చరిత్ర సృష్టించినశ్రేయస్ అయ్యర్ .. కోహ్లీ రికార్డు సమం.. అంతర్జాతీయ
1
10TV TeluguVerified Publisher
నాలుగో టీ20 మ్యాచ్లో బ్యాట్తో అదరగొట్టిన శ్రేయస్ అయ్యర్ 49 బంతుల్లో అజేయంగా 80 పరుగులు పలు రికార్డులు నమోదు Shreyas Iyer : ఇంగ్లాండ్తో బ్రిస్టల్ వేదికగా జరిగిన నాలుగో టీ20 మ్యాచ్లో టీమ్ఇండియా కెప్టెన్ శ్రేయస్ అయ్యర్ అద్భుతమైన ఇన్నింగ్స్తో జట్టును ఆదుకున్నాడు. 49 బంతుల్లో 4 ఫోర్లు, 5 సిక్సర్ల సాయంతో అజేయంగా 80 పరుగులు చేశాడు. వరుసగా వికెట్లు కోల్పోయి ఒత్తిడిలో పడిన జట్టును ఆదుకున్నాడు. ఒంటరి పోరాటంతో గౌరవప్రదమైన స్కోరును అందించాడు. ఈ మ్యాచ్లో భారత్ ఓ దశలో 48 పరుగులకే మూడు వికెట్లు కోల్పోయి కష్టాల్లో పడింది. ఈ సమయంలో క్రీజులో నిలిచిన శ్రేయస్ అయ్యర్ కెప్టెన్ ఇన్నింగ్స్ ఆడాడు. పరిస్థితికి తగ్గట్టుగా ఇన్నింగ్స్ను నిర్మించాడు. ఆరంభంలో ఆచితూచి ఆడిన శ్రేయస్ అయ్యర్.. ఇన్నింగ్స్ చివరిలో వేగం పెంచి ఇంగ్లాండ్ బౌలర్లపై ఎదురుదాడికి దిగాడు. ఈ అజేయ ఇన్నింగ్స్తో శ్రేయస్ అయ్యర్ పలు అరుదైన రికార్డులను తన పేరిట నమోదు చేసుకున్నాడు. ఓ టీ20 మ్యాచ్లో ఇంగ్లాండ్ పై అత్యధిక పరుగులు చేసిన భారత కెప్టెన్గా విరాట్ కోహ్లీ రికార్డును సమం చేశాడు. 2021లో కోహ్లీ ఇంగ్లాండ్ పై కెప్టెన్గా 80 పరుగులు చేశాడు. Shreyas Iyer : ఆ ఒక్క తప్పు వల్లే ఓడిపోయాం.. లేదంటేనా.. టీమ్ఇండియా కెప్టెన్ శ్రేయస్ అయ్యర్ కామెంట్స్.. ఈ సిరీస్లో శ్రేయస్ అయ్యర్ ఇప్పటివరకు మొత్తం 190 పరుగులు చేశాడు. ఈ క్రమంలో ఇంగ్లాండ్ గడ్డపై ఓ ద్వైపాక్షిక టీ20 సిరీస్లో భారత్ తరఫున అత్యధిక పరుగులు చేసిన ఆటగాడిగా చరిత్ర సృష్టించాడు. గతంలో ఈ రికార్డు సూర్యకుమార్ యాదవ్ పేరిట ఉండేది. 2022లో ఇంగ్లాండ్తో జరిగిన మూడు మ్యాచ్ల టీ20 సిరీస్లో సూర్యకుమార్ యాదవ్ 171 పరుగులు సాధించాడు. ఇంగ్లాండ్తో ఓ ద్వైపాక్షిక టీ20 సిరీస్లో రెండు సార్లు 50కి పైగా స్కోర్లు చేసిన తొలి అంతర్జాతీయ