా అయ్యర్ అపకీర్తిని మూటగట్టుకున్నారు. సాధారణంగా మైదానంలో ఆడే ప్లేయింగ్ ఎలెవన్‌ను సిద్ధం చేయడంలో కేవలం ఆటగాళ్లే కాకుండా కెప్టెన్, హెడ్ కోచ్ కీలక పాత్ర పోషిస్తారు. కాబట్టి ఈ అవమానకరమైన ప్రదర్శనకు మైదానంలోకి దిగిన 11 మంది ఆటగాళ్లను మాత్రమే నిందించడం ఏమాత్రం సమంజసం కాదు. ఎందుకంటే మ్యాచ్‌కు సంబంధించిన వ్యూహాలను, ప్రణాళికలను కోచింగ్ స్టాఫ్ మాత్రమే రూపొందిస్తుంది. ఈ నేపథ్యంలో హెడ్ కోచ్ గౌతమ్ గంభీర్ కూడా విమర్శల పాలయ్యారు. మరి ఈ వరుస పరాజయాలకు, జట్టు పతనానికి అసలైన గుణపాఠం ఎక్కడ తప్పిందో లోతుగా పరిశీలిస్తే కొన్ని కీలక విషయాలు బయటపడతాయి. ఈ సిరీస్‌లో బ్యాటర్‌గా శ్రేయస్ అయ్యర్ ప్రదర్శన బాగానే ఉంది... ఆయన మొత్తం 218 పరుగులు చేశారు. కానీ కెప్టెన్‌గా బౌలర్లను ఉపయోగించుకోవడంలో మాత్రం అయ్యర్ దారుణంగా విఫలమయ్యారు. ముఖ్యంగా చివరి రెండు మ్యాచ్‌ల్లో ఇంగ్లండ్ బ్యాటర్లు భారీ భాగస్వామ్యాలు నెలకొల్పుతుంటే వాటిని బ్రేక్ చేయడంలో అయ్యర్ చేతులెత్తేశారు. నాల్గో టీ20లో జోస్ బట్లర్ త్వరగానే అవుట్ అయినా, ఫిలిప్ సాల్ట్, హ్యారీ బ్రూక్ వికెట్ పడకుండా మ్యాచ్‌ను గెలిపించారు. ఐదో టీ20లోనూ బట్లర్, బ్రూక్ అదే రీతిలో చెలరేగారు. ప్రత్యర్థి జట్టు భారీ భాగస్వామ్యాలు చేస్తున్నప్పుడు అయ్యర్