హైదరాబాద్-విజయవాడ హైవేకు మహర్దశ.. ఇక ఎంత టైంలో రీచ్ అవుతారో తెలుసా

తరహాలో అభివృద్ధి చేయనున్నారు. ప్రస్తుత రహదారిని ఆరు వరుసలుగా విస్తరించడంతో పాటు భద్రత కోసం రెండు వైపులా క్రాష్ బారియర్లు ఏర్పాటు చేయనున్నారు. ప్రధాన రహదారికి ఇరువైపులా రెండు వరుసల సర్వీస్ రోడ్లను కూడా నిర్మించనున్నారు. దీంతో ప్రధాన రహదారిపై స్థానిక రాకపోకల ఒత్తిడి తగ్గే అవకాశం ఉంది.

ప్రతి 15-18 కిలోమీటర్లకు ఎంట్రీ, ఎగ్జిట్..

కొత్తగా అభివృద్ధి చేసే కారిడార్‌లో ప్రయాణికుల ప్రవేశ, నిష్క్రమణ కోసం ప్రత్యేక పాయింట్లను ఏర్పాటు చేయనున్నారు. సుమారు ప్రతి 15 నుంచి 18 కిలోమీటర్లకు ఒక ఎంట్రీ-ఎగ్జిట్ పాయింట్ ఉండేలా ప్రణాళిక రూపొందించారు. ఈ విధానంలో రెండు దిశల్లో కలిపి దాదాపు 30 టోల్ ప్లాజాలు ఏర్పాటు చేసే అవకాశం ఉంది.

ఈ ప్రాజెక్టులో టోల్ వసూళ్లకు కొత్త విధానాన్ని అమలు చేయాలని ప్రతిపాదించారు. వాహనం ఎంత దూరం ప్రయాణిస్తే అంత మేరకే టోల్ చెల్లించే విధంగా సాంకేతిక పరిజ్ఞానాన్ని వినియోగించనున్నారు.

ఔటర్ రింగ్ రోడ్డుపై ఉన్న విధానాన్ని పోలిన సాంకేతిక వ్యవస్థ ద్వారా వాహనం హైవేలోకి ప్రవేశించే సమయంలో వివరాలు నమోదు అవుతాయి. ప్రయాణికుడు హైవే నుంచి బయటకు వచ్చే సమయంలో ప్రయాణించిన దూరాన్ని లెక్కించి టోల్ వసూలు చేసేలా వ్యవస్థను రూపొందించనున్నారు.

హైదరాబాద్-విజయవాడ-మచిలీపట్నం హైవే విస్తరణ ప్రతిపాదనకు పీపీపీఏసీ ఆమోదం లభించడంతో తదుపరి ప్రక్రియకు మార్గం ఏర్పడింది. ఇప్పుడు ఈ ప్రాజెక్టు ప్రతిపాదన కేంద్ర మంత్రివర్గం పరిశీలనకు వెళ్లనుంది.

కేంద్ర క్యాబినెట్ నుంచి తుది ఆమోదం లభించిన తర్వాత టెండర్లు, నిర్మాణానికి సంబంధించిన తదుపరి చర్యలను ప్రారంభించే అవకాశం ఉంది. ఈ ప్రాజెక్టు పూర్తయితే హైదరాబాద్ నుంచి విజయవాడ, మచిలీపట్నం వైపు ప్రయాణం మరింత వేగంగా, సురక్షితంగా మారే అవకాశం ఉంది. అంతేకాకుండా.. ప్రయాణ సమయం దాదాపు గంట వరకు తగ్గే అవకాశం ఉందని పేర్కొంటున్నారు. సౌకర్యవంతంగా దీనిని నిర్మించనున్నారు. ప్రస్తుతం హైదరాబాద్ నుంచి విజయవాడకు ప్రయాణ సమయం దాదాపు 5గంటలకు పైగా ఉంది. ఇది బాగా తగ్గుతుందని పేర్కొంటున్నారు.

మరిన్ని తెలంగాణ వార్తల కోసం ఇక్కడ క్లిక్ చేయండి..