మాస్ మహారాజ రవితేజ నటించిన లేటెస్ట్ మూవీ ‘ఇరుముడి’కి ప్రేక్షకుల నుంచి వస్తున్న పాజిటివ్ రెస్పాన్స్తో మేకర్స్ సంతోషం వ్యక్తం చేస్తున్నారు. ఈ చిత్ర విజయంపై సోషల్ మీడియా వేదికగా అభిమానులు, పలువురు సెలబ్రిటీలు అభినందనలు తెలుపుతున్నారు. ఈ క్రమంలో తాజాగా న్యాచురల్ స్టార్ నాని కూడా ‘ఇరుముడి’ రెస్పాన్స్ పై స్పందించాడు. ప్రజలు ఒక నటుడిని తమ సొంత మనిషిగా ఆదరించినప్పుడు, వారి ప్రేమను చాటుకోవడానికి ఒక చిన్న కారణం దొరికితే చాలని ఆయన అభిప్రాయపడ్డాడు. రవితేజ సాధించిన ఈ విజయం నిజమైన పండగలా అనిపిస్తుండగా, దర్శకుడు శివ నిర్వాణ గెలుపు తన సొంత గెలుపుగా అనిపిస్తోందని నాని ఎమోషనల్గా రాసుకొచ్చాడు. ఈ మెమోరబుల్ సక్సెస్ను అందించినందుకు మైత్రీ మూవీ మేకర్స్, సంగీత దర్శకుడు జీవీ ప్రకాష్తో పాటు చిత్ర యూనిట్ మొత్తానికి ఆయన అభినందనలు తెలుపుతూ ‘స్వామి శరణం’ అంటూ ట్వీట్ చేశాడు. ప్రస్తుతం నాని చేసిన ఈ పోస్ట్ సోషల్ మీడియాలో వైరల్ అవుతోంది
.