Miami Plane Crash: మయామి ఎయిర్‌పోర్ట్‌లో ఘోరప్రమాదం.. బోయింగ్ 767 విమానంలో భారీ మంటలు.. ఐదుగురు మృతి

<figure><img src="https://static.10tv.in/wp-content/uploads/2026/09/Five-killed-in-Amazon-Prime-Air-Boeing-cargo-plane-crash-1024x576.jpg" class="attachment-large size-large wp-post-image" alt="Five killed in Amazon Prime Air Boeing cargo plane crash" decoding="async" loading="lazy" /></figure><ul> <li><strong>అమెజాన్ కార్గో విమానం ప్రమాదం</strong></li> <li><strong>రన్‌వే దాటి ఐదుగురు మృతి</strong></li> <li><strong>మయామిలో నిలిచిన విమానాల రాకపోకలు</strong></li> </ul> <p>Miami Plane Crash: అమెరికాలోని ఫ్లోరిడా రాష్ట్రంలో ఉన్న మయామి అంతర్జాతీయ విమానాశ్రయంలో ఆదివారం మధ్యాహ్నం తీవ్ర దిగ్భ్రాంతికర ప్రమాదం చోటుచేసుకుంది. అమెజాన్ ప్రైమ్ ఎయిర్‌కు చెందిన బోయింగ్ 767-300 కార్గో విమానం ల్యాండింగ్ సమయంలో తీవ్ర నియంత్రణ కోల్పోయి రన్‌వేను దాటుకుంటూ ముందుకు దూసుకెళ్లింది. శాన్ జువాన్ నుంచి వచ్చిన ఈ విమానం రన్‌వే పక్కనున్న పలు వాహనాలను వేగంగా ఢీకొట్టడంతో ఒక్కసారిగా భారీగా మంటలు, దట్టమైన పొగ కమ్మేసింది. ఈ భయంకర దుర్ఘటనలో ఐదుగురు అక్కడికక్కడే ప్రాణాలు కోల్పోగా, మరో ఐదుగురు తీవ్రంగా గాయపడ్డారు.</p> <p><strong><a href="https://10tv.in/telugu-news/andhra-pradesh/pawan-kalyan-uppada-sea-protection-wall-project-iit-madras-survey-begins-sn-1133348.html" target="_blank" rel="noopener">Pawan Kalyan: పిఠాపురం ప్రజలకు డిప్యూటీ సీఎం గుడ్ న్యూస్.. రూ.323 కోట్లతో ఉప్పాడ రక్షణ గోడ.. మొదలైన డీపీఆర్ పనులు</a></strong></p> <h2><span style="color: #ff0000;">అగ్నికీలల్లో విమానం.. ప్రాణభయంతో భయాందోళన చెందిన ప్రయాణికులు:</span></h2> <p>విమానం వాహనాలను ఢీకొట్టడంతో కొందరు తీవ్రంగా గాయపడి వాహనాల్లోనే చిక్కుకుపోగా, సమాచారం అందుకున్న మయామి(Miami Plane Crash)-డేడ్ అగ్నిమాపక బృందాలు వెంటనే ఘటనా స్థలానికి చేరుకుని సహాయక చర్యలు చేపట్టాయి. గాయపడిన వారిలో ముగ్గురి పరిస్థితి అత్యంత విషమంగా ఉన్నట్లు అధికారులు వెల్లడించారు. ప్రమాద తీవ్రత కారణంగా విమానాశ్రయంలోని అన్ని రన్‌వేలను తాత్కాలికంగా మూసివేయడంతో సుమారు 250కి పైగా విమానాల రాకపోకలకు తీవ్ర అంతరాయం ఏర్పడి, ప్రయాణికులు తీవ్ర తీవ్ర ఇబ్బందులు ఎదుర్కొన్నారు.</p> <h3><span style="color: #ff0000;">ప్రమాదానికి అసలు కారణమేంటి? తీవ్ర దిగ్భ్రాంతి వ్యక్తం చేసిన అమెజాన్:</span></h3> <p>ఈ విమానాన్ని అమెజాన్ ప్రైమ్ ఎయిర్ కోసం &#8217;21 Air&#8217; అనే కార్గో సంస్థ నిర్వహిస్తోంది. ప్రమాద సమయంలో అక్కడ ఉరుములు, బలమైన ఈదురుగాలులు ఉన్నట్లు తెలుస్తుండగా, ప్రతికూల వాతావరణమా లేక సాంకేతిక లోపమా అనే కోణంలో FAA, NTSB సంస్థలు దర్యాప్తు ప్రారంభించాయి. ఈ ఘోర ప్రమాదంపై అమెజాన్ తీవ్ర విచారం వ్యక్తం చేస్తూ, బాధితులకు పూర్తి అండగా ఉంటామని ప్రకటించింది. దర్యాప్తు పూర్తయితేనే ప్రమాదానికి గల అసలు కారణాలు స్పష్టమవుతాయని అధికారులు పేర్కొన్నారు.