‘ది ప్యారడైజ్’ (The Paradise) స్పెషల్ సాంగ్ షూటింగ్ పూర్తయింది. హైదరాబాద్ లో వేసిన ప్రత్యేకమైన సెట్ లో దాదాపు 4 రోజుల పాటు నాని (Nani), కీర్తిసురేష్ (Keerthy Suresh) కాంబినేషన్ లో ఈ సాంగ్ ను షూట్ చేశారు. ఆట సందీప్ కొరియోగ్రఫీలో మంచి జాణపద బాణీగా ఈ పాట రాబోతోంది. స్పెషల్ సాంగ్స్ స్పెషలిస్టు అనిరుధ్, ఈ పాటను తనదైన శైలిలో రక్తికట్టించాడనే టాక్ నడుస్తోంది. ఈ విషయాలన్నీ పక్కనపెడితే, ఇప్పుడు కీర్తిసురేష్ పాటకు కంపారిజన్స్ మొదలయ్యాయి. దీనికి కారణం ‘పెద్ది’ సినిమా. రామ్ చరణ్ హీరోగా నటించిన ఈ సినిమాలో శృతిహాసన్ ఐటెంసాంగ్ చేసింది. ఆ పాట వచ్చిన కొన్ని నెలలకే కీర్తిసురేశ్ నుంచి స్పెషల్ సాంగ్ వస్తోంది. దీంతో.. శృతిహాసన్ Vs కీర్తిసురేష్ అన్నట్టుగా చర్చ సాగుతోంది. ‘పెద్ది’ ఐటెంసాంగ్ లో చేసిందన్న మాటే తప్ప, శృతిహాసన్ కు పెద్దగా క్రేజ్ రాలేదు. ఆ పాట హిట్టయినప్పటికీ శృతిహాసన్ చుట్టూ క్రేజ్ బిల్డప్ అవ్వలేదు. మధ్యలో జాన్వి కపూర్ వచ్చి డామినేట్ చేసిందనే టాక్ కూడా నడిచింది అప్పట్లో. ఇప్పుడు షార్ట్ గ్యాప్ లోనే కీర్తిసురేష్ నుంచి సాంగ్ వస్తోంది. ఈ పాట హిట్టయితే, ఈ సెగ్మెంట్ లో శృతిహాసన్ పై కీర్తిసురేశ్ పైచేయి సాధించినట్టవుతుంది. అన్నట్టు, ‘ది ప్యారడైజ్’ విడుదలకు ముందే కీర్తిసురేష్ చేసిన స్పెషల్ సాంగ్ కు సంబంధించి నిమిషం నిడివి క్లిప్ ను రిలీజ్ చేసే ఆలోచనలో ఉన్నారు మేకర్స్
.