ముఖం తాజాగా, కాంతివంతంగా కనిపించాలని అందరూ కోరుకుంటారు. అయితే ప్రతిసారీ పార్లర్కు వెళ్లడం సాధ్యం కాదు. అలాంటప్పుడు ఇంట్లోనే సులభంగా చేసుకోగల కివీ ఫేషియల్ ఉపయోగపడవచ్చు. ఇంటర్నెట్ డెస్క్: ముఖం తాజాగా, కాంతివంతంగా కనిపించాలని ప్రతి ఒక్కరూ కోరుకుంటారు. అయితే ప్రతిసారీ పార్లర్కు వెళ్లడానికి సమయం ఉండకపోవచ్చు. అలాంటప్పుడు ఇంట్లోనే అందుబాటులో ఉన్న కొన్ని పదార్థాలతో సింపుల్గా ఫేషియల్ చేసుకోవచ్చు. తక్కువ సమయంలో ముఖానికి ఫ్రెష్ లుక్ రావాలనుకుంటే కివీ ఫేషియల్ ప్రయత్నించవచ్చు. ఫేషియల్ ప్రారంభించే ముందు ముఖాన్ని బాగా శుభ్రం చేసుకోవాలి. ఆ తర్వాత ఒక టీస్పూన్ కివీ గుజ్జులో ఒక టీస్పూన్ అలోవెరా జెల్ కలపాలి. ఈ మిశ్రమాన్ని ముఖానికి రాసుకుని సున్నితంగా మసాజ్ చేయాలి. ఇలా 2–3 నిమిషాలు చేసిన తర్వాత ముఖాన్ని నీటితో కడుక్కోవాలి. ఫేస్ ప్యాక్ కోసం రెండు టీస్పూన్ల కివీ గుజ్జులో ఒక టీస్పూన్ తేనె కలపాలి. పొడి చర్మం ఉన్నవారు ఇందులో అర టీస్పూన్ పెరుగు కలుపుకోవచ్చు. జిడ్డు చర్మం ఉన్నవారు అర టీస్పూన్ శనగపిండి కలుపుకోవచ్చు. ఈ మిశ్రమాన్ని ముఖానికి సమంగా రాసుకుని 7–10 నిమిషాలు అలాగే ఉంచాలి. ఆ తర్వాత సాధారణ నీటితో ముఖాన్ని కడిగి, తేలికపాటి మాయిశ్చరైజర్ రాసుకోవాలి. కివీలో ఉండే విటమిన్ సి, యాంటీఆక్సిడెంట్లు చర్మ సంరక్షణలో సహాయపడవచ్చు. కివీని ఆహారంలో భాగంగా తీసుకోవడం వల్ల కూడా ఆరోగ్యకరమైన చర్మానికి అవసరమైన పోషకాలు లభిస్తాయి. విటమిన్ సి శరీరంలో కొల్లాజెన్ తయారీలో కూడా కీలక పాత్ర పోషిస్తుంది. అయితే ఇంట్లో తయారు చేసే ఫేస్ ప్యాక్లు అందరికీ ఒకే విధంగా పనిచేయకపోవచ్చు. కివీ లేదా ఏదైనా ఇంట్లో తయారు చేసిన ఫేస్ ప్యాక్ను ముఖానికి రాసుకునే ముందు చిన్న ప్రాంతంలో ప్యాచ్ టెస్ట్ చేయడం మంచిది. దురద, మంట, ఎర్రగా మారడం లేదా ఇతర అసౌకర్యం కనిపిస్తే వెంటనే ఉపయోగించడం ఆపేయాలి. Note: ఇందులోని సమాచారం ఇంటర్నెట్లో అందుబాటులో