INDW vs PAKW : పాక్బ్యాటర్లకు చుక్కలు.. 8.4 ఓవర్లలోనే భారత్ విక్టరీ!
<figure><img src="https://static.10tv.in/wp-content/uploads/2026/09/INDW-vs-PAKW-1024x576.jpg" class="attachment-large size-large wp-post-image" alt="INDW vs PAKW" decoding="async" fetchpriority="high" /></figure><ul> <li><strong>పాక్కు స్పిన్ షాక్.. భారత్కు హ్యాట్రిక్</strong></li> <li><strong>55కే పాక్ ప్యాకప్.. భారత్ ఘన విజయం</strong></li> <li><strong>చరణి, రావత్ దెబ్బకు పాక్ చిత్తు.. భారత్ సెమీస్కు</strong></li> </ul> <p><strong>INDW vs PAKW :</strong> మహిళల ఆసియా కప్లో టీమిండియా జైత్రయాత్ర కొనసాగుతోంది. వరుసగా మూడో విజయంతో భారత్ హ్యాట్రిక్ సాధించింది. చిరకాల ప్రత్యర్థి పాకిస్థాన్తో జరిగిన ఏకపక్ష పోరులో 7 వికెట్ల తేడాతో భారీ ఘన విజయాన్ని అందుకుంది. భారత స్పిన్నర్లు శ్రీ చరణి, ప్రేమా రావత్ విజృంభించడంతో తొలుత బ్యాటింగ్ చేసిన పాకిస్థాన్ 18.1 ఓవర్లలో కేవలం 55 పరుగులకే కుప్పకూలింది. అనంతరం స్వల్ప లక్ష్యాన్ని భారత్ 8.4 ఓవర్లలో 3 వికెట్లు కోల్పోయి ఛేదించింది.</p> <p>టాస్ గెలిచి బ్యాటింగ్ ఎంచుకున్న పాకిస్థాన్కు షఫాలీ వర్మ తొలి దెబ్బ తగిలింది. మునీబా అలీని 13 రన్స్ వద్ద బౌల్డ్ చేసి వికెట్ల పతనానికి నాంది పలికింది. ఆ తర్వాత శ్రీ చరణి, ప్రేమా రావత్ స్పిన్తో పాక్ బ్యాటర్లను ఉక్కిరిబిక్కిరి చేశారు. మరో ఓపెనర్ షవాల్ జుల్ఫికర్ 14 రాణించగా, మిగతా బ్యాటర్లు ఎవరూ రెండంకెల స్కోరు దాటలేకపోయారు. 4 బ్యాటర్లు డకౌటయ్యారు.</p> <p><strong>Read Also : <a href="https://10tv.in/telugu-news/business/honda-september-offers-elevate-gets-rs-1-79-lakh-benefit-check-here-complete-details-sh-1132952.html">Honda September Offers : హోండా కార్లపై భారీ ఆఫర్లు.. ఎలివేట్పై ఏకంగా రూ.1.79 లక్షల బెనిఫిట్..!</a></strong></p> <p>శ్రీ చరణి 3 వికెట్లకు కేవలం 7 పరుగులు ఇచ్చింది. ప్రేమా రావత్ 3 వికెట్లతో 9 పరుగులకే పరిమితమైంది. దీప్తి శర్మ 2, షఫాలీ వర్మ ఒక వికెట్ పడగొట్టారు. దీంతో పాకిస్థాన్ 55 పరుగులకే ఆలౌటైంది. అంతర్జాతీయ టీ20ల్లో పాక్కు ఇదే అత్యల్ప స్కోరు. 2024లో న్యూజిలాండ్పై 56 పరుగులకు ఆలౌటైంది.</p> <p>లక్ష్య ఛేదనలో భారత్కు ఫాతిమా సనా ఆరంభంలోనే గట్టి షాకిచ్చింది. షఫాలీ వర్మ 12, ప్రతీకా రావల్ 4 పరుగుల వద్ద ఔటయ్యారు. ఆ తర్వాత స్మృతి మంధాన 9 పరుగుల వద్ద ఎల్బీగా వెనుదిరిగింది. దీంతో భారత్ 29 పరుగులకే 3 వికెట్లు కోల్పోయింది.</p> <p>అయితే, కెప్టెన్ హర్మన్ప్రీత్ కౌర్, దీప్తి శర్మ ఆచితూచి ఆడారు. చివరిలో నష్ర వేసిన 9వ ఓవర్లో హర్మన్ప్రీత్ వరుసగా ఫోర్, సిక్స్ బాది మ్యాచ్ ముగించింది. హర్మన్ప్రీత్ 18, దీప్తి శర్మ 12 పరుగులతో నాటౌట్గా నిలిచారు. ఈ విజయంతో పాకిస్థాన్పై ఆసియా కప్లో భారత్ తన ఆధిపత్యాన్ని కొనసాగిస్తూ సెమీఫైనల్కు దూసుకెళ్లింది.</p> INDW vs PAKW : మహిళల ఆసియా కప్లో భారత్ హ్యాట్రిక్ విజయం సాధించింది. శ్రీచరణి, ప్రేమా రావత్ స్పిన్ ధాటికి పాకిస్థాన్ 55 పరుగులకే ఆలౌటైంది. భారత్ 8.
