సందీప్ రెడ్డి వంగ 'రోమాంచకం'.. యూత్ ఫుల్ కంటెంట్ తోగ్లింప్స్
1
10TV TeluguVerified Publisher
Romanchakam Glimpse: దర్శకుడు సందీప్ రెడ్డి వంగ తన సొంత నిర్మాణ సంస్థ భద్రకాళి పిక్చర్స్ బ్యానర్ పై నేడు సరికొత్త చిత్రాన్ని ప్రకటించారు. ఈ సినిమాకు ‘రోమాంచకం’ అనే ఆసక్తికరమైన టైటిల్ను ఖరారు చేశారు. వైవిధ్యమైన కథలతో టాలీవుడ్లో తనదైన ముద్ర వేస్తున్న సందీప్ వంగ, ఈసారి యువ ప్రతిభను ప్రోత్సహిస్తూ ఈ ప్రాజెక్ట్ను పట్టాలెక్కించడం విశేషం. ఈ సందర్బంగా విడుదల చేసిన స్పెషల్ గ్లింప్స్ ఆడియన్స్ ను విశేషంగా ఆకట్టుకుంటోంది. Sai Krishna Case: సాయికృష్ణ కుటుంబానికి అండగా వైఎస్సార్సీపీ పార్టీ.. రూ. 20 లక్షల ఆర్థిక సాయం ఈ చిత్రంలో ‘మేము ఫేమస్’, ‘గోదారి గట్టు పైన’ వంటి సినిమాలతో ప్రేక్షకుల్లో మంచి గుర్తింపు తెచ్చుకున్న యువ హీరో సుమంత్ ప్రభాస్ ప్రధాన పాత్ర పోషిస్తున్నారు. అతనికి జోడీగా ‘8 వసంతాలు’ ఫేమ్ అనంతిక సనీల్ కుమార్ హీరోయిన్గా నటిస్తోంది. ఈ క్రేజీ కాంబినేషన్తో సరికొత్త కథాంశంతో వస్తున్న ఈ చిత్రంపై టాలీవుడ్ వర్గాల్లో అప్పుడే ఆసక్తి మొదలైంది. కొత్త దర్శకుడు వేణు గోపాల్ రెడ్డి ఈ సినిమా ద్వారా వెండితెరకు పరిచయం అవుతున్నారు. సందీప్ రెడ్డి వంగ నిర్మాణంలో వస్తున్న సినిమా కావడంతో, ‘రోమాంచకం(Romanchakam Glimpse)’ టైటిల్కు తగ్గట్టుగానే సరికొత్త కథనంతో, వినూత్నమైన ఎమోషన్స్తో ఈ చిత్రం ఉండబోతోందని సమాచారం. త్వరలోనే ఈ సినిమాకు సంబంధించిన మిగతా నటీనటులు, సాంకేతిక నిపుణుల వివరాలను చిత్ర యూనిట్ అధికారికంగా వెల్లడించనుంది