పవన్ కళ్యాణ్ కు సర్జరీ ఎందుకు అవసరమైంది, ఆయన కోలుకోవడానికి ఎంత సమయం పడుతుంది
S
Samayam TeluguVerified Publisher
ఏపీ డిప్యూటీ సీఎం, పవర్ స్టార్ పవన్ కళ్యాణ్కు ముంబైలోని ఒక ప్రైవేట్ ఆసుపత్రిలో భుజానికి శస్త్రచికిత్స విజయవంతంగా పూర్తయింది. ప్రస్తుతం ఆయన కోలుకుంటున్నారు. సర్జరీ జరిగిన మరుసటి రోజు ఏపీ సీఎం చంద్రబాబు నాయుడు ఆసుపత్రికి వెళ్లి పవన్ కళ్యాణ్ను పరామర్శించారు. ఆయన ఆరోగ్య పరిస్థితిని అడిగి తెలుసుకున్నారు. అసలు పవన్ కళ్యాణ్కు జరిగిన సర్జరీ ఏంటి? ఎందుకు డాక్టర్లు మూడున్నర గంటలు శ్రమించి ఈ ఆపరేషన్ నిర్వహించారు? కోలుకోవడానికి ఎంత సమయం పడుతుంది అన్న పూర్తి వివరాలు ఇప్పుడు తెలుసుకుందాం.పవన్ కళ్యాణ్కు సర్జరీ ఎందుకు అవసరమైంది?వైద్యుల పరీక్షల్లో పవన్ కళ్యాణ్ రెండు భుజాలకు తీవ్రమైన రోటేటర్ కఫ్ (Rotator Cuff - భుజం కండరాలు చిరిగిపోవడం) గాయాలు ఉన్నట్లు తేలింది. దీనివల్ల ఆయన కుడి భుజానికి దాదాపు మూడున్నర గంటల పాటు సుదీర్ఘ శస్త్రచికిత్స నిర్వహించారు. నిజానికి వైద్యులు దీనికి ముందే సర్జరీ చేయించుకోవాలని సూచించినప్పటికీ.. తన అధికారిక బాధ్యతలు, ప్రజా పనుల వల్ల పవన్ కళ్యాణ్ దీనిని వాయిదా వేస్తూ వచ్చారు. ఒకేసారి రెండు భుజాలకు ఆపరేషన్ చేస్తే కోలుకోవడం కష్టమవుతుందని భావించి, ప్రస్తుతానికి కేవలం కుడి భుజానికి మాత్రమే సర్జరీ చేశారు. ఎడమ భుజానికి మరో రెండు నెలల తర్వాత శస్త్రచికిత్స చేయాలని వైద్యులు నిర్ణయించారు.అసలు రోటేటర్ కఫ్ అంటే ఏంటి?మయోక్లినిక్ నివేదిక ప్రకారం మన భుజం కీలు ఊడిపోకుండా, చుట్టూ ఉండే కండరాలు, టెండన్ల (Tendons - కండరాలను ఎముకకు జతచేసే నరాలు) సమూహాన్ని రోటేటర్ కఫ్ (Rotator Cuff) అంటారు. ఇది మన పైచేయి ఎముక యొక్క గుండ్రటి భాగాన్ని భుజం యొక్క సాకెట్లో గట్టిగా పట్టి ఉంచుతుంది. మనం చేతిని పైకి ఎత్తడానికి, గుండ్రంగా తిప్పడానికి, తల దువ్వుకోవడం వంటి పనులు చేయడానికి ఇది చాలా ముఖ్యం. ఈ కండరాలు దెబ్బతిన్నప్పుడు లేదా వాపునకు గురైనప్పుడు సమస్యలు మొదలవుతాయి.ఎలాంటి లక్షణాలు కనిపిస్తాయి?మయోక్లినిక్ నివేదిక ప్రకారం