సాధారణంగా కృత్రిమ ఆక్సిజన్ను వైద్య చికిత్సలో భాగంగా చూస్తాం. కానీ, దానికి ఫ్లేవర్లు జోడించి, మానసిక ఉల్లాసం కోసం అందిస్తే ఎలా ఉంటుంది? సరిగ్గా ఇదే ఆలోచనతో మహారాష్ట్రలోని నాగ్పూర్కు చెందిన ఓ ఆసుపత్రి సరికొత్త ప్రయోగానికి శ్రీకారం చుట్టింది. 'ఆక్సిబార్' పేరుతో ఫ్లేవర్డ్ ఆక్సిజన్ సెషన్లను పరిచయం చేసింది. దీనికి సంబంధించిన వీడియో ఇప్పుడు సోషల్ మీడియాలో వైరల్ అవుతోంది.నాగ్పూర్లోని అనంత సూపర్ స్పెషాలిటీ ఆసుపత్రి ఈ వినూత్న 'ఆక్సిబార్'ను ఏర్పాటు చేసింది. నగరంలో ఇలాంటిది ఇదే మొదటిదని ఆసుపత్రి ప్రతినిధులు చెబుతున్నారు. డాక్టర్ విక్రాంత్ దేశ్ముఖ్ ఆలోచనతో ఈ కాన్సెప్ట్ను ప్రారంభించినట్లు ఒక వీడియోలో మహిళా ప్రతినిధి వివరించారు. ఇక్కడికి వచ్చేవారు నాలుగు రకాల ఫ్లేవర్లలో ఆక్సిజన్ను అనుభూతి చెందవచ్చని, ఈ ప్రక్రియలో అరోమాథెరపీతో పాటు డీప్ బ్రీతింగ్ కూడా ఉంటుందని తెలిపారు. ఇది వైద్య చికిత్స కాదని, కేవలం ఒక రిఫ్రెషింగ్ అనుభవం కోసమేనని స్పష్టం చేశారు.ఒక కాఫీ బ్రేక్ ఎలాగైతే మనసును తేలికపరుస్తుందో, ఈ ఆక్సిజన్ సెషన్ కూడా మానసిక చురుకుదనాన్ని, మూడ్ను మెరుగుపరచడానికి సహాయపడుతుందని నిర్వాహకులు వివరిస్తున్నారు. ఈ సెషన్లో భాగంగా గ్రీన్ టీ కూడా అందిస్తున్నారు. పరిశుభ్రతకు ప్రాధాన్యత ఇస్తూ, ప్రతి ఒక్కరికీ ఒకసారి మాత్రమే వాడే నాసల్ ప్రాంగ్స్ ఉపయోగిస్తున్నారు.ఈ ఆక్సిబార్కు సంబంధించిన ఇన్స్టాగ్రామ్ వీడియో ఆన్లైన్లో చర్చనీయాంశంగా మారింది. కొందరు దీన్ని ప్రయత్నించామని, అనుభవం చాలా ఆహ్లాదకరంగా ఉందని కామెంట్ చేయగా, మరికొందరు దీనిపై సరదాగా జోకులు పేల్చారు. అందుబాటులో ఉన్న ఫ్లేవర్ల గురించి ఆరా