Endowments Department Sentiment : దేవాదాయ శాఖ వరమా? శాపమా..? మంత్రులను వెంటాడుతోన్న పదవీ గండం..

<figure><img src="https://static.10tv.in/wp-content/uploads/2026/09/Endowments-Department-Sentiment-in-Telugu-States-1024x576.jpg" class="attachment-large size-large wp-post-image" alt="Endowments Department Sentiment in Telugu States" decoding="async" loading="lazy" /></figure><p>Endowments Department Sentiment : తెలుగు రాష్ట్రాల్లో దేవాదాయ శాఖ మంత్రులకు ఎందుకు కలిసి రావడం లేదు. ఈ శాఖను నిర్వహిస్తే పదవీగండం తప్పదా..? ఇదే ఇప్పుడు రాజకీయాల్లో తీవ్ర చర్చనీయాంశం అయింది. ఇప్పటివరకు దేవాదాయ శాఖ మంత్రి నిర్వహించిన వారంతా ఎలా ఉద్వాసనకు గురయ్యారు? దేవాదాయ శాఖ మంత్రిగా ఉంటే రాజకీయ కష్టాలు తప్పవా? అసలు ఈ శాఖకు ఏదైనా నెగిటివ్ సెంటిమెంట్ ఉందా?</p> <p><span style="color: #ff0000;"><strong>Also Read : <a style="color: #ff0000;" href="https://10tv.in/telugu-news/andhra-pradesh/vijayawada-mayor-race-in-tdp-pattabhi-and-bonda-siddharth-hn-1132995.html">Vijayawada Mayor : హీటెక్కిన బెజవాడ పాలిటిక్స్‌.. టీడీపీలో ఆసక్తికరంగా మేయర్ రేసు.. పెరిగిపోతున్న ఆశావహుల జాబితా</a></strong></span></p> <p>దేవాదాయ శాఖ ఎంతో కీలకమైన హోదా. భక్తుల మనోభావాలను ఏమాత్రం దెబ్బతీయకుండా దేవాలయాల నిర్వహణ, దేవాదాయ భూములు, ట్రస్టులు, నిధులు, నియామకాలు, అభివృద్ధి పనులు ఇలా ఎన్నో సున్నితమైన అంశాలు ఈ శాఖలో ఉంటాయి. ఇంతటి సున్నితమైన దేవాదాయ శాఖలో 1960ల నుంచే దేవాదాయ శాఖ మంత్రుల పదవీ కాలాల్లో మార్పులు, ప్రభుత్వ మార్పులు, రాజకీయ సంక్షోభాలు కనిపించాయి.</p> <p>ఆ జాబితాలో ముందుగా చేరిన వ్యక్తే ఆంధ్రప్రదేశ్ తొలి మహిళా మంత్రి టిఎన్ సదాలక్ష్మి. 1962 నుంచి 1964 వరకు దేవాదాయ శాఖ నిర్వహించారు ఆమె. అయితే, ఆ సమయంలో ఆలయ పరిపాలనలో తీసుకొచ్చిన సంస్కరణల అంశం ఆమె పదవికి ఎసరు పెట్టాయి. సంస్కరణ దెబ్బకు ఆమె శాఖ మారాల్సి వచ్చింది. సదాలక్ష్మి దేవాదాయ శాఖ నుంచి సామాజిక సంక్షేమ శాఖకు మార్చారు. ఇక సదాలక్ష్మి తర్వాత ఎన్టీఆర్ హయాల్లోనూ దేవాదాయ శాఖలో తీవ్ర ప్రభావం చూపాయి.</p> <p>1983లో ఆంజనేయులు మంత్రి పదవిలో ఉండగానే మరణించగా వీరభద్రరావు పదవీ బాధ్యతలు చేపట్టారు. ఆయనకి కూడా ఈ శాఖతో ఇబ్బందులు తప్పలేదు. ఆ తర్వాత 1985 నుంచి 1989 వరకు సింహాద్రి సత్యనారాయణ దేవాదాయ శాఖను విజయవంతంగా నిర్వహించారు. అయితే 1994 లో రెండోసారి కూడా దేవాదాయ శాఖను తీసుకున్నప్పటికీ టిడిపీలో వచ్చిన తిరుగుబాటు కారణాల వల్ల కేవలం తొమ్మిది నెలలకే పరిమితం కావలసి వచ్చింది.</p> <p>ఆ తర్వాత వైఎస్ హయాంలోనూ దేవాదాయ శాఖ చుట్టూ వివాదాలు వెంటాడాయి. 2004 &#8211; 2005 మధ్య దేవాదాయ శాఖ నిర్వహించిన ఎం. సత్యనారాయణరావును దేవాదాయ భూములకు సంబంధించిన ఆరోపణల నేపథ్యంలో ఆ శాఖ నుంచి మార్చేశారు. ఆ తర్వాత 2009లో జూపల్లి కృష్ణారావు దేవాదాయ శాఖ బాధ్యతలు చేపట్టారు. అయితే, తెలంగాణ ఉద్యమం ఉదృతమైన సమయంలో 2011 లో ఆయన రాజీనామా చేయాల్సి వచ్చింది.