శ్రావణ మాసం రాకతో తెలుగు ఇళ్లలో పండుగల కలకల మొదలైంది. ఆధ్యాత్మిక శోభ, సంప్రదాయ బంధాలతో ఇళ్లు కళకళలాడుతుంటే... మరోవైపు పాఠశాలలు, కళాశాలల విద్యార్థులకు, ఐటీ. ప్రభుత్వ ఉద్యోగులకు వరుస సెలవులతో పండగ వాతావరణం నెలకొంది. ఆగస్టు నెల చివరి వారాల్లో ఆధ్యాత్మిక వేడుకలు, సాధారణ వారపు సెలవులు ఒకదానివెంట ఒకటి రావడం వల్ల వరుసగా 'లాంగ్ వీకెండ్స్' (Long Weekends) లభించబోతున్నాయి. దీంతో సొంత ఊళ్లకు ప్రయాణమయ్యే వారికీ, సుదూర ప్రాంతాలకు విహారయాత్రలకు వెళ్లాలనుకునే వారికీ అద్భుతమైన అవకాశం లభించింది. తెలుగువారికి అత్యంత ప్రీతిపాత్రమైన పండుగల్లో శ్రావణ శుక్రవారం వచ్చే వరలక్ష్మి వ్రతం ఒకటి. ఈ వారం ఆగస్టు 21వ తేదీ శుక్రవారం తెలుగు మహిళలు శ్రావణ వరలక్ష్మి వ్రతం జరుపుకోనున్నారు. ఈ పండుగ సందర్భంగా రెండు తెలుగు రాష్ట్రాల్లోని కొన్ని పాఠశాలలు, కళాశాలలు, ప్రైవేట్ సంస్థలకు సెలవు ఉంటుంది. ముఖ్యంగా హిందుత్వ ట్రస్టుల ఆధ్వర్యంలోనే విద్యాసంస్థలకు సెలవు ఉంటుంది. ఇక ప్రభుత్వ ఉద్యోగులకు తెలంగాణ, ఆంధ్ర ప్రదేశ్ ప్రభుత్వాలు ఆప్షనల్ హాలిడే ఇచ్చాయి... అంటే ఈరోజు ప్రభుత్వ ఉద్యోగాలు చేసేవాళ్లు ముందస్తు అనుమతితో సెలవు తీసుకోవచ్చు. వీరికి వేతనంతో కూడిన సెలవు లభిస్తుంది. ముఖ్యంగా వరలక్ష్మి వ్రతం చేసుకునే మహిళా ఉద్యోగులు ఈ ఆప్షనల్ హాలిడే వాడుకోవచ్చు. వరలక్ష్మి వ్రతం ముగిసిన వెంటనే శనివారం, ఆదివారం సాధారణ వారపు సెలవులు రానున్నాయి. దీనితో ఆగస్టు 21, 22, 23 తేదీలలో వరుసగా మూడు రోజుల పాటు లాంగ్ వీకెండ్ లభించనుంది. మహిళలకు పూజలు, నోములు నిర్వహించుకోవడానికి తగినంత సమయం లభించడంతో పాటు కుటుంబ సమేతంగా గడపడానికి ఇది అనువుగా మారింది. ఈ వారంలో సెలవులు ఇలా ముగుస్తాయో లేదో అలా వచ్చేవారం సెలవులు ప్రారంభం అవుతాయి. ఆగస్ట్ లాస్ట్ వీక్ లో వరుస సెలవులున్నాయి... నాలుగైదు రోజులు హాలిడేస్ వస్తున్నాయి. మొదట వారం మధ్యలో (ఆగస్ట్ 26, బుధవారం) ముస్లింల పవిత్ర