ప్రముఖ ఫోక్ డ్యాన్సర్ జాను లిరి గురించి ప్రత్యేకంగా చెప్పక్కర్లేదు. అయితే ఇటీవల ఓ ఇంటర్వ్యూలో తన డ్యాన్సులు, పాటలలో ప్రయాణంలో ఎదురైన సవాళ్లను, సాధించిన విజయాలను పంచుకున్నారు. ఆమె 2000కు పైగా ఫోక్ సాంగ్స్కు చేసినట్లు చెప్పుకొచ్చారు. ఆమె ప్రయాణం చిన్న మొత్తంలో మొదలైంది. “నేను ఈవెంట్స్ స్టార్ట్ చేసినప్పుడు రూ.1500 నుంచి స్టార్ట్ చేశాను. కొన్నిసార్లు రూ.1000 కూడా తీసుకున్నాను,” అని ఆమె గుర్తు చేసుకున్నారు. అయితే, తన కృషి, అంకితభావం ఫలితంగా ఆమె రెమ్యూనరేషన్ పెరిగింది. “ఇప్పుడు ఒక సాంగ్కు రూ.20,000 అనుకోండి,” అని ఆమె చెప్పారు. ఫోక్ కొరియోగ్రఫీకి, ఇతర సాధారణ సాంగ్స్ కొరియోగ్రఫీకి మధ్య ఉన్న తేడాలను ఆమె వివరించారు.