ఏళ్లు.. 3 మ్యాచ్ లు.. హిస్టరీ రిపీట్..మూడుమ్యాచుల్లోనూ ఇండియాను వదలని శాపం

IND vs ENG : ఇంగ్లాండ్‌తో బుధవారం (జూలై 1) ప్రారంభమైన ఐదు మ్యాచ్‌ల టీ20 సిరీస్‌లో మొదటి మ్యాచ్ వర్షం కారణంగా రద్దయిన సంగతి తెలిసిందే. డర్హమ్ లోని చేస్టర్-లే-స్ట్రీట్ (రివర్‌సైడ్ గ్రౌండ్) మైదానంలో టీమిండియా 20 ఓవర్ల పాటు అద్భుతంగా బ్యాటింగ్ చేసి 189 పరుగుల భారీ స్కోరు సాధించింది. కానీ ఆ తర్వాత ఇంగ్లాండ్ ఇన్నింగ్స్ ఒక్క బంతి కూడా పడకుండానే వాన దెబ్బకు మ్యాచ్ రద్దయింది. అయితే ఈ గ్రౌండ్‌లో భారత్-ఇంగ్లాండ్ మ్యాచ్ ఇలా రద్దు కావడం ఇదే మొదటిసారి కాదు. ఇక్కడ టీమిండియా పురుషుల జట్టు ఆడిన ఏ ఒక్క మ్యాచ్ కూడా ఇప్పటివరకు పూర్తి కాలేదు. గడిచిన 24 ఏళ్లలో ఇక్కడ భారత జట్టుకు ఒక అంతుచిక్కని, విచిత్రమైన రికార్డు ఉంది. భారత పురుషుల క్రికెట్ జట్టు ఈ మైదానంలో మొదటిసారిగా 24 ఏళ్ల క్రితం, అంటే 2002 లో అడుగుపెట్టింది. అప్పటి నుండి ఇప్పటివరకు (2026 వరకు) భారత్ ఇక్కడ మొత్తం 3 అంతర్జాతీయ మ్యాచ్‌లు ఆడింది. ఆశ్చర్యకరమైన విషయం ఏంటంటే.. ఈ మూడు మ్యాచుల్లోనూ ఫలితం తేలలేదు. ఈ మూడు సార్లూ భారత జట్టు మొదట బ్యాటింగ్ చేసి భారీ స్కోర్లు సాధించింది. కానీ ఇంగ్లాండ్ జట్టు ఛేజింగ్ ప్రారంభించిన కొద్దిసేపటికే వాన పడి మ్యాచ్‌లు రద్దయ్యాయి. ఇలా వరుసగా మూడు సార్లు ఒకే గ్రౌండ్‌లో ఒకే రకమైన సంఘటన జరగడం క్రికెట్ చరిత్రలోనే చాలా అరుదుగా కనిపిస్తుంది. మొదటిసారి 2002లో ఇంగ్లాండ్‌తో జరిగిన వన్డే మ్యాచ్‌లో టీమిండియా టాస్ గెలిచి మొదట బ్యాటింగ్ చేసి 4 వికెట్ల నష్టానికి 285 పరుగుల భారీ స్కోర్ చేసింది. ఆ తర్వాత ఇంగ్లాండ్ టీమ్ 12.3 ఓవర్లలో 1 వికెట్ నష్టానికి 53 పరుగులు చేసిన సమయంలో భారీ వర్షం పడి మ్యాచ్ ఆగిపోయింది. ఆ తర్వాత సరిగ్గా 9 ఏళ్లకు, అంటే 2011