Ganesh Visarjan 2026 Dates Telugu: వినాయక చవితి వేడుకలు అంటే భక్తి, పూజలు, హారతులు, భజనలు, సందడితో నిండిన ఆధ్యాత్మిక వాతావరణం. గణపయ్యను ఇంటికి ఆహ్వానించి పూజలు నిర్వహించిన భక్తులు.. చివరగా ఎంతో భావోద్వేగంతో గణేశ విగ్రహాన్ని నిమజ్జనం చేస్తారు. ఈ ఘట్టాన్నే గణేశ విసర్జన్ లేదా వినాయక నిమజ్జనం అని పిలుస్తారు. 2026లో వినాయక చవితి సెప్టెంబర్ 14న సోమవారం జరుపుకుంటున్నారు. కుటుంబ సంప్రదాయాలను బట్టి కొందరు భక్తులు 3వ రోజు, మరికొందరు 5వ రోజు లేదా 7,9వ రోజు గణేశ విసర్జన్ చేస్తారు. 10 రోజుల పాటు గణేశోత్సవాన్ని నిర్వహించే కుటుంబాలు మాత్రం అనంత చతుర్దశి రోజున గణపయ్యకు వీడ్కోలు పలుకుతారు.