Canara Bank ATM Rules : ఖాతాదారులకు షాకింగ్న్యూస్.. ఈబ్యాంకు ATMలో లిమిట్ దాటితే ఛార్జీల మోతే!

<figure><img src="https://static.10tv.in/wp-content/uploads/2026/09/Canara-Bank-ATM-Rules-1024x576.jpg" class="attachment-large size-large wp-post-image" alt="Canara Bank ATM Rules" decoding="async" fetchpriority="high" /></figure><ul> <li><strong>కెనరా బ్యాంకు ఖాతాదారులకు బిగ్ అలర్ట్</strong></li> <li><strong>ఏటీఎం ఉచిత లావాదేవీల పరిమితి తగ్గింది</strong></li> <li><strong>ఇకపై ఈ పరిమితి దాటితే అధిక ఛార్జీలు చెల్లించాలి</strong></li> </ul> <p><strong>Canara Bank ATM Rules :</strong> మీకు కెనరా బ్యాంక్‌లో ఖాతా ఉందా? అయితే, ఈ వార్త మీ కోసమే. సెప్టెంబర్ 1, 2026 నుంచి కొత్త రూల్స్ అమల్లోకి వచ్చేశాయి. ఆ బ్యాంక్ ఉచిత ఏటీఎం లావాదేవీల పరిమితిని సవరించింది. మీరు పదేపదే ఏటీఎంల నుంచి డబ్బు విత్‌డ్రా చేస్తుంటే ఇకపై ఆపేయడం బెటర్.</p> <p>ఆర్థిక లేదా ఆర్థికేతర లావాదేవీలు ఏది చేసినా ఈ కొత్త పరిమితి వర్తిస్తుంది. ఈ లావాదేవీలకు సంబంధించి ఏటీఎం పరిమితిని మించితే అధిక రుసుము చెల్లించాలి. ఇంతకీ కెనరా బ్యాంకులో ఏయే ఖాతాదారుల ఉచిత లావాదేవీల పరిమితులు తగ్గాయి? ఏయే ఖాతాలు ప్రభావితం కాలేదో ఇప్పుడు వివరంగా తెలుసుకుందాం..</p> <p>కెనరా బ్యాంక్ ఏటీఎం ఉచిత లావాదేవీ పరిమితిని మార్చేసింది. బ్యాంకు రెగ్యులర్ కస్టమర్ల కోసం ఆర్థిక, ఆర్థికేతర ఏటీఎం లావాదేవీల ఉచిత పరిమితిని 6 నుంచి 5కి తగ్గించింది. ఈ మార్పును ముఖ్యంగా సేవింగ్స్ ఖాతాదారుల కోసమే.. వయోవృద్ధులకు ఉచిత ఏటీఎం లావాదేవీల పరిమితి 8 అలానే కొనసాగుతోంది. ఇందులో ఎలాంటి మార్పులు చేయలేదు.</p> <p><strong>Read Also : <a href="https://10tv.in/telugu-news/business/tata-curvv-series-x-launched-at-rs-9-99-lakh-check-all-variants-and-features-sh-1132923.html">Tata Curvv Series X : రూ.9.99 లక్షలకే టాటా కర్వ్ కొత్త సిరీస్ X కారు.. ఏ వేరియంట్‌లో ఏయే ఫీచర్లు ఉన్నాయంటే!</a></strong></p> <p><strong>లావాదేవీలపై అదనపు ఛార్జీలు : </strong><br /> కెనరా బ్యాంక్ ఏటీఎంలలో ఉచిత పరిమితి ఉంది. అయితే, ఇప్పుడు ఆ పరిమితిని (Canara Bank ATM Rules) మించి లావాదేవీలు చేస్తే మాత్రం ఛార్జీలు చెల్లించక తప్పదు. ఆర్థికేతర లావాదేవీలపై రుసుము ఒక్కో లావాదేవీకి రూ. 5గా యథాతథంగా ఉంది.</p> <p>మీరు నెలలో 5 సార్ల కన్నా ఎక్కువగా ఏటీఎం నుంచి డబ్బు విత్ డ్రా చేస్తే ఇప్పుడు ప్రతి లావాదేవీకి రూ. 23 రుసుము చెల్లించాల్సి ఉంటుంది. గతంలో రూ. 20గా ఉండేది.<br /> ఇతర బ్యాంకు ఏటీఎం నుంచి డబ్బులు విత్ డ్రా చేసుకునే రుసుమును కూడా రూ. 23కి పెంచారు. గతంలో ఈ రుసుము రూ. 17గా ఉండేది. గ్రీన్ పిన్‌ను రీసెట్ చేసేందుకు అయ్యే రుసుమును రూ. 23 నుంచి రూ. 5కు తగ్గించారు.</p> <p>ప్రభుత్వ రంగ బ్యాంకులలో ఒకటైన కెనరా బ్యాంక్ 1906లో మంగళూరులో స్థాపించారు. హెడ్ క్వార్టర్ ఆఫీసు బెంగళూరులో ఉంది. వివిధ నగరాల్లోని శాఖలతో పాటు, ఈ బ్యాంకు మొబైల్ యాప్, అధికారిక వెబ్‌సైట్ ద్వారా కస్టమర్లకు అనేక సేవలను అందిస్తోంది.