Satya Niketan Tragedy: ఢిల్లీలో ఘోరప్రమాదం.. కుప్పకూలిన 4 అంతస్తుల భవనం.. శిథిలాల కింద 50 మంది విద్యార్థులు!

<figure><img src="https://static.10tv.in/wp-content/uploads/2026/09/Delhi-satya-niketan-building-collapse-four-storey-pg-hostel-rescue-operation-underway-1024x576.jpg" class="attachment-large size-large wp-post-image" alt="Delhi satya niketan building collapse four storey pg hostel rescue operation underway" decoding="async" fetchpriority="high" /></figure><ul> <li><strong>ఢిల్లీలో నాలుగు అంతస్తుల భవనం</strong></li> <li><strong>పీజీ హాస్టల్ విద్యార్థుల గల్లంతు</strong></li> <li><strong>ముమ్మరంగా సాగుతున్న రెస్క్యూ ఆపరేషన్</strong></li> </ul> <p>Satya Niketan Tragedy: దేశ రాజధాని ఢిల్లీలో ఆదివారం మధ్యాహ్నం భారీ ప్రమాదం చోటుచేసుకుంది. నైరుతి ఢిల్లీ పరిధిలోని సత్య నికేతన్(Satya Niketan Tragedy) ప్రాంతంలో ఉన్న ఓ నాలుగు అంతస్తుల భవనం ఒక్కసారిగా కుప్పకూలింది. మధ్యాహ్నం 1:30 గంటల సమయంలో సంభవించిన ఈ ఘోర ప్రమాదంలో భవనం శిథిలాల కింద పలువురు విద్యార్థులు చిక్కుకుపోయినట్లు అనుమానిస్తున్నారు. సత్య నికేతన్ ప్రాంతం ఢిల్లీ యూనివర్సిటీ సౌత్ క్యాంపస్ సమీపంలో ఉండటంతో, ఈ భవనాన్ని పేయింగ్ గెస్ట్ (పీజీ) హాస్టల్‌గా ఉపయోగిస్తున్నారు. ఆదివారం సెలవు రోజు కావడంతో ప్రమాద సమయంలో లోపల సుమారు 50 మంది వరకు విద్యార్థులు ఉండి ఉంటారని ప్రత్యక్ష సాక్షులు భయాందోళన వ్యక్తం చేస్తున్నారు.</p> <p><strong><a href="https://10tv.in/telugu-news/andhra-pradesh/pollution-control-board-imposes-rs-21-crore-fine-on-andhra-paper-mill-sn-1133074.html" target="_blank" rel="noopener">Andhra Paper Mill: ఆంధ్రా పేపర్ మిల్లుకు షాక్.. రూ.21 కోట్ల భారీ జరిమానా.. పవన్ కళ్యాణ్ మార్క్ యాక్షన్</a></strong></p> <h2><span style="color: #ff0000;">యుద్ధ ప్రాతిపదికన సహాయక చర్యలు.. శిథిలాల కింద నుంచి ఫోన్ కాల్స్:</span></h2> <p>ఘటన సమాచారం అందుకున్న వెంటనే పోలీసులు, డిజాస్టర్ రెస్క్యూ టీమ్‌లు అక్కడికి చేరుకుని సహాయక చర్యలు చేపట్టాయి. ఇప్పటివరకు ఇద్దరిని సురక్షితంగా రక్షించినట్లు స్థానిక ఎమ్మెల్యే అనిల్ శర్మ వెల్లడించారు. శిథిలాల కింద చిక్కుకున్న వారిని బయటకు తీసేందుకు 12 ఫైర్ ఇంజన్లు, జేసీబీలతో ముమ్మరంగా శ్రమిస్తున్నారు. లోపల ఉన్న కొందరు విద్యార్థులు సహాయం కోసం కేకలు వేస్తున్నారని, కొందరు తమ ఫోన్ల ద్వారా బయట ఉన్నవారిని సంప్రదించేందుకు ప్రయత్నిస్తున్నారని అధికారులు తెలిపారు.</p> <h3><span style="color: #ff0000;">ప్రమాదానికి గల కారణాలపై విచారణ:</span></h3> <p>సత్య నికేతన్ పీజీ హాస్టల్ భవనం ఏ కారణంతో ఒక్కసారిగా కూలిపోయిందనే అంశంపై స్పష్టత రావాల్సి ఉంది. నిర్మాణాత్మక లోపాలా లేక ఏదైనా పేలుడు సంభవించిందా అనే కోణంలో పోలీసులు విచారణ జరుపుతున్నారు. ప్రస్తుతానికి అధికారులందరూ శిథిలాల కింద ఉన్నవారిని ప్రాణాలతో కాపాడటంపైనే దృష్టి సారించారు. ఈ సమాచారం తెలిసిన విద్యార్థుల తల్లిదండ్రులు తీరని ఆందోళనకు గురవుతున్నారు.</p>