ఫ్రిజ్ లేకుండానే టమోటాలు ఎక్కువ రోజులు తాజాగా ఉండాలా

ఫ్రిజ్ లేకుండానే టమోటాలు ఎక్కువ రోజులు తాజాగా ఉండాలా? అయితే, ఈ సులభమైన చిట్కాలు పాటించాలని నిపుణులు సూచిస్తున్నారు. ఇంటర్నెట్ డెస్క్: టమోటాలు దాదాపు ప్రతి ఇంట్లో నిత్యం ఉపయోగించే కూరగాయ. అయితే, ఒకేసారి ఎక్కువగా కొనుగోలు చేస్తే అవి కొద్ది రోజుల్లోనే మెత్తబడటం లేదా పాడవడం సాధారణమే. అందుకే చాలామంది వెంటనే ఫ్రిజ్‌లో నిల్వ చేస్తుంటారు. అయితే, కొన్ని సులభమైన నిల్వ పద్ధతులు పాటిస్తే ఫ్రిజ్ అవసరం లేకుండానే టమోటాలను ఎక్కువ రోజులు తాజాగా, రుచిగా ఉంచుకోవచ్చని ఆహార నిపుణులు సూచిస్తున్నారు. టమోటాలను ఎప్పుడూ ఫ్రిజ్‌లో పెట్టడం సరైన పద్ధతి కాదని ఆహార నిపుణులు చెబుతున్నారు. పూర్తిగా పండని టమోటాలను చల్లటి వాతావరణంలో ఉంచితే అవి సహజంగా పండే ప్రక్రియ మందగిస్తుంది. అలాగే వాటి రుచి, సువాసన, ఆకృతి కూడా మారే అవకాశం ఉంటుంది. అందుకే పచ్చిగా లేదా సగం పండిన టమోటాలను గది ఉష్ణోగ్రతలోనే నిల్వ చేయడం మంచిది. టమోటాలను నిల్వ చేసేటప్పుడు వాటి కాడ ఉన్న భాగం కిందివైపు ఉండేలా ఉంచడం మంచిది. ఇలా చేయడం వల్ల తేమ త్వరగా బయటకు వెళ్లకుండా ఉండి, టమోటాలు ఎక్కువ రోజులు తాజాగా ఉండే అవకాశం ఉంటుంది. ఒకదానిపై ఒకటి పేర్చి ఉంచకుండా ఒకే వరుసలో అమర్చాలి. అరటిపండ్లు, యాపిల్స్ వంటి పండ్లకు దూరంగా ఉంచాలి. ఇవి విడుదల చేసే ఇథిలీన్ వాయువు వల్ల టమోటాలు త్వరగా పండిపోయి పాడయ్యే అవకాశం ఉంటుంది. వాడే వరకు టమోటాలను కడగకండి. తేమ ఎక్కువైతే బూజు పట్టే ప్రమాదం ఉంటుంది. టమోటాలు పూర్తిగా పండిపోయి వెంటనే ఉపయోగించే అవకాశం లేకపోతే వాటిని ఫ్రిజ్‌లో నిల్వ చేయవచ్చు. అయితే తినడానికి లేదా వంటలో ఉపయోగించడానికి సుమారు 30 నిమిషాల ముందు ఫ్రిజ్ నుంచి బయటకు తీసి ఉంచితే వాటి రుచి, సువాసన కొంతవరకు తిరిగి వస్తాయి. టమోటాలను సరైన పద్ధతిలో నిల్వ చేస్తే అవి ఎక్కువ రోజులు