పిల్లల్ని... పాకెట్ మనీతో నచ్చినవి కొనుక్కోమనడమే కాదు.. పొదుపూ ఒంటపట్టించుకునేలా చేయాలి. అప్పుడే పెద్దయ్యాక ఆర్థిక క్రమశిక్షణ అలవడుతుంది. పిల్లల్ని... పాకెట్‌ మనీతో నచ్చినవి కొనుక్కోమనడమే కాదు.. పొదుపూ ఒంటపట్టించుకునేలా చేయాలి. అప్పుడే పెద్దయ్యాక ఆర్థిక క్రమశిక్షణ అలవడుతుంది. అందుకోసం ఏం చేయాలంటే... మీ పిల్లలకి పొదుపు అలవరచడానికి అందమైన ఓ పిగ్గీ బ్యాంకుని కొనివ్వండి. మొదట సరదాగా అందులో దాచడం నేర్పించండి. ఆపై కొన్నాళ్లు ఆగి దాన్నుంచి పెద్ద మొత్తంలో డబ్బు తీయండి. ఎప్పట్నుంచో మీ పాప అడుగుతున్న సైకిల్, కారు, బొమ్మ... వంటివి కొనివ్వండి. అది వాళ్లకి ఎంత సంతృప్తినిస్తుందో! అది మొదలు ఓ లక్ష్యాన్ని ఏర్పరచి పొదుపు చేయడం తెలియజేయాలి. కాస్త ఊహ వచ్చాక పోస్టాఫీసులో ఖాతా తెరవండి. బ్యాంకులోనూ దాచుకోవచ్చని చూపించండి. అప్పుడు వడ్డీ రూపంలో అదనంగా వచ్చే డబ్బు, అవసరానికి ఉపయోగపడుతున్న తీరు అర్థమవుతాయి. చిన్నారులు ఆర్థిక పాఠాలు నేర్చుకోవడానికి వాళ్ల చేతికి కొంత మొత్తం ఇవ్వాల్సిందే. అయితే ఆ డబ్బును వారు ఎలా ఖర్చు చేస్తున్నారో రోజూ నోట్‌బుక్‌లో రాయమని చెప్పండి. వారాంతంలో అవన్నీ లెక్కేస్తే... వృథా ఎక్కడ అయ్యాయో తెలుసుకోగలుగుతారు. అప్పుడు తిట్టకండి. అందుకు కారణాలు నెమ్మదిగా వివరించండి. ఆ అనుభవమే వాళ్లకి జీవిత పాఠం అవుతుంది. .నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు. For Editorial Feedback eMail: For digital advertisements Contact : 040 - 23318181 eMail: marketing@eenadu.in © 1999 - 2026 Ushodaya Enterprises Pvt.Ltd, . Powered By Margadarsi Computers This website follows the DNPA Code of Ethics . Privacy and cookie settings
