రిలీజ్ కు ముందే సూర్య మూవీ సంచలనం.. విశ్వనాథ్ అండ్ సన్స్ బిజినెస్ ఎంతో తెలిస్తేఫ్యూజుల్ ఔట్

సూర్య హీరోగా, టాలీవుడ్ హిట్ డైరెక్టర్ వెంకీ అట్లూరి దర్శకత్వంలో 'విశ్వనాథ్ అండ్ సన్స్' తెరకెక్కుతోంది. ఇది ఆగస్టు 14న ప్రపంచవ్యాప్తంగా రిలీజ్ కానుంది. అయితే, ఈ సినిమా రిలీజ్‌కు ముందే ప్రీ-సేల్ బిజినెస్ ద్వారా రూ.300 కోట్లకు పైగా వసూలు చేసి అందరినీ ఆశ్చర్యపరిచింది. 'కరుప్పు' సక్సెస్ వల్లే ఈ రేంజ్ బిజినెస్ జరిగిందని చెప్పొచ్చు. `విశ్వనాథ్‌ అండ్‌ సన్స్` చిత్రంలో మలయాళ నటి మమితా బైజు హీరోయిన్‌గా నటిస్తోంది. ఫార్చ్యూన్ ఫోర్ సినిమాస్‌తో కలిసి సితార ఎంటర్‌టైన్‌మెంట్స్ బ్యానర్‌పై సూర్యదేవర నాగవంశీ, సాయి సౌజన్య ఈ సినిమాను నిర్మించారు. శ్రీకర స్టూడియోస్ సమర్పిస్తోంది. ఇటీవల రిలీజైన 'పట్టాంపూచి' అనే ఫస్ట్ సింగిల్ లిరికల్ వీడియోకు మంచి రెస్పాన్స్ వచ్చింది. జాతీయ అవార్డు గ్రహీత జి.వి. ప్రకాష్ కుమార్ దీనికి సంగీతం అందించారు. ఈ పాటలో హీరోయిన్ మమితా బైజు డ్యాన్స్ హైలైట్‌గా నిలిచింది. సూర్య 46వ చిత్రంగా వస్తున్న 'విశ్వనాథ్ అండ్ సన్స్'.. బ్లాక్‌బస్టర్ మూవీ 'లక్కీ భాస్కర్' తర్వాత దర్శకుడు వెంకీ అట్లూరి తీస్తున్న సినిమా. ఈ చిత్రానికి కథ, స్క్రీన్‌ప్లే కూడా వెంకీ అట్లూరినే అందించారు. రవీనా టాండన్, రాధికా శరత్‌కుమార్, భవానీ శ్రీ ఇతర కీలక పాత్రల్లో నటిస్తున్నారు. టీజర్, పోస్టర్లు చూస్తుంటే ఇది ఒక పక్కా ఫ్యామిలీ ఎంటర్‌టైనర్‌లా కనిపిస్తోంది. ఈ సినిమా ఓటీటీ హక్కులను నెట్‌ఫ్లిక్స్ దక్కించుకుంది. ఆగస్టు 14న థియేటర్లలోకి రానుంది