ఫస్ట్ కాపి మూవీస్, కేడి&కో బ్యానర్లపై పంచుమర్తి నరేష్ బాబు నిర్మాణంలో, వాచస్పతి దర్శకత్వంలో రూపొందుతున్న సరికొత్త సస్పెన్స్ ఇన్వెస్టిగేటివ్ థ్రిల్లర్ 'మిస్సింగ్ మేఘన'. రామ్ కార్తీక్, అమ్ము అభిరామి, వైదిక సెంజాలియా, అంకిత్ కొయ్య ప్రధాన పాత్రల్లో నటిస్తున్న ఈ సినిమా ప్రమోషన్స్ శరవేగంగా జరుగుతున్నాయి. ఇటీవల సెన్సేషనల్ డైరెక్టర్ వి. వి. వినాయక్ చేతుల మీదుగా ఫస్ట్ లుక్ విడుదల కాగా, తాజాగా లెజెండరీ ప్రొడ్యూసర్ డి. సురేష్ బాబు చేతుల మీదుగా ఈ చిత్రంలోని మొదటి పాట "పిల్ల పిల్ల పిల్ల"ను ఘనంగా లాంచ్ చేశారు. పాటను విడుదల చేసిన అనంతరం ప్రొడ్యూసర్ సురేష్ బాబు మాట్లాడుతూ... "పిల్ల పిల్ల పిల్ల" సాంగ్ మెలోడీ చాలా హాయిగా, బాగుందని మెచ్చుకుంటూ చిత్ర బృందానికి శుభాకాంక్షలు తెలిపారు. నిర్మాత పంచుమర్తి నరేష్ బాబు మాట్లాడుతూ... తమ సినిమా పూజా కార్యక్రమాలు చారిత్రాత్మక రామానాయుడు స్టూడియోలోనే ప్రారంభమయ్యాయని, ఇప్పుడు అదే స్టూడియోస్ అధినేత, గోల్డెన్ హ్యాండ్ సురేష్ బాబు చేతుల మీదుగా ఫస్ట్ సింగిల్ రావడం ఎంతో ఆనందంగా ఉందని అన్నారు. మ్యూజిక్ డైరెక్టర్ ఆర్.ఆర్. ధృవన్ కాంబినేషన్లో తమకు ఇది రెండో ప్రాజెక్ట్ అని, ధృవన్ బాణీలు కట్టి, స్వయంగా రాసిన ఈ పాటను ప్రముఖ గాయకుడు జావేద్ అలీ అద్భుతంగా ఆలపించారని పేర్కొన్నారు. హీరో రామ్ కార్తీక్, మ్యూజిక్ డైరెక్టర్ ఆర్.ఆర్. ధృవన్ తమ సంతోషాన్ని పంచుకుంటూ... రామానాయుడు స్టూడియోస్ నుంచి ఈ పాట విడుదల కావడం ఒక మంచి అనుభూతిని ఇచ్చిందని చెప్పారు. దర్శకుడు వాచస్పతి ఈ చిత్రాన్ని ఆద్యంతం ఉత్కంఠ రేకెత్తించే సీట్ ఎడ్జ్ థ్రిల్లర్గా మలిచారని, శామ్.కె.నాయుడు సినిమాటోగ్రఫీ ఈ సినిమాకు ప్రధాన ఆకర్షణగా నిలుస్తుందని తెలిపారు. ఈ లాంచ్ కార్యక్రమంలో నిర్మాతలు బెక్కం వేణుగోపాల్, కో ప్రొడ్యూసర్ శ్రీనివాస్ తదితరులు పాల్గొన్నారు. గోపరాజు రమణ, నళిని, కౌశిక్, మహిపాల్ లాంటి సీనియర్ నటీనటులు ముఖ్య