ఆడంబరాల్లేని ఆమిర్ ఖాన్ పెళ్లి

బాలీవుడ్‌ మిస్టర్‌ పర్‌ఫెక్ట్‌ ఆమిర్‌ఖాన్‌ జీవితంలో కొత్త వెలుగులు నింపుతూ ఆదివారం ఆయనతో జీవితాన్ని పంచుకోబోతున్నారు బెంగళూరు బ్యూటీ గౌరీ స్ప్రాట్. బాలీవుడ్‌ మిస్టర్‌ పర్‌ఫెక్ట్‌ ఆమిర్‌ఖాన్‌ (Aamir Khan) జీవితంలో కొత్త వెలుగులు నింపుతూ ఆదివారం ఆయనతో జీవితాన్ని పంచుకోబోతున్నారు బెంగళూరు బ్యూటీ గౌరీ స్ప్రాట్ (Gauri Spratt). ఒక స్టార్‌కు కాబోయే భార్యగానే కాకుండా.. విభిన్న సంస్కృతుల నేపథ్యం, స్వయంకృషితో ఎదిగిన వ్యాపారవేత్తగా, ప్రైవసీని ప్రేమించే మినిమలిస్ట్‌‍గా ఆమె ప్రయాణం ఇప్పుడు అందరినీ ఆకట్టుకుంటోంది. పాతికేళ్లనాటి స్నేహబంధాన్ని వైవాహిక జీవితంగా మార్చుకుంటున్న ఈ ‘వండర్‌ విమన్‌’ గురించి తెలుసుకుందాం. గౌరీ స్ప్రాట్ (47) ఒక సాధారణ వ్యాపారవేత్త మాత్రమే కాదు, ఆమె కుటుంబానికి ఒక గొప్ప చారిత్రక నేపథ్యం ఉంది. తమిళ-బ్రిటిష్‌ మూలాలున్న తండ్రి రాబర్ట్‌ స్ప్రాట్ .. పంజాబీ-ఐరిష్‌ నేపథ్యం ఉన్న తల్లి రీటా స్ప్రాట్ ల కుమార్తె ఆమె. మరీ ముఖ్యంగా భారత స్వాతంత్య్ర ఉద్యమంలో పాల్గొన్న ప్రముఖ బ్రిటిష్‌-ఇండియన్‌ కమ్యూనిస్ట్‌ మేధావి ఫిలిప్‌ స్ప్రాట్ మనవరాలే ఈ గౌరీ స్ప్రాట్. ఊటీలో పాఠశాల విద్యాభ్యాసం పూర్తిచేసిన ఆమె.. ఆ తర్వాత ‘యూనివర్సిటీ ఆఫ్‌ ది ఆర్ట్స్‌ లండన్‌’ నుంచి ఫ్యాషన్‌ డిజైనింగ్‌, ఫొటోగ్రఫీలో డిగ్రీ పట్టా పుచ్చుకున్నారు. ఆమిర్‌ఖాన్‌ కజిన్‌ నుజహత్‌ఖాన్‌ ద్వారా 25 ఏళ్ల క్రితమే గౌరికి ఆమిర్‌తో పరిచయం ఏర్పడింది. సుదీర్ఘకాలం మంచి స్నేహితులుగా ఉన్న వీరిద్దరూ గతేడాది మార్చిలో ఆమిర్‌ 60వ పుట్టిన రోజు సందర్భంగా తమ రిలేషన్‌షిప్‌ను ప్రపంచానికి ప్రకటించారు. ఏడాది కాలంగా బాంద్రాలోని అపార్ట్‌మెంట్‌లో కలిసి నివసిస్తున్న ఈ జంట.. చివరికి వివాహ బంధంతో ఒక్కటి కావాలని నిర్ణయించుకుంది. తమ రిలేషన్‌ గురించి ఆమిర్‌ గతంలో మాట్లాడిన మాటలు వీరి బంధం ఎంత గాఢమైనదో చెబుతాయి. ‘నా మనసులో ఆమెతో నాకు ఎప్పుడో పెళ్లయిపోయింది. గౌరి నా జీవితంలోకి రావడం నాకు దేవుడిచ్చిన ఆశీర్వాదం. ఇన్నాళ్లకు నేను పరిపూర్ణుడినయ్యానని అనిపిస్తోంది’